# КР 2014-жылдын 30-майындагы № 83 "Кыргыз Республикасынын айрым Мыйзам актыларына өзгөртүүлөрдү жана толуктоолорду киргизүү жөнүндө" Мыйзамы - Толук аталышы: КР 2014-жылдын 30-майындагы № 83 "Кыргыз Республикасынын айрым Мыйзам актыларына өзгөртүүлөрдү жана толуктоолорду киргизүү жөнүндө" Мыйзамы - Актынын түрү: Закон - Номери: 83 - Кабыл алынган күнү: 30.05.2014 - Статусу: Күчүндө - Редакциянын күнү: 25.07.2019 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 25.07.2019 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР 2014-жылдын 30-майындагы № 83 "Кыргыз Республикасынын айрым Мыйзам актыларына өзгөртүүлөрдү жана толуктоолорду киргизүү жөнүндө" Мыйзамы (25.07.2019 редакциясы) - https://aqlex.ai/kg/doc/205304 --- КЫРГЫЗ РЕСПУБЛИКАСЫНЫН МЫЙЗАМЫ 2014-жылдын 30-майы № 83 Кыргыз Республикасынын айрым Мыйзам актыларына өзгөртүүлөрдү жана толуктоолорду киргизүү жөнүндө (КР 2019-жылдын 25-июлундагы № 102 Мыйзамынын редакциясына ылайык) ### [1-берене](https://aqlex.ai/kg/doc/205304/st-1) "Кыргыз Республикасынын бажы органдарында кызмат өтөө жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1998-ж., № 12, 502-ст.) төмөнкүдөй өзгөртүүлөр жана толуктоо киргизилсин: 1. 12-статьянын 7-бөлүгүндө "мамлекеттик кызматчылардын андан жогорку квалификациялык даражасына, класстык чендерине, атайын же аскердик наамдарына" деген сөздөр "андан жогорку атайын же аскердик наамга" деген сөздөргө алмаштырылсын. 2. 18-статьянын 3-бөлүгүндө ", ал эми катардагы курамдын жана кенже башкаруучу курамдын айрым кызматтарына дайындоо жана бошотуу бажы органдарынын жетекчилери тарабынан ишке ашырылат" деген сөздөр алып салынсын. 3. 34-статьянын 1-бөлүгүндө жана 3-бөлүгүнүн экинчи абзацында "эмгек жөнүндө" деген сөздөр алып салынсын. 4. 35-статьянын 2-бөлүгүндө "Эмгек кодексине" деген сөздөр "мыйзамдарына" деген сөздөргө алмаштырылсын. 5. 48-статьянын 2-бөлүгү төмөнкүдөй мазмундагы 13-15-пункттар менен толукталсын: "13) эгерде бул документтер же маалыматтар бажы органдарына кызматка кирүүсүнө тоскоол болуучу негиз болуп саналса, бажы органдарына кызматка кирүүдө кызматкердин жасалма документтерди же билип туруп жалган маалыматтарды берүүсү; 14) эгерде анын тартиптик жаза марасы болсо. кызматкердин кызматтык милдеттерди жүйөлүү себептерсиз бир нече жолу аткарбоосу; 15) мамлекеттик кызмат жөнүндө жана коррупцияга каршы күрөшүү жөнүндө мыйзамдарда белгиленген учурларда.". ### [2-берене](https://aqlex.ai/kg/doc/205304/st-2) (КР 2019-жылдын 25-июлундагы № 102 Мыйзамына ылайык күчүн жоготот) ### [3-берене](https://aqlex.ai/kg/doc/205304/st-3) Ушул Мыйзам расмий жарыяланган күндөн тартып күчүнө кирет. Кыргыз Республикасынын Президенти А.Атамбаев