КР Өкмөтүнүн (Кыргыз Республикасынын Өкмөтүнө караштуу Баңги заттарды контролдоо боюнча мамлекеттик кызмат менен Азербайжан Республикасынын Ички иштер министрлигинин ортосундагы Баңги каражаттарды, психотроптук заттарды жана прекурсорлорду мыйзамсыз жүгүртүүгө каршы күрөшүүдөгү кызматташтык жөнүндө макулдашуунун долбооруна макулдук берүү боючна) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2012-жылдын 29-марты № 115-б Кыргыз Республикасынын Өкмөтүнө караштуу Баңги заттарды контролдоо боюнча мамлекеттик кызмат менен Азербайжан Республикасынын Ички иштер министрлигинин ортосундагы Баңги каражаттарды, психотроптук заттарды жана прекурсорлорду мыйзамсыз жүгүртүүгө каршы күрөшүүдөгү кызматташтык жөнүндө макулдашуунун долбооруна принциптүү эмес мүнөздөгү өзгөртүүлөрдү жана толуктоолорду киргизүү мүмкүндүгүн эске алуу менен макулдук берилсин.

Премьер-министр

Ө.Бабанов

Долбоор

Кыргыз Республикасынын Өкмөтүнө караштуу

Баңги заттарды контролдоо боюнча мамлекеттик

кызмат менен Азербайжан Республикасынын Ички иштер

министрлигинин ортосундагы Баңги каражаттарды,

психотроптук заттарды жана прекурсорлорду

мыйзамсыз жүгүртүүгө каршы күрөшүүдөгү

кызматташтык жөнүндө

МАКУЛДАШУУ

Мындан ары Тараптар деп аталуучу Кыргыз Республикасынын Өкмөтүнө караштуу Баңги заттарды контролдоо боюнча мамлекеттик кызмат жана Азербайжан Республикасынын Ички иштер министрлиги, баңги каражаттарды, психотроптук заттарды жана прекурсорлорду (мындан ары - наркотиктер) мыйзамсыз жүгүртүүнүн масштабдары кеңейип баратканына тынчсызданганын билдиришип, баңгилик каражаттарды, психотроптук заттарды жана прекурсорлорду мыйзамсыз жүгүртүү Тараптардын мамлекеттеринин элдеринин ден соолугуна жана бакыбаттыгына олуттуу коркунуч жаратаарын түшүнүшүп, Баңги каражаттары жөнүндө 1961-жылдын 30-мартындагы бирдиктүү конвенцияга оңдоолор жөнүндө 1972-жылдын 25-мартындагы Протоколго ылайык киргизилген оңдоолору менен Баңги каражаттары жөнүндө 1961-жылдын 30-мартындагы бирдиктүү конвенциянын, 1971-жылдын 21-февралындагы Психотроптук заттар жөнүндө конвенциянын, Бириккен Улуттар Уюмунун 1988-жылдын 20-декабрындагы Баңги каражаттардын жана психотроптук заттардын мыйзамсыз жүгүртүлүшүнө каршы күрөш жөнүндө конвенциясынын жоболорун эске алышып, Наркотиктерди мыйзамсыз жүгүртүүгө каршы күрөшүүгө багытталган натыйжалуу чараларды көрүүгө өз ара кызыкдарлыктан улам, өз мамлекеттеринин улуттук мыйзамдарына жана эл аралык милдеттенмелерине таянуу менен, төмөнкүлөр жөнүндө макулдашышты:

1-берене.

Бул Макулдашуунун предмети болуп Тараптардын баңги каражаттарды, психотроптук заттарды жана прекурсорлорду мыйзамсыз жүгүртүүгө каршы натыйжалуу чара көрүүнү уюштуруу максатындагы кызматташтыгы эсептелет.

2-берене.

