# 38-берене. Күйүүчү чөйрөдө тутануу булагынын пайда болуу (же ага киргизилүү) шарттарын четтетүү ыкмалары - Документ: [Өрт коопсуздугу жөнүндө" техникалык регламент](https://aqlex.ai/kg/doc/203382) - Документтеги орду: 13-глава - Толук аталышы: Кыргыз Республикасынын 2011-жылдын 26-июлундагы № 142 "Өрт коопсуздугу жөнүндө" техникалык регламент" Мыйзамы - Актынын түрү: Закон - Номери: 142 - Кабыл алынган күнү: 26.07.2011 - Статусу: Күчүн жоготкон - Редакциянын күнү: 07.06.2016 - Күчүн жоготуунун негизи: [Закон КР от 7 июня 2016 года № 78 "Об обеспечении пожарной безопасности"](https://aqlex.ai/kg/doc/111357) - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 07.06.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Өрт коопсуздугу жөнүндө" техникалык регламент, 38-берене (07.06.2016 редакциясы) - https://aqlex.ai/kg/doc/203382/st-38 --- Күйүүчү чөйрөдө тутануу булагынын пайда болуу шарттарын четтетүү төмөнкү ыкмалардын бири же бир нечеси аркылуу жетишилүүгө тийиш: - өрт коркунучу жана (же) жарылуу коркунучу бар зонанын классына, жарылуу коркунучу бар аралашманын категориясына жана тобуна ылайык келген электр жабдууларын колдонуу; - конструкцияда ыкчам аракеттенүүчү, тутануу булагынын пайда болушуна алып келүүчү электр орнотмолорунун жана башка түзүлүштөрдүн коргоочу өчүрүү каражаттарын колдонуу; - статикалык электр тогунун пайда болушун четтетүүчү жабдууларды жана технологиялык процесстерди жүргүзүү режимдерин колдонуу; - имараттарды, курулмаларды жана жабдууларды чагылгандан коргоону (чагылган тоскуч) орнотуу; - күйүүчү чөйрө менен тийишүүчү күйүүчү заттардын, материалдардын жана беттердин коопсуз ысуу температурасын кармап туруу; - күйүүчү чөйрөдө учкун разрядынын энергиясын коопсуз маанилерине чейин чектөөчү ыкмалар менен түзүлүштөрдү колдонуу; - оңой жалындоочу суюктуктар жана газдар менен иштегенде учкундан коркунучсуз аспапты колдонуу; - айланып туруучу заттардын, материалдардын жана буюмдардын өзүнөн өзү ысыктан, химиялык жана (же) микробиологиялык от алып кетүүчү шарттарын жоюу; - пирофордук заттардын аба менен тийишүүсүн четтетүү; - жалындын бир көлөмдөн чектеш жаткан көлөмдөргө таралуу мүмкүнчүлүгүн четтетүүчү түзүлүштөрдү колдонуу. Тутануу булактарынын параметрлеринин коопсуздук маанилери технологиялык процесстерди аларда айланып жүргөн заттар менен материалдардын ушул Техникалык регламенттин тиркемесиндеги 1-таблицада аныкталган өрт коркунучу көрсөткүчтөрүнүн негизинде өткөрүү шарттары менен аныкталат. --- Мурунку берене: [37-берене](https://aqlex.ai/kg/doc/203382/st-37) Кийинки берене: [39-берене](https://aqlex.ai/kg/doc/203382/st-39)