104-берене. Электр-техникалык продукциянын өрт коопсуздугуна коюлуучу талаптар

Электр-техникалык продукция тутандыруу булагы болбоого жана күйүүнүн чегинен сырткары таралуусун болтурбоого тийиш. Электр-техникалык продукция үчүн өрт коопсуздугунун талаптары алардын конструкциялык өзгөчөлүктөрүнө жана колдонуу жаатына жараша тийиштүү атайын техникалык регламенттерде белгиленет. Электр-техникалык продукцияда колдонулган конструкциялык элементтер жалындын, ысыган элементтердин, электр жааларынын, кошуучу бириктирүүлөрдөгү жана ток өткөрүүчү көпүрөчөлөрдөгү ысуунун таасирине туруктуу болууга тийиш (трекинг туруктуулук). Электр-техникалык продукция авариялык иштөө режиминде (чукул туташуу, ашыкча күч келүү) күйүүнүн келип чыгышына жана таралышына бөгөт коюууга тийиш. Электр-техникалык продукциянын кабыгынын күйүүнүн кабыктын чегинен тышкары таралышынан корголуу деңгээли продукциянын колдонуу чөйрөсү менен аныкталат. Коргоо аппараттары авариялык иштөө режими келип чыккан учурда күйүү пайда болгонго чейин электр тизмегинин участкасын электр энергиясынын булагынан ажыратууга тийиш. Электр-техникалык продукциянын белгилүү түрлөрүнө өрт коопсуздугунун талаптары ошол продукция үчүн тийиштүү техникалык регламенттер менен белгиленет.