КР Өкмөтүнүн (Кыргыз Республикасынын Өкмөтү менен Казакстан Республикасынын Өкмөтүнүн ортосундагы Кыргыз Республикасынын жарандарынын Казакстан Республикасынын аймагында жана Казакстан Республикасынын жарандарынын Кыргыз Республикасынын аймагында болуусунун тартиби жөнүндө Макулдашуунун долбоору жактыруу боюнча) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2012-жылдын 7-майы № 178-б

1. Кыргыз Республикасынын Өкмөтү менен Казакстан Республикасынын Өкмөтүнүн ортосундагы Кыргыз Республикасынын жарандарынын Казакстан Республикасынын аймагында жана Казакстан Республикасынын жарандарынын Кыргыз Республикасынын аймагында болуусунун тартиби жөнүндө Макулдашуунун тиркелген долбоору жактырылсын.

2. Кыргыз Республикасынын Тышкы иштер министрлигинин статс-катчысы Исаев Асейин Кусеиновичке жогоруда аталган Макулдашууга принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.

Биринчи вице-премьер-министри

А.Карашев

Долбоор

Кыргыз Республикасынын Өкмөтү менен Казакстан

Республикасынын Өкмөтүнүн ортосундагы Кыргыз

Республикасынын жарандарынын Казакстан

Республикасынын аймагында жана Казакстан

Республикасынын жарандарынын Кыргыз Республикасынын

аймагында болуусунун тартиби жөнүндө

МАКУЛДАШУУ

Мындан ары "Тараптар" деп аталуучу Кыргыз Республикасынын Өкмөтү жана Казакстан Республикасынын Өкмөтү, Тараптардын мамлекеттеринин ортосунда достук мамилелерди өнүктүрүү, алардын жарандарынын сапарларын укуктук жөнгө салуу максатында, 1997-жылдын 8-апрелиндеги Кыргыз Республикасы менен Казакстан Республикасынын ортосунда Түбөлүк достук жөнүндө келишиминин жоболорун жана принциптерин эске алып, Бир Тараптын мамлекетинин жарандарынын экинчи Тараптын мамлекетинин аймагында болуусу үчүн ыңгайлуу шарттарды түзүүнү каалап, төмөндөгүлөр тууралуу макулдашты:

1-берене.

Экинчи Тараптын жарандарынын аймагында убактылуу болгон бир Тараптын мамлекетинин жарандары ошол башка Тараптын мамлекетинин улуттук мыйзамдарына ылайык ыйгарым укуктуу органдарда каттоодон өтүүгө милдеттүү. Биринчи Тараптын жарандарын каттоо келген Тараптын мамлекетинин мамлекеттик чек арасынан өткөн күндөн тартып 90 күндөн ашпаган мөөнөткө жүргүзүлөт жана ошол Тараптын мамлекетинин улуттук мыйзамдарына ылайык ошол эле мөөнөткө узартылышы мүмкүн.

2-берене.

Бул Макулдашууну ишке ашыруу боюнча ыйгарым укуктуу орган болуп төмөндөгүлөр саналат: Кыргыз Республикасынын Өкмөтүнүн атынан - Кыргыз Республикасынын Өкмөтүнө караштуу Мамлекеттик каттоо кызматы; Казакстан Республикасынын Өкмөтүнүн атынан - Казакстан Республикасынын Ички иштер министрлиги.

3-берене.

Бир Тараптын мамлекетинин жарандары башка Тараптын аймагына эл аралык байланыш үчүн ачылган Тараптардын мамлекеттеринин чек араларындагы өткөрмө пункттары аркылуу киришет, чыгышат жана транзит кылышат.

4-берене.

Бир тараптын мамлекетинин жарандары экинчи Тараптын мамлекетинин аймагында болгон учурунда турган орду боюнча улуттук мыйзамды сактоого милдеттүү.

5-берене.

