КР «1990-жылдын 29-майындагы Европа реконструкциялоо жана өнүктүрүү банкын түзүү жөнүндө макулдашууга карата оңдоолорду ратификациялоо тууралуу» Мыйзамы

1-берене.

1990-жылдын 29-майындагы Европа реконструкциялоо жана өнүктүрүү банкын түзүү жөнүндө макулдашууга карата оңдоолор тиркемеге ылайык ратификациялансын.

2-берене.

Кыргыз Республикасынын Өкмөтү белгиленген тартипте Европа реконструкциялоо жана өнүктүрүү банкына ушул Мыйзамдын 1-беренесинде көрсөтүлгөн оңдоолордун күчүнө кириши үчүн зарыл болгон мамлекет ичиндеги жол-жоболорду Кыргыз Республикасынын аткарганы жөнүндө билдирсин.

3-берене.

Ушул Мыйзам расмий жарыяланган күндөн тартып күчүнө кирет.

Кыргыз Республикасынын Президенти

А.Атамбаев

"1990-жылдын 29-майындагы Европа реконструкциялоо банкын түзүү жөнүндө макулдашууларга карата оңдоолорду ратификациялоо тууралуу" Кыргыз Республикасынын Мыйзамына тиркеме

Европа реконструкциялоо жана өнүктүрүү банкын түзүү жөнүндө макулдашууга карата оңдоолор

ЕРӨБдү (Европа реконструкциялоо жана өнүктүрүү банкын) түзүү жөнүндө макулдашуунун 1-статьясы төмөнкүдөй редакцияда баяндалсын: "1-статья. Максаты

ЕРӨБдүн максаты экономикалык прогресске жана реконструкциялоого салым кошуу менен рынокко багытталган ачык экономикага өтүүгө, ошондой эле Борбордук жана Чыгыш Европа өлкөлөрүндөгү көп партиялуу демократия принциптерин, плюрализмди жана рынок экономикасын колдогон жана аларды турмушка киргизген жеке жана ишкердик демилгелерди өнүктүрүүгө көмөктөшүү болуп эсептелет. Ушул эле шарттарды аткарууну эске алуу менен Банктын максаты ошондой эле Банктын мүчөлөрү болгон Монголияда жана Түштүк жана Чыгыш Жер ортолук деңиз өлкөлөрүндө - Банктын мүчөлөрүндө добуштардын жалпы санынын төрттөн үчүнөн кем эмес болгон, башкаруучулардын үчтөн экисинен кем эмес көпчүлүк добушу менен кабыл алынган анын чечимине ылайык ишке ашырылышы мүмкүн. Ушуга байланыштуу ушул Макулдашууга жана анын тиркемелерине кандай болбосун шилтемелер "Борбордук жана Чыгыш Европа өлкөлөрүнө", "Борбордук жана Чыгыш Европадан чыккан өлкөлөргө", "алуучу өлкө (же алуучу өлкөлөр)" Банктын мүчөсү (же алуучу өлкөлөр, Банктын мүчөлөрү)" Монголияга жана Түштүк жана Чыгыш Жер ортолук деңиз өлкөлөрүнүн ар бирине да тиешелүү болот.". ЕРӨБдү түзүү жөнүндө макулдашуунун 18-статьясы төмөнкүдөй редакцияда баяндалсын: "18-статья. Атайын фонддор

1. i) Банктын максаттарына жетүү жана анын функцияларын алуучу өлкөлөрдө жана кудуреттүү алуучу өлкөлөрдө аткаруу үчүн арналган атайын фонддорду башкарууну Банк өзүнө алышы мүмкүн. Ушундай кандай болбосун атайын фондду башкаруу боюнча бардык чыгымдар ушул атайын фондго тиешелүү болот.

ii) Алуучу өлкө болуп эсептелбеген Банктын мүчөсүнүн өтүнүчү боюнча Башкаруучулар кеңеши i) пунктчанын максатында банктын ушундай мүчөсүн кудуреттүү алуучу өлкөгө коюлуучу, ал максатка ылайык деп эсептеши мүмкүн болгон ушундай чектүү убакыт мезгилинин ичинде жана ушундай шарттарда талаптарга жооп берүүчү деп эсептеген чечим кабыл алышы мүмкүн. Көрсөтүлгөн чечим Банктын мүчөлөрү ээ болгон добуштардын жалпы санынын төрттөн үчүнөн кем эмес болгон башкаруучулардын үчтөн экисинен кем эмес көпчүлүк добушу менен кабыл алынат. iii) Кудуреттүү алуучу өлкөгө коюлуучу талаптарга жооп берүүчү Банктын тигил же бул мүчөсүнүн чечими, эгерде Банктын көрсөтүлгөн мүчөсү алуучу өлкөгө коюлуучу талаптарды аткарууга күчү жеткен учурда гана кабыл алынышы мүмкүн. Көрсөтүлгөн талаптар ушул Макулдашуунун 1-статьясында көрсөтүлгөн чечимди кабыл алган учурдагы редакцияда келтирилген, ал мындай чечимди кабыл алган учурда Директорлор кеңеши бекиткен оңдоолор күчүнө киргенден кийинки редакциясы эске алынат. iv) Эгерде кудуреттүү алуучу өлкөгө ii) пунктчада көрсөтүлгөн мезгилдеги убакыт аяктаганда алуучу өлкөгө статус берилбесе, Банк атайын фонддун активдерин уюшкандыкта сатуу, консервациялоо жана сактоо процесси, ошондой эле ушул активдерге тиешелүү милдеттенмелер боюнча эсептөөлөрдү жүргүзүү менен байланышкандарды кошпогондо, ушул өлкөдө бардык атайын операцияларды жүргүзүүнү дароо токтотот.

2. Банк алган атайын фонддордун каражаттарын Банктын максаттарына жана функцияларына, ушул Макулдашуунун башка колдонулуудагы жоболоруна, көрсөтүлгөн фонддорго тиешелүү макулдашууга же макулдашууларга туура келген кандай болбосун шарттарда жана кандай болбосун түрлөрдө алуучу өлкөлөрдө жана кудуреттүү алуучу өлкөлөрдө пайдаланууга болот.

3. Банк ар бир атайын фондду түзүү, аны башкаруу жана анын каражаттарын пайдалануу үчүн ага талап кылынышы мүмкүн болгон эрежелерди жана ченемдерди белгилейт. Көрсөтүлгөн эрежелер жана ченемдер Банктын адаттагы операцияларына гана конкреттүү колдонулуучу жоболорду кошпогондо, ушул Макулдашуунун жоболоруна ылайык келүүгө тийиш.".