20-берене. Ыкчам-алдын алуучу каттоодон чыгаруу үчүн негиздер

1. Адамды ыкчам-алдын алуучу каттоодон чыгаруу соттун актысынын негизинде төмөнкүдөй жүзөгө ашырылат:

1) белгиленген мөөнөтүнөн мурда - эгерде алынган маалыматтар таасир этүүнүн алдын алуучу чаралар менен каттоого коюунун максатына жетишилгенин күбөлөсө;

2) белгиленген мөөнөтү бүткөндө - аны узартуу үчүн негизи жок болсо;

3) соттун чечими менен каттоого коюу мыйзамсыз деп таанылган учурда;

4) каттоого коюлган адам өлгөн учурда.

2. Ыкчам-алдын алуучу каттоодон чыгаруу жөнүндө чечим адамга жазуу жүзүндө кабарлануу менен билдирилет.