1-берене

"Коомдук саламаттык сактоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., N 7, 758-ст.) төмөнкүдөй толуктоолор киргизилсин:

1. 2-беренеде:

берене төмөнкүдөй мазмундагы биринчи жана экинчи абзацтар менен толукталсын: "Адаптация - организмдин функциялык мүмкүнчүлүктөрүн кеңейтүүсүн, анын ишке жөндөмдүүлүгүнүн артуусун жана сырткы таасирлерге болгон каршылыгынын жогорулоосун чагылдырган жандуу организмдин өзгөрүлмө сырткы чөйрөнүн шарттарына карата ыңгайланышуу процесстери. Адаптациялык жөндөмдүүлүгү - мүмкүн болгон зыянды азайтуу, ыңгайлуу мүмкүндүктөрдү пайдалануу же кесепеттерди жоюу максатында системанын климаттын өзгөрүшүнө (климаттын өзгөрмөлүгүн жана экстрим кубулуштарды кошуп алганда) ыңгайлашууга жөндөмдүүлүгү."; тогузунчу абзац "ветеринардык" жана "чөйрөсүнүн" деген сөздөрдөн кийин тиешелүүлүгүнө жараша ", адаптациялык" жана ", анын ичинде климаттын өзгөрүшүнүн" деген сөздөр менен толукталсын.

2. 7-берененин 2-бөлүгүнүн бешинчи абзацы "бузулушу" деген сөздөн кийин ", алааматтуу жаратылыштык-климаттык абалдар" деген сөздөр менен толукталсын.