# КР Өкмөтүнүн 2012-жылдын 5-октябрындагы № 482-б ("Кыргызтуракжайкоммунсоюз" мамлекеттик ишканасына финансылык жардам көрсөтүү) буйругу - Толук аталышы: КР Өкмөтүнүн 2012-жылдын 5-октябрындагы № 482-б ("Кыргызтуракжайкоммунсоюз" мамлекеттик ишканасына финансылык жардам көрсөтүү) буйругу - Актынын түрү: Распоряжение - Номери: 482-р - Кабыл алынган күнү: 05.10.2012 - Статусу: Күчүндө - Редакциянын күнү: 16.12.2014 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 16.12.2014 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2012-жылдын 5-октябрындагы № 482-б ("Кыргызтуракжайкоммунсоюз" мамлекеттик ишканасына финансылык жардам көрсөтүү) буйругу (16.12.2014 редакциясы) - https://aqlex.ai/kg/doc/209426 --- КЫРГЫЗ РЕСПУБЛИКАСЫНЫН ӨКМӨТҮ БУЙРУК 2012-жылдын 5-октябры № 482-б (КР Өкмөтүнүн 2013-жылдын 23-декабрындагы № 504-б, 2014-жылдын 19-мартындагы № 99-б, 2014-жылдын 16-декабрындагы № 573-б буйрукатарынын редакцияларына ылайык) Кыргыз Республикасынын Энергетика жана өнөр жай министрлигинин алдындагы "Кыргызтуракжайкоммунсоюз" мамлекеттик ишканасына 2012/2013-жылдагы жылытуу мезгилине даярдык көрүү үчүн финансылык жардам көрсөтүү максатында: 1. Кыргыз Республикасынын Финансы министрлиги: - Кыргыз Республикасынын Энергетика жана өнөр жай министрлигинин алдындагы "Кыргызтуракжайкоммунсоюз" мамлекеттик ишканасына 200,0 (эки жүз) млн. сом өлчөмүндөгү бюджеттик ссуда берсин; - бюджеттик ссуданы кайтарып берүүнүн шарттары боюнча карыздык милдеттенме боюнча келишимди аталган мамлекеттик ишкана менен белгиленген тартипте түзсүн; - бюджеттик ссуданы берүүнүн төмөнкү шарттарын аныктасын; бюджеттик ссуданы тындыруу мөөнөтү 2013-жылдын 1-июлу жана 2015-жылдын30-апрели, 100,0 миң (жүз) млн. сомдон, тең үлүштөр менен; ссуда пайызы жок, күрөөлүк камсыздоо таризделбейт; төлөмдөрдүн мөөнөтүн өткөргөндүгү үчүн айыптык санкциялар мөөнөтүн өткөргөн карыздын суммасынан жылдык 6 пайыз өлчөмүндө; - "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына тиешелүү өзгөртүүлөрдү белгиленген тартипте киргизсин. (КР Өкмөтүнүн 2013-жылдын 23-декабрындагы № 504-б, 2014-жылдын 19-мартындагы № 99-б, 2014-жылдын 16-декабрындагы № 573-б буйрукатарынын редакцияларына ылайык) 2. Кыргыз Республикасынын Энергетика жана өнөр жай министрлигинин алдындагы "Кыргызтуракжайкоммунсоюз" мамлекеттик ишканасы: - бюджеттен алынган 200,0 (эки жүз) млн. сом өлчөмүндөгү каражаттарды электр энергиясы, мазут жана газ үчүн кредитордук карызды тындырууга, максаттык арналышы боюнча жумшасын; - жогоруда аталган ссуданы ушул буйруктун 1-пунктуна ылайык кайтарып берүүнү камсыз кылсын. 3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын өнөр жай отун энергетикалык комплекси жана кен пайдалануу бөлүмүнө жүктөлсүн. Премьер-министри Ж.Сатыбалдиев