1. Тараптардын аталган Макулдашуунун алкагында кызматташтыгы төмөнкү формаларда иш жүзүнө ашырылат:

а) баңги каражаттарды, психотроптук заттарды жана прекурсорлорду мыйзамсыз жүгүртүүгө каршы чара көрүү боюнча маалыматтарды алмашуу;

б) наркотиктерди мыйзамсыз жүргүзүүгө байланышкан маселелер боюнча бир Тараптын суроосу боюнча экинчи Тараптын операциялык-иликтөө иштерин жүргүзүүсү;

в) баңги каражаттардын, психотроптук заттарды жана прекурсорлорду мыйзамсыз жүгүртүүгө каршы чара көрүү боюнча иш-чараларды жүргүзүүдөгү кызматташтык, анын ичинде контролдонуучу берүүлөр, текшерме сатып алуулар жана далилдерди алмашуу;

г) тажрыйба алмашуу, анын ичинде кеңешмелерди, конференцияларды жана семинарларды өткөрүү жолу менен алмашуу;

д) мыйзам жана башка ченемдик укуктук актыларды, аларды ишке ашыруу практикасы жөнүндө материалдарды, баңги каражаттардын, психотроптук заттардын жана прекурсорлордун мыйзамсыз жүгүртүлүшүнө каршы чара көрүү маселелери боюнча, анын ичинде алардын легалдуу жүгүртүлүшүн контролдоо боюнча статистикалык маалыматтарды жана усулдук рекомендацияларды алмашуу;

е) кадрларды даярдоо жана квалификациясын жогорулатуу;

ж) материалдык-техникалык жана консультациялык жардам көрсөтүү, ошондой эле экспертиза жүргүзүүгө көмөктөшүү;

з) баңгилик каражаттарды мыйзамсыз жүгүртүүгө каршы күрөшүү проблемалары боюнча биргелешкен илимий изилдөөлөрдү жүргүзүү;

и) зарыл болсо мыйзамсыз жүгүртүүдөн алынган баңгилик каражаттардын үлгүлөрүн жана аларды изилдөөнүн натыйжаларын алмашуу;

к) кызматташтык процессинде пайда болуучу маселелер боюнча ишти координациялоо, анын ичинде жумушчу топторду түзүү жана өкүлдөрдү алмашуу.

2. Аталган Макулдашуу Тараптардын башка өз ара алгылыктуу кызматташтык формаларын даярдоо жана өнүктүрүүгө бөгөт болбойт.

3-берене.

Бул Макулдашуунун алкагында маалымат алмашуу төмөнкүлөргө байланыштуу иш жүзүнө ашырылат:

а) башка Тараптын мамлекетинин аймагында жасалган же жасоого даярдалып жаткан баңги каражаттарды мыйзамсыз жүгүртүүгө байланыштуу кылмыштар боюнча;

б) баңги каражаттардын мыйзамсыз жүгүртүлүшүнө тиешеси бар экендиги боюнча шектүү адамдарга карата;

в) бир Тараптын мамлекетинин аймагынан башка Тараптын мамлекетинин аймагына наркотиктерди мыйзамсыз өткөрүүгө же өткөрүү ниетине байланышкан конкреттүү фактыларга жана окуяларга карата;

г) наркотиктерди мыйзамсыз жүгүртүүгө тиешеси бар жана иши трансулуттук мүнөздөгү кылмыштуу топтордун структурасына, персоналдык курамына, иштөө чөйрөсүнө, башкаруусунун уюштурулушуна карата;

д) Тараптардын аймактарында иштеген жана баңги каражаттардын мыйзамсыз жүгүртүлүшүнө байланышы бар айрым адамдардын же кылмыштуу топтордун ортосунда болгон же белгиленип жаткан контакттарга карата;

е) баңги каражаттардын мыйзамсыз жүгүртүлүшүнө байланышкан кылмыштуу иштерди жасоонун формалары жана методдору боюнча;

ж) баңги каражаттардын мыйзамсыз жүгүртүлүшүнөн түшкөн кирешелерди мыйзамдаштырууга (адалдоого) багытталган иш-аракеттер боюнча;

з) баңги каражаттардын мыйзамсыз жүгүртүүгө түшүү булактарын аныктоонун формалары менен усулдары жана ушундай мыйзамсыз жүгүртүүнү токтотуу чаралары боюнча;

и) баңги каражаттарды өстүрүүдө, жасоодо, ташууда жана сатууда колдонулуучу катуу жана жашыруу ыкмалары, ошондой эле аларды аныктоо усулдары боюнча;

ошондой эле өз ара кызыкчылыкты туудурган башка маселелер боюнча.

