# 91-берене. Өрт найларына, көбүк генераторлоруна жана көбүк аралаштыргычтарга коюлуучу талаптар - Документ: [Өрт коопсуздугу жөнүндө" техникалык регламент](https://aqlex.ai/kg/doc/203382) - Документтеги орду: 26-глава - Толук аталышы: Кыргыз Республикасынын 2011-жылдын 26-июлундагы № 142 "Өрт коопсуздугу жөнүндө" техникалык регламент" Мыйзамы - Актынын түрү: Закон - Номери: 142 - Кабыл алынган күнү: 26.07.2011 - Статусу: Күчүн жоготкон - Редакциянын күнү: 07.06.2016 - Күчүн жоготуунун негизи: [Закон КР от 7 июня 2016 года № 78 "Об обеспечении пожарной безопасности"](https://aqlex.ai/kg/doc/111357) - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 07.06.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Өрт коопсуздугу жөнүндө" техникалык регламент, 91-берене (07.06.2016 редакциясы) - https://aqlex.ai/kg/doc/203382/st-91 --- 1. Өрт найларынын (кол жана лафеттик) конструкциясы төмөнкүлөрдү камсыз кылууга тийиш: - чоргодон чыкканда от өчүрүүчү заттардын (анын ичинде төмөнкү бөлүнгүчтүктөгү аба-механикалык көбүктүн) туташ жана чачыраган агымын калыптандырууну; - чачыраган агым факелинин конусу боюнча от өчүрүүчү заттардын тегиз бөлүштүрүлүшүн; - агымдын туташ түрүнөн чачыраган түрүнө чейин үзгүлтүксүз өзгөрүшүн; - от өчүрүүчү заттарды (универсал типтеги найлар үчүн) берүүнү токтотпой туруп, алардын чыгымынын өзгөрүшүн; - найдын бышыктыгын, бириктирүүнүн жана жабуучу түзүлүштүн жумушчу басым астында жылчыксыз болушун; - тике жайгашкан жалпак беттерде берилген бурчтар боюнча лафеттик найлардын абалын бекемдөөнү; - тике жана туурасынан жайгашкан жалпак беттерде лафеттик найлардын буруучу механизмдерин гидроиштеткич жана электриштеткич аркылуу кол менен жана аралыктан башкаруу мүмкүнчүлүгүн. 2. Көбүк генераторлорунун конструкциясы төмөнкүлөрдү камсыз кылууга тийиш: - орто жана жогорку бөлүнгүчтүктөгү аба-механикалык көбүктүн үзгүлтүксүз агымын калыптандырууну; - найдын бышыктыгын, бириктирүүнүн жана жабуучу түзүлүштүн жумушчу басым астында жылчыксыз болушун; 3. Көбүк аралаштыргычтар (жөндөлүүчү жана жөндөлбөөчү дозалагычы менен) аба-көбүк найларында жана көбүк генераторлорунда белгилүү бөлүнгүчтүктөгү көбүк алуу үчүн көбүк пайда кылгычтын берилген концентрациядагы суудагы эритмесин алууну камсыз кылууга тийиш. --- Мурунку берене: [90-берене](https://aqlex.ai/kg/doc/203382/st-90) Кийинки берене: [92-берене](https://aqlex.ai/kg/doc/203382/st-92)