24-берене. Дипломатиялык кызматтын кызматкеринин милдеттери

Дипломатиялык кызматтын кызматкери төмөнкүлөргө милдеттүү:

1) Конституцияны жана Кыргыз Республикасынын ченемдик укуктук актыларын сактоого;

2) Кыргыз Республикасынын тышкы саясий курсун ишке ашырууга, Кыргыз Республикасынын эл аралык беделинин жогорулашына өбөлгө түзүүгө, анын коопсуздугунун, экономикалык жана илимий-техникалык дараметинин чыңдалышына көмөк көрсөтүүгө, Кыргыз Республикасын татыктуу таанытууга жана анын кызыкчылыктарын коргоого;

2-1) Министрлер Кабинети тарабынан белгиленген дипломатиялык кызмат өтөөгө байланышкан чектөөлөрдү өзүнө алууга;

3) чет мамлекетте болуу убагында барган өлкөнүн мыйзамдарын, эрежелерин, салттарын жана үрп-адаттарын сыйлоого;

4) мамлекеттик, кызматтык жана Кыргыз Республикасынын укуктук ченемдик актылары менен корголуучу башка сырларды, анын ичинде дипломаттык кызматтагы ишин токтоткондон кийин да сактоого;

5) өзүнүн кесипкөй деңгээлин, квалификациясын жогорулатууга, мамлекеттик жана чет тилдерди билүүсүн өркүндөтүүгө;

6) дипломатиялык кызмат органдарынын ченемдик актыларында белгиленген эрежелерди сактоого;

6-1) ЧУИге жөнөтүү алдында түзүлгөн контракттын шарттарын сактоого;

7) Кыргыз Республикасынын мыйзамдарында белгиленген башка милдеттерди аткарууга.

(КР 2017-жылдын 15-июлундагы № 125, 2026-жылдын 1-июнундагы № 77 Мыйзамдарынын редакцияларына ылайык)