4-берене.

1. Бул Макулдашуунун алкагында көмөк көрсөтүү Тараптардын биринин өтүнүчүнүн же ушундай жардам көрсөтүү башка Тарапка керек деп эсептеген демилгесинин негизинде ишке ашырылат.

Көмөк көрсөтүү жөнүндө суроо жазуу түрүндө же текстти жиберүүнүн техникалык каражаттарын пайдалануу менен жиберилүүгө тийиш. Кечиктирүүгө болбочу учурларда телефон байланышы аркылуу берилген оозеки суроо кабыл алынышы мүмкүн, бирок ал үч сутка ичинде жазуу түрүндө, зарыл болсо текстти жиберүүнүн техникалык каражаттарын колдонуу менен ырасталышы керек. Маалыматты берүүнүн техникалык каражаттарын пайдаланууда, ошондой эле алынган суроонун аныктыгы же мазмуну боюнча күмөн пайда болсо, суроону алган Тарап жиберген Тараптан жазуу түрүндө ырастоо жиберүүнү сураса болот.

2. Көмөк көрсөтүү жөнүндө суроодо төмөнкүлөр болууга тийиш:

- суроо жиберген Тараптын аталышы;

- суроо жиберилген Тараптын аталышы;

- суроонун мазмунунун кыскача баяндамасы жана анын негиздемеси;

- суроону аткаруу үчүн керектүү башка маалыматтар.

5-берене.

1. Суроону алган Тарап суроонун мүмкүн болушунча тез жана толук аткарылышын камсыздоо үчүн баардык зарыл чараларды көрөт. Суроо, эреже катары, алынган күндөн 30 суткадан ашпаган мөөнөттө аткарылат. Айрым жагдайларда суроону аткаруу мөөнөтү узартылышы мүмкүн.

2. Суроону алган Тарап суроо жиберген Тараптын ыйгарым укуктуу өкүлдөрүнө суроону аткаруу учурунда өзүнүн мамлекетинин аймагында болууга уруксат бериши мүмкүн, эгерде ал мамлекеттин мыйзамдарына каршы келбесе.

6-берене.

1. Эгерде суроону аткаруу мүмкүн болбосо же аны аткаруудан баш тартылса, суроо жиберилген Тарап суроочу Тарапты дароо жазуу түрүндө маалымдайт да, суроону аткарууга бөгөт болгон себептер тууралуу кабарлоо менен суроону жана анын баардык тиркемелерин кайра артка жиберет.

2. Эгерде суроону аткаруу мамлекеттин эгемендигине, коопсуздугуна же башка олуттуу кызыкчылыктарына зыян келтириши мүмкүн деп эсептесе, же ал мамлекеттин мыйзамдарына жана эл аралык милдеттенмелерине каршы болсо, анда суроону аткаруудан толук же айрым бөлүгүн аткаруудан баш тартылышы мүмкүн.

3. Эгерде суроону алган Тарап суроону дароо аткаруу ал мамлекеттин аймагында ишке ашырылып жаткан кылмышты жазалоого же башка өндүрүшкө тоскоол болот деп эсептесе, ал суроону аткарууну кийинкиге жылдырышы же аны суроо жиберген Тарап менен кеңешкенден кийин зарыл деп аныкталган шарттардын аткарылышына жараша ишке ашырышы мүмкүн. Суроочу Тарап сунушталган шарттар менен көмөк көрсөтүлүшүнө макул болсо, анда ал ушул шарттарды аткарууга тийиш.

7-берене.

1. Тараптар жашырын эмес болгон документтерден жана материалдардан сырткары, наркотиктерди мыйзамсыз жүгүртүүгө каршы чара көрүү маселеси боюнча алынган маалыматтардын, ошондой эле жана документтердин материалдардын мазмунунун жашырындыгын камсыз кылышат.

