# Закон КР от 15 марта 2014 года № 50 "О внесении дополнений в Налоговый кодекс Кыргызской Республики" - Актынын түрү: Закон - Номери: 50 - Кабыл алынган күнү: 15.03.2014 - Статусу: Күчүн жоготкон - Редакциянын күнү: 18.01.2022 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 18.01.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Закон КР от 15 марта 2014 года № 50 "О внесении дополнений в Налоговый кодекс Кыргызской Республики" (18.01.2022 редакциясы) - https://aqlex.ai/kg/doc/205272 --- Кыргыз Республикасынын 2022-жылдын 18-январындагы № 4 Мыйзамына ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН МЫЙЗАМЫ 2014-жылдын 15-марты № 50 Кыргыз Республикасынын Салык кодексине толуктоолорду киргизүү жөнүндө ### [1-берене](https://aqlex.ai/kg/doc/205272/st-1) Кыргыз Республикасынын Салык кодексине (Кыргыз Республикасынын Жогорку Кеңешинин Жарчысы, 2008-ж., № 8, 922-ст.) төмөнкүдөй толуктоолор киргизилсин. 1. 167-берене төмөнкүдөй мазмундагы 42 жана 43-пункттар менен толукталсын: "42) диний уюмдардын кызматкерлеринин эмгек акы. сыйлык акылары, компенсациялары жана башка компенсациялоочу жана кызыктырууну мүнөздөгү төлөмдөрү түрүндөгү кирешелери; 43) жеке адамдардын диний каадаларды, ырым-жырымдарды, зыйнаттарды көрсөтүүдөн ажылык зыяратты уюштуруу жана өткөрүү боюнча кызмат көрсөтүүлөрдөн түшкөн кирешелери.". 2. 189-берененин 3-пункту төмөнкүдөй мазмундагы "е" пунктчасы менен толукталсын: "е) диний каадаларды, ырым-жырымдарды, зыйнаттарды көрсөтүүдөн, ажылык зыяраттарды уюштуруу жана өткөрүү боюнча кызмат көрсөтүүлөрдөн, ошондой эле ыктыярдуу кайыр-садагалардан түшкөн кирешелери;". 3. 231-берененин 2-бөлүгү төмөнкүдөй мазмундагы 7-пункт менен толукталсын: "7) диний каадаларды. ырым-жырымдарды, зыйнаттарды көрсөтүү, ошондой эле ажылык зыяраттарды уюштуруу жана өткөрүү боюнча кызмат көрсөтүүлөр.". 4. 316-берененин 2-бөлүгү төмөнкүдөй мазмундагы 4-пункт менен толукталсын: "4) диний каадаларды, ырым-жырымдарды, зыйнаттарды көрсөтүү ошондой эле ажылык зыяраттарды уюштуруу жана өткөрүү боюнча кызмат көрсөтүүлөр.". ### [2-берене](https://aqlex.ai/kg/doc/205272/st-2) Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин. ### [3-берене](https://aqlex.ai/kg/doc/205272/st-3) 2014-жылдын 1-январынан тартып күчүнө кирген ушул Мыйзамдын 1-беренесинин 1-пунктунун экинчи абзацын кошпогондо, ушул Мыйзамдын 1-беренесинин жоболорунун колдонулушу 2009-жылдын 1-январынан тартып келип чыккан салыктык укук мамилелерине таркатылары белгиленсин. Ушул Мыйзамдын 1-беренесинин 1-пунктунун үчүнчү абзацынын жоболорунун колдонулушу 2014-жылдын 1-январына чейин келип чыккан салыктык укук мамилелерине таркатылары белгиленсин жана 2014-жылдын 1-январынан тартып күчүн жоготот. ### [4-берене](https://aqlex.ai/kg/doc/205272/st-4) Ушул Мыйзам расмий жарыяланган күндөн тартып күчүнө кирет. Кыргыз Республикасынын Президенти А.Атамбаев