# 229-берене. Бажылык өкүлдүн иш-аракети

- Документ: [Кыргыз Республикасында бажылык жөнгө салуу жөнүндө](https://aqlex.ai/kg/doc/205436)
- Документтеги орду: 45-глава
- Толук аталышы: Кыргыз Республикасынын 2014-жылдын 31-декабрындагы № 184 "Кыргыз Республикасында бажылык жөнгө салуу жөнүндө" Мыйзамы
- Актынын түрү: Закон
- Номери: 184
- Кабыл алынган күнү: 31.12.2014
- Статусу: Күчүн жоготкон
- Редакциянын күнү: 24.04.2019
- Күчүн жоготуунун негизи: [Закон КР от 24 апреля 2019 года № 52 "О таможенном регулировании"](https://aqlex.ai/kg/doc/111908)
- Тексттин тили: кыргыз тили
- aqlex'теги барагы: <https://aqlex.ai/kg/doc/205436/st-229>
- Расмий булак: <https://cbd.minjust.gov.kg/4-5188/edition/947645/ru>
- Башка тилдеги тексти (Markdown): <https://aqlex.ai/doc/205436/st-229.md>

> Текст расмий булактын маалыматы боюнча 24.04.2019 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасында бажылык жөнгө салуу жөнүндө, 229-берене (24.04.2019 редакциясы) - https://aqlex.ai/kg/doc/205436/st-229

---

1. Бажы бирлигинин Бажы кодексинин 12-беренесине, ушул Мыйзамга жана Кыргыз Республикасынын Өкмөтү тарабынан бекитилген жобого ылайык бажылык өкүл катары иш-аракет жүргүзгөн ата мекендик юридикалык жак гана бажылык өкүл боло алат.

2. Мамлекеттик мекеме бажылык өкүл боло албайт.

3. Бажылык өкүлгө Бажы бирлигинин Бажы кодексинин 16, 17-беренелерине ылайык милдеттер жана жоопкерчилик жүктөлөт.

4. Бажылык өкүл бажы операцияларын жүргүзүүдө Бажы бирлигинин Бажы кодексинин 15-беренесинде каралган укуктарга ээ болот, ошондой эле бажы органдары менен өз ара мамилелерде өзүнүн кызыкчылыктарын көздөөгө ал өкүлдүк кылган жак ээ болгон укуктарга да ээ.

5. Ушул Мыйзамга ылайык төлөнүүгө тийиш болгон бажы төлөмдөрүн төлөө үчүн бажылык өкүл ушул Мыйзамдын 181-беренесине ылайык декларант менен бирдей эле жоопкерчилик тартат, буга төмөнкүлөр менен байланышкан бажы төлөмдөрүн төлөө боюнча милдеттерди аткаруу учурлары кирбейт:

1) товарлар чыгарылгандан кийин аларда товарлар жайгаштырылган бажы жол-жоболорунун шарттарын жана талаптарын сактоого;

2) товарларды пайдалануу жана (же) тескөө боюнча чектөөлөргө байланышкан бажы алымдарын, салыктарды төлөө боюнча жеңилдиктерди пайдалануу менен ички керектөө үчүн чыгаруунун бажы жол-жобосуна жайгаштырылган товарларды колдонуу жана тескөө, ошоңдой эле аларды товарларды чыгаргандан кийин аткаруу эсептешүүгө алуу ыкмасы менен бажы алымдарын, салыктарды төлөө боюнча жеңилдиктерди берүүнүн милдеттүү шарттары болуп саналган башка шарттарды аткарууга;

3) декларанттан, же болбосо кызыкдар жактан алынган, алардын негизинде бажы декларациясын берилген көз көрүнөө анык эмес (жалган) маалыматтарды жана (же) жасалма документтерди колдонууга.

6. Бажылык өкүлдүн ал өкүлдүк кылган жак менен болгон мамилелери Кыргыз Республикасынын жарандык мыйзамдарына ылайык келишимдик негизде түзүлөт.

---

Мурунку берене: [228-берене](https://aqlex.ai/kg/doc/205436/st-228)  
Кийинки берене: [230-берене](https://aqlex.ai/kg/doc/205436/st-230)