# 17-берене. Аны маркалоо бөлүгүндө тамак-аш азыгынын ылайык

- Документ: [Тамак-аш азыктарын маркалоо жөнүндө" техникалык регламент](https://aqlex.ai/kg/doc/203894)
- Документтеги орду: 2-глава
- Толук аталышы: Кыргыз Республикасынын 2013-жылдын 30-майындагы № 86 "Тамак-аш азыктарын маркалоо жөнүндө" техникалык регламент" Мыйзамы
- Актынын түрү: Закон
- Номери: 86
- Кабыл алынган күнү: 30.05.2013
- Статусу: Күчүн жоготкон
- Редакциянын күнү: 02.04.2015
- Күчүн жоготуунун негизи: [Закон КР от 2 апреля 2015 года № 69 "О признании утратившими силу некоторых законодательных актов Кыргызской Республики"](https://aqlex.ai/kg/doc/111115)
- Тексттин тили: кыргыз тили
- aqlex'теги барагы: <https://aqlex.ai/kg/doc/203894/st-17>
- Расмий булак: <https://cbd.minjust.gov.kg/4-4824/edition/629309/ru>
- Башка тилдеги тексти (Markdown): <https://aqlex.ai/doc/203894/st-17.md>

> Текст расмий булактын маалыматы боюнча 02.04.2015 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Тамак-аш азыктарын маркалоо жөнүндө" техникалык регламент, 17-берене (02.04.2015 редакциясы) - https://aqlex.ai/kg/doc/203894/st-17

---

келүүсүн баалоо эрежелери жана формалары

1. Аны маркалоо бөлүгүндө тамак-аш азыгынын ушул Мыйзамдын талаптарына ылайык келүүсүн баалоо аталган талаптардын аткарылышына мамлекеттик көзөмөл формасында жүргүзүлөт.

2. Аны маркалоо бөлүгүндө тамак-аш азыгынын ушул Мыйзамдын талаптарына ылайык келишин мамлекеттик көзөмөлдөө Кыргыз Республикасынын мыйзамдарына ылайык калкты санитардык-эпидемиологиялык бакубаттыгын камсыз кылуучу жана керектөөчүлөрдүн укугун коргоо чөйрөсүндө көзөмөлдү жана контролдоону жүргүзүүчү мамлекеттик бийликтин ыйгарым укуктуу органдары тарабынан жүргүзүлөт.

3. Аны маркалоо бөлүгүндө тамак-аш азыгынын ушул Мыйзамдын талаптарына ылайык келүүсүн баалоо Кыргыз Республикасынын мыйзамдарында белгиленген тартипте бекитилген эрежелерди, методдорду (сыноолорду) жана өлчөөлөрдү пайдалануу жолу менен ушул Мыйзамдын талаптары, ошондой эле тамак-аш азыгын маркалоого Кыргыз Республикасынын мыйзамдарында белгиленген кошумча талаптар менен тамак-аш азыктарын маркировкалоону салыштыруу жолу аркылуу ишке ашырылат.

4. Керектөөчүлөрдү адаштыруучу аракеттердин алдын алуу максатында тамак-аш азыгын маркалоонун аныктыгын текшерүү Кыргыз Республикасынын мыйзамдарында белгиленген тартипте бекитилген эрежелерди жана методдорду (сыноолорду), өлчөөлөрдү пайдалануу менен жүзөгө ашырылат.

5. Ылайык келиши техникалык регламенттин талаптары менен ырасталган тамак-аш азыгы техникалык регламенттерге ылайык келгендиги тууралуу белги менен маркаланат. Ылайык келүү белгиси Кыргыз Республикасынын аймагында таанылган тамак-аш азыгы техникалык регламенттерге ылайык келүү белгиси менен кошумча маркаланбайт. Техникалык регламентке ылайык келүү белгисинин графикалык сүрөтү Кыргыз Республикасынын Өкмөтү тарабынан белгиленет.

6. Техникалык регламенттерге ылайык келүү белгиси менен маркалоо ушул берененин 5-бөлүгүнө ылайык арыз ээси тарабынан өз алдынча жүргүзүлөт.

7. Техникалык регламенттердин талаптарына ылайык келгендиги ырасталбаган тамак-аш азыгын техникалык регламенттерге ылайык келүү белгиси менен маркалоого жол берилбейт.

8. Техникалык регламенттердин талаптарына жооп бербеген тамак-аш азыгына техникалык регламенттерге ылайык келүү белгиси менен маркалоого жол берген адамдар Кыргыз Республикасынын мыйзамдарында каралган жоопкерчиликке тартылат.

---

Мурунку берене: [16-берене](https://aqlex.ai/kg/doc/203894/st-16)  
Кийинки берене: [18-берене](https://aqlex.ai/kg/doc/203894/st-18)