КР Өкмөтүнүн «Жергиликтүү бюджетке түшкөн каражаттар боюнча» буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2008-жылдын 9-сентябры № 454-б Кыргыз Республикасынын Өкмөтүнүн 2008-жылдын 16-майындагы № 228 "Кыргыз Республикасынын 2008-жылга республикалык бюджети жөнүндө" Кыргыз Республикасынын Мыйзамын аткаруу боюнча уюштуруу чаралары тууралуу" калктын аз камсыз катмарына эмгек акы, пенсия жана жөлөк пул төлөөлөр боюнча чыгымдарды өз убагында каржылоого багытталган токтомуна ылайык жана 2003-2007-жылдарда Кыргыз Республикасынын Өкмөтүнүн республикалык бюджетти аткаруусуна аудиттин жыйынтыгы боюнча Кыргыз Республикасынын Эсептөө палатасынын көрсөтмөсүн көңүлгө алып:

1. Бишкек шаарынын мэриясына жергиликтүү бюджетке резидент эместерден киреше салыгы жана "Алькантра Трейдинг" жоопкерчилиги чектелген коомунан пайдага салык түрүндө түшкөн каражаттарды жергиликтүү бюджеттен республикалык бюджетке өткөрүп берилүүчү каражаттар боюнча 2003-2006-жылдарда түзүлгөн 384,3 млн.сом суммасында карызды, республикалык бюджеттен берилген бюджеттик ссудалар боюнча 135,9 млн.сом суммасындагы карызды, чет өлкөлүк кредиттер боюнча 22,7 млн.сом суммасында мөөнөтү кечиктирилген карызды тындыруу эсебине жумшоо сунушталсын.

2. Кыргыз Республикасынын Финансы министрлиги белгиленген тартипте "2008-жылга Кыргыз Республикасынын республикалык бюджети жөнүндө" Кыргыз Республикасынын Мыйзамына тийиштүү өзгөртүүлөрдү жана толуктоолорду киргизсин.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын финансы жана кредиттик саясат бөлүмүнө жүктөлсүн.

Премьер-министр

И.Чудинов