Кыргыз Республикасынын «Кыргыз Республикасында экологиялык коопсуздукту камсыз кылуу боюнча жалпы техникалык регламент» Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу» Мыйзамы

1-берене.

"Кыргыз Республикасында экологиялык коопсуздукту камсыз кылуу боюнча жалпы техникалык регламент" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 5, 468-ст.) төмөнкүдөй өзгөртүүлөр жана толуктоолор киргизилсин:

1. 17-берененин 3-бөлүгү төмөнкүдөй редакцияда баяндалсын:

"3. Ар бир ишкана үчүн коркунучтуулук категориясы ушул Мыйзамга 2-тиркемеге ылайык чыгындыларды, саркындыларды жана калдыктарды жайгаштыруу боюнча өзүнчө аныкталат. Мында КК көрсөткүчү отчеттуулуктун жана контролдун мезгилдүүлүгүн белгилөө максатында коркунучтуулуктун эң жогорку категориясы боюнча аныкталат.".

2. Ушул Мыйзамга 1-тиркемеде:

7-пункт төмөнкүдөй мазмундагы 5-пунктча менен толукталсын: "5) куюу жана металл прокат өндүрүшү.". 11-пункт төмөнкүдөй мазмундагы 5-8-пунктчалар менен толукталсын: "5) арак-шарап продукцияларын өндүрүү;

6) спирт өндүрүү;

7) пиво өндүрүү;

8) консерва өндүрүү.".

тиркеме төмөнкүдөй мазмундагы 24 жана 25-пункттар менен толукталсын: "24. Май куюучу станциялар.

25.Техникалык тейлөө жана автотранспортту сатуунун алдында даярдоочу станциялар.".

3. Ушул Мыйзамга 2-тиркеменин "Чарбалык жана башка иштин субъектинин ишинин КК чоңдугуна жараша эсептелген коркунучтуулук категориясы" 3.2 таблицасы төмөнкүдөй редакцияда баяндалсын:

Чарбалык жана башка иштин объекттеринин коркунучтуулук категориясы

КК чоңдугу

I

КК≥1000

II

1000>КК≥100

III

КК<100

4. Ушул Мыйзамга 3-тиркеменин 1.2 сабы төмөнкүдөй редакцияда баяндалсын:

"

1.2

Экологиялык паспорт

+

+

+

".

2-берене.

Ушул Мыйзам расмий жарыяланган күндөн тартып күчүнө кирет.

3-берене.

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.

Кыргыз Республикасынын Президенти

А.Атамбаев