# КР Өкмөтүнүн 2010-жылдын 11-августундагы № 24-р (Кыргыз Республикасынын Экономикалык жөнгө салуу министрлигине караштуу Контролдук-көзөмөлдүк чөйрөнү оптималдаштыруу жана ишкердиктин субъекттерин текшерүүлөрдү жүргүзүүнүн жол-жобосун жакшыртуу боюнча ведомстволор аралык жумушчу комиссия түзүлүүсү тууралуу) буйругу - Толук аталышы: КР Өкмөтүнүн 2010-жылдын 11-августундагы № 24-р (Кыргыз Республикасынын Экономикалык жөнгө салуу министрлигине караштуу Контролдук-көзөмөлдүк чөйрөнү оптималдаштыруу жана ишкердиктин субъекттерин текшерүүлөрдү жүргүзүүнүн жол-жобосун жакшыртуу боюнча ведомстволор аралык жумушчу комиссия түзүлүүсү тууралуу) буйругу - Актынын түрү: Распоряжение - Номери: 24-р - Кабыл алынган күнү: 11.08.2010 - Статусу: Күчүндө - Редакциянын күнү: 11.08.2010 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 11.08.2010 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2010-жылдын 11-августундагы № 24-р (Кыргыз Республикасынын Экономикалык жөнгө салуу министрлигине караштуу Контролдук-көзөмөлдүк чөйрөнү оптималдаштыруу жана ишкердиктин субъекттерин текшерүүлөрдү жүргүзүүнүн жол-жобосун жакшыртуу боюнча ведомстволор аралык жумушчу комиссия түзүлүүсү тууралуу) буйругу (11.08.2010 редакциясы) - https://aqlex.ai/kg/doc/208268 --- КЫРГЫЗ РЕСПУБЛИКАСЫНЫН ӨКМӨТҮ ТЕСКЕМЕ 2010-жылдын 11-августу № 24-р Кыргыз Республикасынын Убактылуу Өкмөтүнүн 2010-жылдын 13-майындагы № 35 «Ишкердиктин субъекттерин текшерүүлөрдү жүргүзүүгө укугу бар укук коргоо, салык жана башка ыйгарым укуктуу органдар тарабынан жүргүзүлүүчү текшерүүлөрдү чектөө жөнүндө» Декретинин 3-пунктун ишке ашыруу максатында: 1. Кыргыз Республикасынын Экономикалык жөнгө салуу министрлигине караштуу Контролдук-көзөмөлдүк чөйрөнү оптималдаштыруу жана ишкердиктин субъекттерин текшерүүлөрдү жүргүзүүнүн жол-жобосун жакшыртуу боюнча ведомстволор аралык жумушчу комиссия (мындан ары - Ведомстволор аралык жумушчу комиссия) төмөнкү курамда түзүлсүн: - Кыргыз Республикасынын экономикалык жөнгө салуу министринин орун басары, Ведомстволор аралык жумушчу комиссиянын жетекчиси; - Кыргыз Республикасынын Башкы прокурорунун орун басары, Ведомстволор аралык жумушчу комиссиянын жетекчисинин орун басары (макулдашуу боюнча); - Бишкек ишкердик клубунун аткаруучу директору, Ведомстволор аралык жумушчу комиссиянын жетекчисинин орун басары (макулдашуу боюнча); - Кыргыз Республикасынын айыл чарба министринин орун басары; - Кыргыз Республикасынын Өкмөтүнө караштуу Мамлекеттик салык кызматынын төрагасынын орун басары; - Кыргыз Республикасынын Өкмөтүнө караштуу Мамлекеттик каттоо кызматынын төрагасынын орун басары; - Кыргыз Республикасынын Өкмөтүнө караштуу Архитектура жана курулуш мамлекеттик агенттигинин директорунун орун басары; - Кыргыз Республикасынын Саламаттык сактоо министрлигине караштуу Санитардык-эпидемиологиялык көзөмөл департаментинин башкы директору; - Кыргыз Республикасынын Өзгөчө кырдаалдар министрлигине караштуу Өрт коопсуздугу боюнча агенттиктин директорунун орун басары; - Бизнес-чөйрөнү жакшыртуу боюнча ЮСАИД долбоорунун жетекчиси (макулдашуу боюнча); - Кыргыз Республикасында Инвестициялык климатты жакшыртуу боюнча эл аралык финансы корпорациясынын долбоорунун жетекчиси (макулдашуу боюнча); - Германиялык техникалык кызматташтыктын туруктуу экономикалык өнүктүрүүгө көмөктөшүү программасынын ГТБ долбоорунун жетекчиси (макулдашуу боюнча). 2. Ведомстволор аралык жумушчу комиссия ишкердиктин субъекттерин текшерүүлөрдү оптималдаштыруу боюнча иштин натыйжаларын Кыргыз Республикасынын Өкмөтүнө 2010-жылдын 20-декабрына чейинки мөөнөттө берсин. 3. Ведомстволор аралык жумушчу комиссия зарыл болгондо ишкердиктин субъекттерин текшерүүлөрдү оптималдаштырууга байланыштуу маселелерди чечүү үчүн Кыргыз Республикасынын тиешелүү мамлекеттик органдарынын адистерин, бизнес-түзүмдөрдүн жана эл аралык донор уюмдардын өкүлдөрүн тартууга укуктуу экендиги белгиленсин. 4. Ушул тескеменин аткарылышын контролдоо Кыргыз Республикасынын Президентинин Администрациясынын экономикалык өнүгүү жана мониторинг бөлүмүнө жүктөлсүн. Кыргыз Республикасынын Президенти Р.Отунбаева