# 1-берене - Документ: [Кыргыз Республикасынын айрым мыйзам актыларына толуктоолорду жана өзгөртүүлөрдү киргизүү жөнүндө](https://aqlex.ai/kg/doc/203996) - Толук аталышы: КР 2013-жылдын 3-августундагы № 186 "Кыргыз Республикасынын айрым мыйзам актыларына толуктоолорду жана өзгөртүүлөрдү киргизүү жөнүндө" Мыйзамы - Актынын түрү: Закон - Номери: 186 - Кабыл алынган күнү: 03.08.2013 - Статусу: Күчүндө - Редакциянын күнү: 16.05.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 16.05.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын айрым мыйзам актыларына толуктоолорду жана өзгөртүүлөрдү киргизүү жөнүндө, 1-берене (16.05.2016 редакциясы) - https://aqlex.ai/kg/doc/203996/st-1 --- Кыргыз Республикасынын Граждандык кодексине (Кыргыз Республикасынын Жогорку Кеңешинин Ведомосттору, 1996-ж., № 6, 80-ст., 1998-ж., № 6, 226-ст.) төмөнкүдөй толуктоолор жана өзгөртүүлөр киргизилсин: 1. 99-статьянын 1-бөлүгүндө: үчүнчү абзацы «мезгил үчүн» деген сөздөрдөн кийин «, жана милдеттүү мамлекеттик социалдык камсыздандыруу боюнча төлөмдөрдүн негизги суммалары боюнча» деген сөздөр менен толукталсын; бешинчи абзацы «төртүнчү кезекте» деген сөздөрдөн кийин «милдеттүү мамлекеттик социалдык камсыздандыруу боюнча төлөмдөрдүн негизги суммаларын кошпогондо,»деген сөздөр менен толукталсын. 2. 221-статья төмөнкүдөй мазмундагы пункт менен толукталсын: «милдеттүү мамлекеттик социалдык камсыздандырууга камсыздандыруу төгүмдөрү боюнча карыздарын төлөө тууралуу талаптарына.». 3. 854-статьянын 2-пункту төмөнкүдөй редакцияда баяндалсын: «2. Кыймылдуу мүлккө таандык болгон предметтер жана түрдүк белгилери менен аныкталган айрым буюмдар (31-статья), ошондой эле төмөнкүлөрдү кошпогондо, акча ишенимдүү башкаруунун өз алдынча объекти боло албайт: - акча ишкананын же мүлк комплексинин курамында гана болгондо; - акча ишенимдүү башкаруу менен байланышкан иштер боюнча эсептешүү катары чыкканда; - акча пенсиялык топтоо каражаттары катары чыкканда.». 4. 1120-статьянын 2-пунктунун 4-пунктчасы «эмгек жана» деген сөздөрдөн мурда «топтолуучу пенсиялык фонддордон пенсиялык топтоолордун каражаттарына укуктарды кошпогондо,» деген сөздөр менен толукталсын. 5. 1166-статья төмөнкүдөй мазмундагы 5-пункт менен толукталсын: «5. Мураскорлор тарабынан талап кылынбаган мамлекеттик социалдык камсыздандыруу боюнча пенсиялык топтоолордун каражаттары ээсиз-ээликсиз деп таанылышы мүмкүн эмес. Пенсиялык топтоолордун көрсөтүлгөн каражаттарына «Мамлекеттик пенсиялык социалдык камсыздандыруу жөнүндө» Кыргыз Республикасынын Мыйзамынын 32-статьясында каралган аракеттер колдонулат.». --- Кийинки берене: [2-берене](https://aqlex.ai/kg/doc/203996/st-2)