49-берене. Автоматтык өрт өчүрүү орнотмолору

Автоматтык өрт өчүрүү орнотмолору төмөнкүдөй максаттардын бирине же бир нечесине жетүүнү камсыз кылууга тийиш:

- жайда (имаратта) өрттүн коркунучтуу факторлорунун чектүү маанилери келип чыкканга чейин өрттү жок кылууга;

- жайда (имаратта) курулуш конструкцияларынын отко туруктуулук чегине жеткенге чейин өрттү жок кылууга;

- жайда (имаратта) корголуучу мүлккө келтирилүүчү зыяндын жол берилген эң чоң маанисине жеткенге чейин өрттү жок кылууга;

- жайда (имаратта) технологиялык аппараттардын (орнотмолордун) талкалануу коркунучу келип чыкканга чейин өрттү жок кылууга;

- электр менен жабдуу, газ менен жабдуу, ысык суу менен жабдуу, суу менен жылытуу тармактарын өчүрүүгө, ошондой эле турак үйлөрдөгү жана коомдук имараттардагы авариялык жарыкты күйгүзүүгө.

Автоматтык өрт өчүрүү орнотмолору менен корголгон объекттер, автоматтык өрт өчүрүү орнотмосунун тиби, отту өчүрүүчү заттын түрү жана аны өрттүн очогуна жиберүү ыкмасы күйүүчү материалдын түрүнө, имараттын же курулманын көлөмдүк-пландык чечилишине жана айлана-чөйрөнүн параметрлерине жараша аныкталат жана тийиштүү стандарттар менен белгиленет. Мында отту өчүрүүчү затты жиберүүчү түзүлүштү жайгаштыруу өрттү убагында табууну жана жок кылууну камсыз кылууга тийиш.