# 203-берене. Бажы төлөмдөрүн төлөө жөнүндө талап - Документ: [Кыргыз Республикасында бажылык жөнгө салуу жөнүндө](https://aqlex.ai/kg/doc/205436) - Документтеги орду: 41-глава - Толук аталышы: Кыргыз Республикасынын 2014-жылдын 31-декабрындагы № 184 "Кыргыз Республикасында бажылык жөнгө салуу жөнүндө" Мыйзамы - Актынын түрү: Закон - Номери: 184 - Кабыл алынган күнү: 31.12.2014 - Статусу: Күчүн жоготкон - Редакциянын күнү: 24.04.2019 - Күчүн жоготуунун негизи: [Закон КР от 24 апреля 2019 года № 52 "О таможенном регулировании"](https://aqlex.ai/kg/doc/111908) - Акыркы өзгөртүү: [Закон КР от 6 июня 2017 года № 99 "О внесении изменений в Закон Кыргызской Республики "О таможенном регулировании в Кыргызской Республике"](https://aqlex.ai/kg/doc/111610) - Редакцияларды салыштыруу: - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.04.2019 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасында бажылык жөнгө салуу жөнүндө, 203-берене (24.04.2019 редакциясы) - https://aqlex.ai/kg/doc/205436/st-203 --- 1. Бажы төлөмдөрүн төлөө жөнүндө талап деп бажы органы бажы төлөмдөрүнүн белгиленген мөөнөттө төлөнбөгөн суммасы же болбосо бажы төлөмдөрүнө кошумча эсептелинген сумма тууралуу, ошондой эле туумду жана (же) пайыздарды бул талапта белгиленген мөөнөттө төлөө милдети жөнүндө төлөөчүгө жөнөткөн жазуу жүзүндөгү билдирме эсептелет. 2. Талапта төлөнүүгө тийиш болгон бажы төлөмдөрүнүн суммасы, талап коюлган учурга карата эсептелген туумдун өлчөмү, ушул Мыйзамга ылайык бажы төлөмдөрүн төлөөнүн мөөнөтү, талапты аткаруунун мөөнөтү жөнүндө, ошондой эле бажы төлөмдөрүн мажбурлап өндүрүп алуу жана төлөөчү талапты аткарбаганда колдонула турган өндүрүп алууну камсыз кылуу чаралары тууралуу жана талап коюунун негиздери жөнүндө маалыматтар камтылууга тийиш. Талаптын формасы Кыргыз Республикасынын Өкмөтү тарабынан белгиленет. Талап тийиштүү түрдө таризделген жана ушул берененин 5-пунктунда белгиленген тартипте тапшырылган учурда гана күчүнө кирет. 3. Бажы төлөмдөрүн төлөө жөнүндө талап бажы төлөмдөрүн төлөбөй коюунун же толук төлөбөй коюунун фактысы табылган күндөн тартып отуз күндөн кечиктирилбестен төлөөчүгө жөнөтүлүүгө тийиш. Бажы иштери чөйрөсүндөгү Кыргыз Республикасынын мыйзамдарын бузуу менен байланышкан кылмыш белгилери (укук бузуулар) боюнча кылмыш-жазалык же администрациялык иш козголгон учурда, бажы төлөмдөрүн төлөө жөнүндө талапты жөнөтүү мөөнөтү кылмыш-жаза иштери жана администрациялык укук бузуу иштери боюнча өндүрүш аяктаганга чейин токтотулуп турат. 4. Бажы төлөмдөрүн төлөө жөнүндө талапты аткаруунун мөөнөтү талап алынган күндөн тартып отуз күндөн ашпайт. 5. Талап уюмдун жетекчисине же башка ыйгарым укуктуу өкүлүнө же жеке жакка жекече кол койдуруу же талап алынгандыгынын фактысын жана датасын тастыктаган башкача ыкма менен берилүүгө тийиш. Эгерде көрсөтүлгөн адамдар талапты алуудан баш тартса, ал тапшырык кат менен почта аркылуу жөнөтүлөт. Талап тапшырык катты бергендиги жөнүндө ыйгарым укуктуу мамлекеттик органдын кабарламасы алынганда алынды деп эсептелинет. 6. Бажы төлөмдөрүн төлөө жөнүндө талап ушул берененин 4-пунктунда каралган мөөнөттө аткарылбаганда, бажы органдары ушул главага ылайык бажы төлөмдөрүн мажбурлап өндүрүп алуу боюнча чараларды көрөт. 7. Бажы төлөмдөрүн төлөө жөнүндө талап төлөөчүгө ал кылмыш-жазалык же администрациялык жоопкерчиликке тартылгандыгына карабастан жөнөтүлөт. 8. Бажы төлөмдөрүн төлөө жөнүндө талап бажы органы тарабынан Кыргыз Республикасынын Өкмөтү тарабынан аныкталган тартипте кайра алынышы мүмкүн. (КР 2017-жылдын 6-июнундагы № 99 Мыйзамынын редакциясына ылайык) --- Мурунку берене: [202-берене](https://aqlex.ai/kg/doc/205436/st-202) Кийинки берене: [204-берене](https://aqlex.ai/kg/doc/205436/st-204)