7-берене. Өрттүн коркунучтуу факторлору

1. Өрттүн адамдарга жана материалдык байлыктарга таасир этүүчү коркунучтуу факторлоруна төмөнкүлөр кирет:

- жалын жана учкундар;

- жылуулук агымы;

- айлана-чөйрөнүн жогору температурасы;

- күйүүнүн жана заттардын термикалык ажыроосунун уулуу продуктуларынын жогорку концентрациясы:

- кычкылтектин төмөнкү концентрациясы;

- көрүүнүн түтүндөн төмөндөшү.

2. Өрттүн коркунучтуу факторлорунун коштоочу көрүнүштөрүнө төмөнкүлөр кирет:

- талкаланган аппараттардын, агрегаттардын, орнотмолордун жана конструкциялардын сыныктары, бөлүктөрү;

- талкаланган аппараттар менен орнотмолордон айлана-чөйрөгө чыккан радиоактивдүү жана уулуу заттар менен материалдар;

- конструкциялардын аппараттардын жана агрегаттардын ток өткөрүүчү бөлүктөрүнө жогорку чыңалуунун өтүшү;

- өрттүн кесепетинен болгон жарылуунун коркунучтуу факторлору;

- от өчүрүүчү заттардын таасири.