9-берене. Таланттуу жаштарга колдоо көрсөтүү

1. Коомдун интеллектуалдык жана чыгармачылык дараметин сактоо жана

өнүктүрүү, Кыргыз Республикасындагы илимий жана маданий салттуулуктар-

дын улануучулугун камсыз кылуу максаттарында таланттуу жаштарды колдоо-

го алуу боюнча чаралардын системасы жүзөгө ашырылат.

2. Таланттуу жаштарды мамлекеттик колдоого алуу төмөнкүлөр аркылуу

жүзөгө ашырылат:

1) мамлекеттик, муниципалдык жана энчиленген стипендияларды, сый

төлөмдөрдү белгилөө, билим берүү гранттарын ыйгаруу;

2) илимдин, маданияттын, көркөм өнөрдүн жана спорттун көрүнүктүү

ишмерлеринин билимдеринин, тажрыйбаларынын жолун жолдоочулукту камсыз

кылуучу шарттарды түзүүгө көмөк көрсөтүү; чыгармачылык өнөрканаларды,

мектептерди жана башка мекемелерди уюштуруу;

3) борборлорду, билим берүү уюмдарын, спорттук мектептерди жана

клубдарды түзүү жана өнүктүрүү;

4) олимпиадаларды, конкурстарды, көргөзмөлөрдү, фестивалдарды, ка-

роолорду, симпозиумдарды, конференцияларды жана башка коомдук иш-чара-

ларды уюштуруу жана өткөрүү;

5) окутуунун, кайра даярдоонун жана стажировкадан өтүүнүн улуттук

жана эл аралык программаларынын жеткиликтүүлүгүн конкурстук негизде

камсыз кылуу.