# КР Өкмөтүнүн 2011-жылдын 23-сентябрындагы № 455-б (Кыргыз Республикасынын тышкы карызын реструктуралаштыруу жана өнүктүрүү боюнча эл аралык өнөктөштөрдүн ишин консолидациялоо боюнча ишти уюштуруу боюнча) буйругу

- Толук аталышы: КР Өкмөтүнүн 2011-жылдын 23-сентябрындагы № 455-б (Кыргыз Республикасынын тышкы карызын реструктуралаштыруу жана өнүктүрүү боюнча эл аралык өнөктөштөрдүн ишин консолидациялоо боюнча ишти уюштуруу боюнча) буйругу
- Актынын түрү: Распоряжение
- Номери: 455-р
- Кабыл алынган күнү: 23.09.2011
- Статусу: Күчүн жоготкон
- Редакциянын күнү: 10.04.2013
- Тексттин тили: кыргыз тили
- aqlex'теги барагы: <https://aqlex.ai/kg/doc/209012>
- Расмий булак: <https://cbd.minjust.gov.kg/57-9368/edition/534419/ru>
- Башка тилдеги тексти (Markdown): <https://aqlex.ai/doc/209012.md>

> Текст расмий булактын маалыматы боюнча 10.04.2013 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2011-жылдын 23-сентябрындагы № 455-б (Кыргыз Республикасынын тышкы карызын реструктуралаштыруу жана өнүктүрүү боюнча эл аралык өнөктөштөрдүн ишин консолидациялоо боюнча ишти уюштуруу боюнча) буйругу (10.04.2013 редакциясы) - https://aqlex.ai/kg/doc/209012

---

КР Өкмөтүнүн 2013-жылдын 10-апрелиндеги № 128-б буйругуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2011-жылдын 23-сентябры № 455-б (КР Өкмөтүнүн 2012-жылдын 1-февралындагы № 26-б буйругунун редакциясына ылайык)

Кыргыз Республикасынын тышкы карызын реструктуралаштыруу жана өнүктүрүү боюнча эл аралык өнөктөштөрдүн ишин консолидациялоо боюнча ишти уюштуруу максатында:

1. Койчуманов Талайбек Жумашевич Кыргыз Республикасынын тышкы карызын реструктуралаштыруу маселелери боюнча Кыргыз Республикасынын Өкмөтүнүн өкүлү болуп коомдук негизде аныкталсын.

2. Кыргыз Республикасынын тышкы карызын реструктуралаштыруу маселелери боюнча ведомстволор аралык жумушчу топ (мындан ары - ведомстволор аралык жумушчу топ) төмөнкүдөй курамда бекитилсин:

Койчуманов Талайбек Жумашевич - Кыргыз Республикасынын тышкы карызын реструктуралаштыруу маселелери боюнча Кыргыз Республикасынын Өкмөтүнүн коомдук негиздеги өкүлү, ведомстволор аралык жумушчу топтун жетекчиси (макулдашуу боюнча); Кыргыз Республикасынын финансы министринин орун басары, ведомстволор аралык жумушчу топтун жетекчисинин орун басары; Кыргыз Республикасынын Улуттук банкынын төрагасынын орун басары (макулдашуу боюнча); Кыргыз Республикасынын Өкмөтүнүн Аппаратынын финансылык жана кредиттик саясат бөлүмүнүн башчысы; Кыргыз Республикасынын Өкмөтүнүн Аппаратынын экономика жана стратегиялык өнүктүрүү бөлүмүнүн башчысы; Кыргыз Республикасынын экономикалык жөнгө салуу министринин орун басары; Кыргыз Республикасынын Финансы министрлигинин мамлекеттик карыз жана активдер башкармалыгынын начальниги.

3. Ведомстволор аралык жумушчу топтун жумушчу органы болуп төмөнкүдөй курамдагы катчылык аныкталсын:

Кыргыз Республикасынын тышкы карызын реструктуралаштыруу маселелери боюнча Кыргыз Республикасынын Өкмөтүнүн коомдук негиздеги өкүлү, катчылыктын жетекчиси; тиешелүү мамлекеттик органдардын эксперттери; Кыргыз Республикасынын Өкмөтүнүн коомдук негиздеги Кыргыз Республикасынын тышкы карызын реструктуралаштыруу маселелери боюнча өкүлүнүн катчысы жана жардамчысы - Шамканов Нурлан Күмүшбекович.

4. Ведомстволор аралык жумушчу топ зарыл болгон учурда Кыргыз Республикасынын министрликтеринин, мамлекеттик комитеттеринин жана администрациялык ведомстволорунун, жергиликтүү мамлекеттик администрацияларынын кызматкерлерин жана көзкарандысыз эксперттерди ишке тартууга укуктуу экендиги белгиленсин.

5. Ведомстволор аралык жумушчу тобунун ишин уюштуруучулук жана башка камсыздоо катчылыкка жүктөлсүн.

6. Ведомстволор аралык жумушчу топ аткарылган иш жөнүндө маалыматты Кыргыз Республикасынын Өкмөтүнүн Аппаратына квартал сайын берип турсун.

7. Кыргыз Республикасынын Премьер-министринин 2008-жылдын 4-декабрындагы № 441 буйругу күчүн жоготту деп табылсын.

Премьер – министри

А.Атамбаев