# КР 2013-жылдын 13-февралындагы № 14 "Кыргыз Республикасынын Администрациялык жоопкерчилик жөнүндө Кодексине толуктоолорду киргизүү тууралуу" Мыйзамы - Толук аталышы: КР 2013-жылдын 13-февралындагы № 14 "Кыргыз Республикасынын Администрациялык жоопкерчилик жөнүндө Кодексине толуктоолорду киргизүү тууралуу" Мыйзамы - Актынын түрү: Закон - Номери: 14 - Кабыл алынган күнү: 13.02.2013 - Статусу: Күчүн жоготкон - Редакциянын күнү: 24.10.2024 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.10.2024 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР 2013-жылдын 13-февралындагы № 14 "Кыргыз Республикасынын Администрациялык жоопкерчилик жөнүндө Кодексине толуктоолорду киргизүү тууралуу" Мыйзамы (24.10.2024 редакциясы) - https://aqlex.ai/kg/doc/203821 --- КР 2017-жылдын 13-апрелиндеги N 58 Кодексине ылайык 2019-жылдын 1-январынан тартып КҮЧҮН ЖОГОТТУ КЫРГЫЗ РЕСПУБЛИКАСЫНЫН МЫЙЗАМЫ 2013-жылдын 13-февралы № 14 Кыргыз Республикасынын Администрациялык жоопкерчилик жөнүндө Кодексине толуктоолорду киргизүү тууралуу ### [1-берене](https://aqlex.ai/kg/doc/203821/st-1) Кыргыз Республикасынын Администрациялык жоопкерчилик жөнүндө Кодексине (Кыргыз Республикасынын Жогорку Кеңешинин Жарчысы, 1999-ж., № 2, 77-ст.) төмөнкүдөй толуктоолор киргизилсин: 1. Кодекс төмөнкүдөй мазмундагы 231-1-статья менен толукталсын: "231-1-статья. Жолду мыйзамсыз тосуу Жеке жана (же) юридикалык жактардын жолду мыйзамсыз тосуусу, башкача айтканда, жарандардын эркин жүрүүгө укуктарын жана эркиндиктерин чектөөгө багытталган аракеттери, - жеке жактарга эсептешүү көрсөткүчүнүн отуз өлчөмүндө, юридикалык жактарга - эсептешүү көрсөткүчүнүн беш жүз өлчөмүндө администрациялык айып салууга алып келет. Ушул статьянын биринчи бөлүгүндө каралган ошол эле аракеттер тосмолоо буюмдарын орнотуу менен жасалганда, - жеке жактарга эсептешүү көрсөткүчүнүн элүү өлчөмүндө, юридикалык жактарга - эсептешүү көрсөткүчүнүн жети жүз өлчөмүндө администрациялык айып салууга алып келет.". 2. 508-статьянын 1-бөлүгү "230-статьясынын биринчи жана экинчи бөлүктөрүндө," деген сөздөрдөн кийин "231-1-статьясында," деген сөздөр менен толукталсын. 3. 556-1-статьянын 1-бөлүгүнүн 1-пунктунун үчүнчү абзацы "157," деген сандан кийин "231-1," деген сан менен толукталсын. 4. 564-статьянын 1-пункту "көчө жүрүштөрүн жана демонстрацияларды" деген сөздөрдөн кийин "жолду мыйзамсыз тосууну" деген сөздөр менен толукталсын. ### [2-берене](https://aqlex.ai/kg/doc/203821/st-2) Ушул Мыйзам расмий жарыяланган күндөн тартып күчүнө кирет. Кыргыз Республикасынын Президенти А.Атамбаев