# КР Өкмөтүнүн 2009-жылдын 8-октябрындагы № 574-б (Финансылык каражатты мамлекеттик агенттикке которуусу тууралуу) буйругу

- Толук аталышы: КР Өкмөтүнүн 2009-жылдын 8-октябрындагы № 574-б (Финансылык каражатты мамлекеттик агенттикке которуусу тууралуу) буйругу
- Актынын түрү: Распоряжение
- Номери: 574-р
- Кабыл алынган күнү: 08.10.2009
- Статусу: Күчүндө
- Редакциянын күнү: 08.10.2009
- Тексттин тили: кыргыз тили
- aqlex'теги барагы: <https://aqlex.ai/kg/doc/207648>
- Расмий булак: <https://cbd.minjust.gov.kg/57-8015/edition/515679/ru>
- Башка тилдеги тексти (Markdown): <https://aqlex.ai/doc/207648.md>

> Текст расмий булактын маалыматы боюнча 08.10.2009 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2009-жылдын 8-октябрындагы № 574-б (Финансылык каражатты мамлекеттик агенттикке которуусу тууралуу) буйругу (08.10.2009 редакциясы) - https://aqlex.ai/kg/doc/207648

---

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2009-жылдын 8-октябры № 574-б

1. Кыргыз Республикасынын Финансы министрлиги "Кумтөр Оперейтинг Компани" жабык акционердик коомунан Кыргыз Республикасынын Финансы министрлигинин Борбордук казыналыгынын эсебине түшкөн 310000 (үч жүз он миң) АКШ доллары суммасындагы финансылык каражатты Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы боюнча мамлекеттик агенттикке которсун.

2. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы боюнча мамлекеттик агенттик:

- 310000 (үч жүз он миң) АКШ доллары суммасындагы финансылык каражатты Кыргыз Республикасынын Президентинин 2006-жылдын 17-майындагы № 263 "Кыргыз Республикасынын Президентинин 1992-жылдын 21-июлундагы "Кыргыз Республикасында жаратылышты коргоонун жергиликтүү жана республикалык фонддору жөнүндө" Указына өзгөртүүлөрдү жана толуктоолорду киргизүү тууралуу" Жарлыгы менен бекитилген Кыргыз Республикасында жаратылышты коргоонун жана токой тармагын өнүктүрүүнүн жергиликтүү жана республикалык фонддорун түзүү жана каражаттарын пайдалануу жөнүндө жобого ылайык жумшасын;

- бөлүнгөн каражаттын пайдаланылышы жөнүндө квартал сайын Кыргыз Республикасынын Финансы министрлигине маалымат берип турсун.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөржай комплекси жана жаратылышты пайдалануу бөлүмүнө тапшырылсын.

Премьер-министр

И.Чудинов