# КР 2013-жылдын 11-мартындагы № 38 "Кыргыз Республикасынын Токой кодексине толуктоолорду киргизүү жөнүндө" Мыйзамы - Толук аталышы: КР 2013-жылдын 11-мартындагы № 38 "Кыргыз Республикасынын Токой кодексине толуктоолорду киргизүү жөнүндө" Мыйзамы - Актынын түрү: Закон - Номери: 38 - Кабыл алынган күнү: 11.03.2013 - Статусу: Күчүндө - Редакциянын күнү: 11.03.2013 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 11.03.2013 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР 2013-жылдын 11-мартындагы № 38 "Кыргыз Республикасынын Токой кодексине толуктоолорду киргизүү жөнүндө" Мыйзамы (11.03.2013 редакциясы) - https://aqlex.ai/kg/doc/203845 --- КЫРГЫЗ РЕСПУБЛИКАСЫНЫН МЫЙЗАМЫ 2013-жылдын 11-марты № 38 Кыргыз Республикасынын Токой кодексине толуктоолорду киргизүү жөнүндө ### [1-берене](https://aqlex.ai/kg/doc/203845/st-1) Кыргыз Республикасынын Токой кодексине (Кыргыз Республикасынын Жогорку Кеңешинин Жарчысы, 1999-ж., № 12, 534-ст.) төмөнкүдөй толуктоолор киргизилсин: 1. 22-статья төмөнкүдөй мазмундагы он биринчи жана он экинчи абзацтар менен толукталсын: "- биомассаны, токойду жана башка жердеги экотутумду кошуп алганда, Кыргыз Республикасы тарап болуп саналган, Монреаль протоколу менен жөнгө салынбаган бардык парник газдарын сиңирип алуучуларды жана топтогучтарды сарамжалдуу пайдалануу; - климаттын өзгөрүшүнүн кесепеттерине ыңгайлашуу;". 2. 29-статьянын 1-бөлүгү "ден соолукту чыңдоочу" деген сөздөрдөн кийин ", көмүртектин диоксидин сиңирип алуунун эсебинен климаттын глобалдык өзгөрүшүнүн жагымсыз кесепеттерин эскертүүчү" деген сөздөр менен толукталсын. 3. 74-статья "жергиликтүү программалардын" деген сөздөрдөн кийин ", анын ичинде климаттын өзгөрүшүнө жана парник газдарын сиңирип алуунун көбөйүшүнө ыңгайлашуу боюнча аракеттердин" деген сөздөр менен толукталсын. ### [2-берене](https://aqlex.ai/kg/doc/203845/st-2) Ушул Мыйзам расмий жарыяланган күндөн тартып күчүнө кирет. Кыргыз Республикасынын Президенти А.Атамбаев