# 243-берене. Финансылык кызмат көрсөтүүлөр

- Документ: [Салык кодекси](https://aqlex.ai/kg/doc/202445)
- Документтеги орду: 38-глава
- Толук аталышы: Кыргыз Республикасынын 2008-жылдын 17-октябры № 230 "Салык кодекси"
- Актынын түрү: Кодекс
- Номери: 230
- Кабыл алынган күнү: 17.10.2008
- Статусу: Күчүн жоготкон
- Редакциянын күнү: 18.01.2022
- Күчүн жоготуунун негизи: [Закон КР от 18 января 2022 года № 4 "О введении в действие Налогового кодекса Кыргызской Республики"](https://aqlex.ai/kg/doc/112342)
- Акыркы өзгөртүү: [Закон КР от 15 апреля 2015 года № 81 "О внесении дополнений и изменений в Налоговый кодекс Кыргызской Республики"](https://aqlex.ai/kg/doc/111123)
- Берененин өзгөртүүлөрү: 15.04.2015 [Закон КР от 15 апреля 2015 года № 81 "О внесении дополнений и изменений в Налоговый кодекс Кыргызской Республики"](https://aqlex.ai/kg/doc/111123); 06.10.2012 [Закон КР от 6 октября 2012 года № 169 "О внесении изменений и дополнений в некоторые законодательные акты Кыргызской Республики"](https://aqlex.ai/kg/doc/203769); 27.07.2009 [Закон КР от 27 июля 2009 года № 255 О внесении дополнений и изменений в Налоговый кодекс Кыргызской Республики "](https://aqlex.ai/kg/doc/202732)
- Редакцияларды салыштыруу: <https://aqlex.ai/kg/doc/202445#diff=1120945..1120946>
- Тексттин тили: кыргыз тили
- aqlex'теги барагы: <https://aqlex.ai/kg/doc/202445/st-243>
- Расмий булак: <https://cbd.minjust.gov.kg/3-40/edition/1120877/ru>
- Башка тилдеги тексти (Markdown): <https://aqlex.ai/doc/202445/st-243.md>

> Текст расмий булактын маалыматы боюнча 18.01.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Салык кодекси, 243-берене (18.01.2022 редакциясы) - https://aqlex.ai/kg/doc/202445/st-243

---

1. Финансылык кызмат көрсөтүүнүн беримдери КНСтен бошотулган беримдер болуп эсептелет.

2. Ушул берененин максаты үчүн финансылык кызмат көрсөтүүлөр деп төмөнкүлөр таанылат:

1) пайыздык кирешелерди эсептөө жана өндүрүү, карыздык милдеттенмелерди берүү жана өндүрүү, банктык кепилдиктерди берүүнү кошуп алганда, кепилчиликтерди жана/же кепилдиктерди берүү, карыздык милдеттенмелерди башкаруу боюнча агенттин кызмат көрсөтүүлөрү;

2) депозиттер боюнча операциялар, корреспондент банктардын эсептерин кошуп алганда уюмдардын жана жеке жактардын банктык эсептерин ачуу жана жүргүзүү;

3) төлөмдөр, которуулар карыздык милдеттенмелер, чектер жана коммерциялык жүгүртүлүп жаткан төлөм каражаттары менен жүргүзүлгөн операциялар, инкассо боюнча операциялар;

4) ушул жакка таандык болгон аффинаждалган баалуу металлдардын жеке саны көрсөтүлүүчү жеке жактардын жана уюмдардын металлдан жасалган эсептерин ачуу жана киргизүү;

5) нумизматикалык монеталарды жана коллекциялык нускаларды кошпогондо, мыйзамдуу төлөм каражаты болуп саналган валюта, банкноттор жана акча каражаттары менен, ошондой эле алтындан жана/же күмүштөн аффинаждалган стандарттык жана өлчөнгөн куймалар, инвестициялык монеталар менен операциялар;

6) акциялар, облигациялар жана башка баалуу кагаздар менен, төлөм карточкалар, ошондой эле акциз маркалары менен жүргүзүлгөн операциялар, буга баалуу кагаздардын сакталышын камсыз кылуу боюнча кызматтар; чарба жүргүзүүчү шериктешиктердин жана коомдордун капиталына катышуунун үлүштөрү менен жүргүзүлгөн операциялар кошулбайт;

7) инвестициялык фонддорду башкаруу;

8) клирингдик операциялар, анын ичинде төлөмдөрдү жыйноо, сорттоо жана төлөмдөрдү ырастоо, ошондой эле алар менен өз ара эсептешүүнү жүргүзүү жана клирингге катышуучулардын так позицияларын аныктоочу - банктык операциялардын айрым түрлөрүн жүзөгө ашырган банктар жана уюмдар;

9) аккредитивдерди ачуу жана тейлөө.

3. Банктын заемчусунун карызын жоюунун эсебине алынган мүлктүн банк тарабынан аткарылган берими кредит боюнча карыздын суммасынын чектеринде КНСтен бошотулган болуп эсептелет.

4. Банктар тарабынан алтындан жана/же күмүштөн аффинаждалган стандарттык жана өлчөнгөн куймалардын, инвестициялык монеталардын беримдери КНСтен бошотулган беримдер болуп саналат.

(КР 2009-жылдын 27-июлундагы № 255, 2012-жылдын 6-октябрындагы № 169, 2015-жылдын 15-апрелиндеги № 81 Мыйзамдарынын редакцияларына ылайык)

---

Мурунку берене: [242-берене](https://aqlex.ai/kg/doc/202445/st-242)  
Кийинки берене: [244-берене](https://aqlex.ai/kg/doc/202445/st-244)