Бул Макулдашуу өз аймагында жүрүүсүн ылайыксыз деп эсептеген Тараптардын мамлекеттеринин жарандарын киргизбей коюуга, же алардын жүрүү мөөнөтүн кыскартып коюуга болгон Тараптардын мамлекеттеринин укуктарын чектебейт.

6-берене.

Ушул Макулдашууга Тараптардын өз ара макулдашуусу боюнча анын ажырагыс бөлүгү катары эсептелген жана өзүнчө протокол менен таризделген өзгөртүүлөрдү жана толуктоолорду киргизүүгө болот.

7-берене.

Бир Тараптын мамлекетинин жараны экинчи бир Тараптын мамлекетинин аймагына жарактуу болгон төмөндөгүдөй документтер менен кирип (чыга) алат: Кыргыз Республикасы үчүн:

1. Дипломаттык паспорт

2. Кызматтык паспорт

3. Кыргыз Республикасынын жаранынын паспорту (ID - картасы)

4. Кыргыз Республикасынын жаранынын жалпы жарандык паспорту

5. Моряктык паспорту (кемелик ролу болсо, андан көчүрмө)

6. Кыргыз Республикасына кайтуу үчүн күбөлүк (Кыргыз Республикасына гана кайтуу үчүн)

7. Туулгандыгы жөнүндө күбөлүк (16 жашка чыга элек балдар үчүн), мында Кыргыз Республикасынын жарандыгына кире тургандыгы көрсөтүлөт;

Казакстан Республикасы үчүн:

1. Дипломаттык паспорт

2. Кызматтык паспорт

3. Казакстан Республикасынын жаранынын өзүн тастыктаган күбөлүгү

4. Казакстан Республикасынын жаранынын паспорту

5. Моряктын өздүк күбөлүгү

6. Казакстан Республикасына кайтып келүүгө күбөлүк (Казакстан Республикасына гана кайтуу үчүн).

8-берене.

Талкууга алынуучу жана ушул Макулдашууну аткарууга тиешелүү болгон талаш маселелер Тараптар ортосунда кеңеш берүү жана сүйлөшүү жолу аркылуу жөнгө салынат.

9-берене.

1. Тараптардын ар бири улуттук коопсуздукту камсыздоо максатында ушул Макулдашууну колдонууну токтотууга укуктуу. Макулдашууну колдонууну токтотуу тууралуу билдирүүнү бир Тарап экинчи Тарапка дипломатиялык каналдар аркылуу, Макулдашууну колдонууну токтотуу күнүнө чейин кеминде 72 саат калганга чейин жиберет.

2. Бул Макулдашууну колдонууну кайра улантуу тууралуу чечим кабыл алган Тарап экинчи Тарапка дипломатиялык каналдар аркылуу, Макулдашууну колдонууну кайра улантуу күнү жөнүндө билдирүүнү Макулдашууну колдонуу кайра улантылган күнгө кеминде 72 саат калганга чейин жиберет.

10-берене.

1. Бул Макулдашуу анын күчүнө киришине зарыл болгон ички мамлекеттик процедуралардын аткарылгандыгы жөнүндөгү Тараптардын дипломатиялык каналдар боюнча акыркы жазуу жүзүндөгү билдирүүсүн алган күндөн тартып күчүнө кирет.

2. Бул Макулдашуу белгиленбеген мөөнөткө түзүлөт. Ар бир Тарап бир жактуу тартипте ушул Макулдашууну колдонуунун токтотулушу жөнүндө экинчи Тарапка дипломатиялык канал боюнча жазуу жүзүндө билдирип, аны колдонууну токтото алат. Мындай учурда бул Макулдашууну колдонуу ошондой билдирүү алган күнүнөн баштап, алты ай өткөндөн кийин токтотулат.

_________ шаарда 2012-жылдын "___"-__________ эки нускада, кыргыз, казак жана орус тилдеринде түзүлдү, бардык үч текст бирдей күчкө ээ.

Кыргыз Республикасынын Казакстан республикасынын Өкмөтү үчүн Өкмөтү үчүн