37-берене. Күйүүчү чөйрөнүн пайда болуу шарттарын четтетүү ыкмалары

Күйүүчү чөйрөнүн пайда болуу шарттарын четтетүү төмөнкү ыкмалардын бири же бир нечеси аркылуу камсыз кылынууга тийиш:

- күйбөөчү заттар менен материалдарды колдонуу;

- күйүүчү заттар менен материалдардын массасын жана (же) көлөмүн чектөө;

- күйүүчү заттар менен материалдарды, ошондой эле бири-бири менен өз ара аракеттенгенде күйүүчү чөйрөнүн пайда болушуна алып келүүчү материалдарды жайгаштыруунун абдан коопсуз ыкмаларын пайдалануу;

- күйүүчү чөйрөнү тутануу булагынан бөлүү (обочолонгон отсектерди, камераларды, кабиналарды колдонуу);

- кычкылдандыргыч жана (же) күйүүчү заттардын чөйрөлөрүндө коопсуз концентрацияны кармап туруу;

- кычкылдандыргычтын күйүүчү чөйрөдөгү концентрациясынын корголуучу объектте азайтылышы;

- чөйрөнүн температурасын жана басымын жалындын таралышы болбой турган температурада жана басымда кармап туруу;

- күйүүчү заттардын айланып жүрүшү менен байланышкан технологиялык процесстерди механикалаштыруу жана автоматташтыруу;

- өрттөн кооптуу жабдууларды өзүнчө жайларга же ачык аянтчага орнотуу;

- өндүрүш жабдууларын коргоочу, күйүүчү заттардын жайдын көлөмүнө чыгышына жол бербей турган түзүлүштөрдү колдонуу;

- технологиялык жабдуулардын жайларынан жана коммуникациядан өндүрүштүн өрттөн кооптуу калдыктарын чыгаруу, туруп калган чаңдарды, пырларды тазалоо.