2. Суроону жиберген Тарап алынган маалыматтарды суроодо көрсөтүлгөн максаттарда гана колдонот.

3. Ушул Макулдашуунун алкагында алынган маалыматтар үчүнчү Тарапка ошол маалыматты берген Тараптын жазуу түрүндөгү макулдугусуз берилиши мүмкүн эмес.

8-берене.

Тараптар бул Макулдашуунун алкагындагы кызматташтыкты жүргүзүшкөндө жумуштун тили катары орус тилин пайдаланылат.

9-берене.

1. Тараптар бул Макулдашууну өзүнүн мамлекетинин аймагында ишке ашырууга байланышкан чыгымдарды өздөрү көтөрүшөт.

2. Эгерде алардын ортосунда жазуу түрүндөгү башкача макулдашуу болбосо, Тараптар өз өкүлдөрүнүн кабыл алуучу Тараптын мамлекетинин аймагына барып-келүүсүнө жана жашоосуна байланыштуу бардык чыгымдарын өздөрүнө алышат.

3. Суроочу Тараптын өкүлдөрүнүн баруусу суроо жиберилген Тараптын алдын ала макулдугу менен иш жүзүнө ашырылат.

10-берене.

Бул Макулдашууда каралган кызматташтыкты ишке ашыруунун жүрүшүн кароо жана аны андан аркы өркүндөтүүнүн багыттарын иштеп чыгуу үчүн Тараптар биргелешкен жумушчу жолугушууларды, кеңешмелерди, семинарларды өткөрөт. Жолугушуулар кезеги менен ар бир Тараптын мамлекетинде өткөрүлөт.

11-берене.

Бул Макулдашуунун 2-беренесинин 1-пунктунун ж), з) жана и) пунктчаларында каралган кызматташууну ишке ашыруунун конкреттүү формалары, тактап айтканда аны каржылоо Тараптардын ортосундагы өзүнчө келишимдер менен аныкталат.

12-берене.

Тараптардын чечими боюнча бул Макулдашууга өзгөртүүлөр жана толуктоолор киргизилиши мүмкүн, алар ушул Макулдашуунун ажыратылгыс бөлүгү болуп эсептелүүчү жана ушул Макулдашуунун 14-беренесинде белгиленген тартипте күчүнө кирүүчү өзүнчө Протоколдор менен таризделет.

13-берене.

Тараптар бул Макулдашуунун жоболорун чечмелөөдө же колдонууда пайда болгон бардык пикир келишпестиктерди кеңешүү жана сүйлөшүү жолу менен чечишет.

14-берене.

Бул Макулдашуу белгисиз мөөнөткө түзүлөт жана анын күчүнө кириши үчүн зарыл болгон ички мамлекеттик жол-жоболордун аткарылгандыгы жөнүндө акыркы жазуу жүзүндөгү кабарлоону дипломаттык каналдар боюнча алган күндөн баштап күчүнө кирет. Тараптардын ар бири ушул Макулдашууну башка Тарапка жазуу жүзүндө дипломаттык каналдар боюнча кабарлап, колдонууну токтотот. Бул учурда Макулдашуу мындай кабарлоо алган күндөн баштап алты (6) ай өткөндөн кийин күчүн жоготот. Бул Макулдашуу кол коюлган күндөн тартып күчүнө кирет жана Тараптардын бири экинчи Тараптан бул Макулдашууну колдонууну токтотуу ниети жөнүндө жазуу жүзүндөгү билдирүү алган күндөн кийин үч ай өткөнгө чейин күчүндө болот.

Баку шаарында 2012-жылдын "____"_________________ эки түп нускада, ар бири кыргыз, азербайджан жана орус тилдеринде түзүлдү, баардык тексттер бирдей. Бул Макулдашуунун текстин чечмелөөдө айырмачылыктар пайда болсо, орус тилиндеги текст колдонулат.

Кыргыз Республикасынын Азербайжан Республикасынын Өкмөтүнө караштуу Баңги Ички иштер заттарды контролдоо боюнча министрлиги үчүн мамлекеттик кызмат үчүн