# 3-берене. Жайытка болгон менчик укугу жана анын чектерин аныктоо - Документ: [Жайыттар жөнүндө](https://aqlex.ai/kg/doc/202594) - Толук аталышы: КР 2009-жылдын 26-январындагы № 30 "Жайыттар жөнүндө" Мыйзамы - Актынын түрү: Закон - Номери: 30 - Кабыл алынган күнү: 26.01.2009 - Статусу: Күчүн жоготкон - Редакциянын күнү: 18.07.2025 - Күчүн жоготуунун негизи: [Закон КР от 18 июля 2025 года № 150 "О введении в действие Земельного кодекса Кыргызской Республики"](https://aqlex.ai/kg/doc/230029580) - Акыркы өзгөртүү: [Закон КР от 29 июля 2024 года № 152 "О внесении изменений в некоторые законодательные акты Кыргызской Республики в рамках административно-территориальной реформы"](https://aqlex.ai/kg/doc/230011962) - Берененин өзгөртүүлөрү: 29.07.2024 [Закон КР от 29 июля 2024 года № 152 "О внесении изменений в некоторые законодательные акты Кыргызской Республики в рамках административно-территориальной реформы"](https://aqlex.ai/kg/doc/230011962); 07.05.2016 [Закон КР от 7 мая 2016 года № 56 "О внесении изменений в некоторые законодательные акты Кыргызской Республики (в законы Кыргызской Республики "О местном самоуправлении", "О пастбищах")"](https://aqlex.ai/kg/doc/111335); 28.12.2011 [Закон КР от 28 декабря 2011 года № 254 "О внесении изменений и дополнений в Закон Кыргызской Республики "О пастбищах"](https://aqlex.ai/kg/doc/203520); 11.07.2011 [Закон КР от 11 июля 2011 года № 91 "О внесении изменений в Закон Кыргызской Республики "О пастбищах""](https://aqlex.ai/kg/doc/203334) - Редакцияларды салыштыруу: - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 18.07.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Жайыттар жөнүндө, 3-берене (18.07.2025 редакциясы) - https://aqlex.ai/kg/doc/202594/st-3 --- 1. Жайыттар Кыргыз Республикасынын менчигинде гана турат. 2. Жайыттардын чектери учурдагы администрациялык-аймактык бирдиктердин чектерин эске алуу менен мурдагы советтик жана коллективдик чарбалардын чектери боюнча бөлүштүрүүнүн негизинде белгилениши керек. Ушул Мыйзамдын 4-беренесине ылайык жергиликтүү өз алдынча башкаруу органдарына өткөрүлүп берилүүчү жайыт участокторунун чектерин белгилөө процессинде чектери талаш-тартыштарды пайда кылган учурда төмөнкүдөй белгиленет: - колхоздорго жана совхоздорго мамлекеттик акт боюнча пайдаланууга берилген жерлердин чектеринде; - чарба жүргүзүүчү субъекттердин чектерин аныктоо боюнча материалдарга ылайык колхоздор жана совхоздор узак убакытка пайдаланган мамлекеттик жер запастарынын курамына кирген жерлердин чектеринде. Мамлекеттик токой фондусунун курамына 1997-жылдын 15-апрелинде кайтарылган токой фондусунун жерлерине ушул бөлүктүн төртүнчү абзацынын жоболору жайылтылбайт. 3. (КР 2011-жылдын 28-декабрындагы № 254 Мыйзамына ылайык күчүн жоготту) 4. Жайыттардын чектерин белгилөө жергиликтүү мамлекеттик администрация түзгөн комиссия тарабынан жүргүзүлөт. Комиссиянын курамына ар бир чектеш административдик-аймактык бирдиктин жергиликтүү өз алдынча башкаруусунун аткаруу органдарынын башчылары жана өкүлчүлүктүү органдарынын өкүлдөрү, айлана-чөйрөнү коргоо маселелери боюнча ыйгарым укуктуу органдын, ошондой эле токой чарбасынын өкүлдөрү, кыймылсыз мүлккө укуктарды каттоо чөйрөсүндөгү ыйгарым укуктуу мамлекеттик органдын адистери кирет. 5. Кыргыз Республикасынын Министрлер Кабинети тарабынан ушул берененин 4-бөлүгүнө ылайык түзүлгөн комиссиялар же облустук жумушчу топтордун комиссиялары чече албаган талаш-тартыштарды чечүүгө ыйгарым укуктуу, жайыттардын чектерин белгилөөгө жана Кыргыз Республикасынын Министрлер Кабинети тарабынан жайыттын чектерине карата акыркы сунуштарды даярдоону камсыз кылуучу мамлекеттик комиссия түзүлүшү мүмкүн. Бул комиссия ар бир облуста жергиликтүү өз алдынча башкаруу органдарынын ортосунда жайыттардын чектери боюнча талаш-тартыштарды жөнгө салууга ыйгарым укуктуу жумушчу топторду түзүүгө жана, жергиликтүү айылдык аймактардын администрациялык-аймактык бирдиктеринин учурдагы чектерин эске алуу менен, ушул берененин 2-бөлүгүнө ылайык жергиликтүү комиссиялар менен аныкталган жайыттын чектерин бекитүүгө жана мамлекеттик комиссияга берүүгө укуктуу. 51. Өз убагында мамлекеттик актынын негизинде колдонууга өткөрүлүп берилген, мамлекеттик жер запасынын курамына кирген жайыттар, жерлердин чектери тиешелүү административдик-аймактык бирдиктин карамагында болот. 6. Жайыттардын чектерин бекитүү жайыттын чектерин белгилөө боюнча мамлекеттик комиссиянын сунуштарынын негизинде Кыргыз Республикасынын Министрлер Кабинети тарабынан жүргүзүлөт. (КР 2011-жылдын 11-июлундагы № 91, 2011-жылдын 28-декабрындагы № 254, 2016-жылдын 7-майындагы № 56, 2024-жылдын 29-июлундагы № 152 Мыйзамдарынын редакцияларына ылайык) --- Мурунку берене: [2-берене](https://aqlex.ai/kg/doc/202594/st-2) Кийинки берене: [31-берене](https://aqlex.ai/kg/doc/202594/st-31)