# 3-берене. Мекендештерди колдоого карата Кыргыз Республикасынын мамлекеттик саясатынын принциптери жана максаттары - Документ: [Чет өлкөлөрдөгү мекендештерди колдоо боюнча мамлекеттик саясаттын негиздери жөнүндө](https://aqlex.ai/kg/doc/203992) - Толук аталышы: КР 2013-жылдын 3-августундагы № 183 "Чет өлкөлөрдөгү мекендештерди колдоо боюнча мамлекеттик саясаттын негиздери жөнүндө" Мыйзамы - Актынын түрү: Закон - Номери: 183 - Кабыл алынган күнү: 03.08.2013 - Статусу: Күчүндө - Редакциянын күнү: 13.03.2023 - Акыркы өзгөртүү: [Закон Кыргызской Республики от 13 марта 2023 года № 56 "О внесении изменений в Закон Кыргызской Республики "Об основах государственной политики по поддержке соотечественников за рубежом""](https://aqlex.ai/kg/doc/112535) - Редакцияларды салыштыруу: - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 13.03.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Чет өлкөлөрдөгү мекендештерди колдоо боюнча мамлекеттик саясаттын негиздери жөнүндө, 3-берене (13.03.2023 редакциясы) - https://aqlex.ai/kg/doc/203992/st-3 --- 1. Мекендештерге карата Кыргыз Республикасынын мамлекеттик саясаты Кыргыз Республикасынын ички жана тышкы саясатынын курамдык бөлүгү болуп саналат жана укуктук, дипломатиялык, социалдык, экономикалык, маалыматтык, билим берүүчү, уюштуруучулук жана ушул Мыйзамда белгиленген принциптерди жана максаттарды турмушка ашыруу үчүн Кыргыз Республикасынын Конституциясына, Кыргыз Республикасы катышуучу болуп саналган, мыйзамда белгиленген тартипте күчүнө кирген эл аралык келишимдерге, Кыргыз Республикасынын мыйзамдарына ылайык Кыргыз Республикасынын мамлекеттик бийлик органдары ишке ашыруучу башка чаралардын жыйындысын билдирет. 2. Мекендештерге карата Кыргыз Республикасынын мамлекеттик саясаты төмөнкү кепилдиктерди таанууга негизделет: 1) адамдын жана жарандын төрөлгөндөн берки негизги укуктарынын жана эркиндиктеринин ажырагыстыгын жана ар бирине таандыктыгын камсыз кылуу; 2) мекендештердин жарандык, саясий, социалдык, экономикалык, маданий жана башка укуктарын жана эркиндиктерин, ошондой эле эл аралык укуктун жалпыга таанылган принциптери менен ченемдерине ылайык алардын жашап жаткан мамлекеттеги мыйзамдуу кызыкчылыктарын камсыз кылуу; 3) мекендештердин укуктарын жана эркиндиктерин камсыз кылуу жаатында мамлекеттердин өз ара аракеттенүүсү. 3. Мекендештерге карата Кыргыз Республикасынын мамлекеттик саясатынын максаты болуп эл аралык укуктун жалпыга таанылган принциптерине жана ченемдерине, Кыргыз Республикасынын эл аралык келишимдерине, Кыргыз Республикасынын мыйзамдарына ылайык мекендештерге мамлекеттик колдоо жана жардам көрсөтүү саналат, ошондой эле адамдын жана жарандын укуктарын жана эркиндиктерин, анын ичинде төмөндөгү укуктарды ишке ашырууда жана камсыз кылууда чет мамлекеттердин мыйзамдарын эсепке алуу менен: 1) өздөрүнүн кайталангыс өз алдынчалыгын эркин билдирүү, сактоо жана өнүктүрүү, руханий жана интеллектуалдык потенциалын колдоо жана өнүктүрүү; 2) мекендештердин ортосундагы ар тараптуу байланышты жана Кыргыз Республикасы менен байланышты орнотуу жана эркин колдоо, Кыргыз Республикасынан маалыматты алып туруу; 3) коммерциялык эмес улуттук-маданий уюмдарды, жалпыга маалымдоо каражаттарын түзүү жана алардын ишине катышуу; 4) улуттук жана эл аралык деңгээлде коммерциялык эмес уюмдардын ишине катышуу; 5) жашап жаткан мамлекети менен Кыргыз Республикасынын ортосундагы өз ара пайдалуу мамилелерди өнүктүрүүгө катышуу; 6) жашай турган жерин эркин тандоо же Кыргыз Республикасына кайтып келүү укугун ишке ашыруу. (КР 2023-жылдын 13-мартындагы N 56 Мыйзамынын редакциясына ылайык) --- Мурунку берене: [2-берене](https://aqlex.ai/kg/doc/203992/st-2) Кийинки берене: [4-берене](https://aqlex.ai/kg/doc/203992/st-4)