# 2012-жылдын 3-февралы № 32-б (Бюджеттер аралык мамилелердин жаңы принциптерине өтүү боюнча) буйругу - Толук аталышы: 2012-жылдын 3-февралы № 32-б (Бюджеттер аралык мамилелердин жаңы принциптерине өтүү боюнча) буйругу - Актынын түрү: Распоряжение - Номери: 32-р - Кабыл алынган күнү: 03.02.2012 - Статусу: Күчүндө - Редакциянын күнү: 03.02.2012 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 03.02.2012 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: 2012-жылдын 3-февралы № 32-б (Бюджеттер аралык мамилелердин жаңы принциптерине өтүү боюнча) буйругу (03.02.2012 редакциясы) - https://aqlex.ai/kg/doc/209321 --- КЫРГЫЗ РЕСПУБЛИКАСЫНЫН ӨКМӨТҮ БУЙРУК 2012-жылдын 3-февралы № 32-б Бюджеттер аралык мамилелердин жаңы принциптерине өтүүгө жана райондордун жергиликтүү бюджеттери жоюлгандыгына байланыштуу: 1. Мурда райондордун жергиликтүү бюджеттеринен каржылануучу бюджеттик мекемелер республикалык бюджеттен каржылоого тиркемеге ылайык (1-8) тиешелүү министрликтердин жана администрациялык ведомстволордун карамагына өткөрүлсүн. 2. Кыргыз Республикасынын Финансы министрлиги: - райондордун жергиликтүү бюджеттеринен каржылануучу бюджеттик мекемелердин финансылык операцияларын жүргүзүүнү 2012-жылдын январынан баштап токтотсун; - 2012-жылдын 1-январына карата абалы боюнча райондордун жергиликтүү бюджеттеринин бюджеттик каражаттарынын 2011-жылдын жыйынтыгы боюнча түзүлгөн калдыктарын республикалык бюджеттин кирешесине которсун; - мурда райондордун жергиликтүү бюджеттеринен каржылануучу бюджеттик мекемелердин атайын каражаттарынын 2012-жылдын 1-январына карата абалы боюнча калдыктарын республикалык бюджетке өткөрүп берсин; - "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзам долбоорун кабыл алганга чейин: жалпы мамлекеттик салыктарды чегерүү нормативдери боюнча райондордун жергиликтүү бюджеттерине которулуучу кирешелер жана башка кирешелер республикалык бюджетке которулсун; райондордун жергиликтүү бюджеттеринен республикалык бюджеттин каржылануусуна өткөрүлгөн бюджеттик мекемелерди каржылоону Кыргыз Республикасынын мыйзамдарына ылайык алардын бюджетинин өлчөмүнүн 1/12 бөлүгүндө жүргүзсүн. 3. Министрликтер жана администрациялык ведомство ушул буйруктун тиркемесине ылайык райондордун жергиликтүү бюджеттеринен мурда каржылануучу бюджеттик мекемелерди 2012-жылга республикалык бюджеттин долбооруна киргизүүнү эске алышсын. 4. Министрликтердин жана администрациялык ведомствонун жетекчилери өткөрүп берилген мекемелерди 2012-жылдын 1-январынан баштап каржылоо маселеси боюнча жоопкерчилик тартат. 5. Бул буйруктун аткарылышын контролдоо Кыргыз Республикасынын Өкмөтүнүн Аппаратынын финансы бөлүмүнө жүктөлсүн. 6. Бул буйрук 2012-жылдын 9-январынан баштап күчүнө кирет. Премьер-министр Ө.Бабанов 1-тиркеме Кыргыз Республикасынын Финансы министрлигинин карамагына берилүүчү мекемелердин ТИЗМЕСИ 2-тиркеме Кыргыз Республикасынын Коргоо министрлигинин карамагына берилүүчү мекемелердин ТИЗМЕСИ 3-тиркеме Кыргыз Республикасынын Ички иштер министрлигинин карамагына берилүүчү мекемелердин ТИЗМЕСИ 4-тиркеме Кыргыз Республикасынын Айыл чарба жана мелиорация министрлигинин карамагына берилүүчү мекемелердин ТИЗМЕСИ 5-тиркеме Кыргыз Республикасынын Маданият жана туризм министрлигинин карамагына берилүүчү мекемелердин ТИЗМЕСИ 6-тиркеме Кыргыз Республикасынын Билим берүү жана илим министрлигинин карамагына берилүүчү мекемелердин ТИЗМЕСИ 7-тиркеме Кыргыз Республикасынын Социалдык өнүктүрүү министрлигинин карамагына берилүүчү мекемелердин ТИЗМЕСИ 8-тиркеме Кыргыз Республикасынын Өкмөтүнө караштуу Дене тарбия жана спорт мамлекеттик агенттигинин карамагына берилүүчү мекемелердин ТИЗМЕСИ