505-16-статья. Жалпыга маалымдоо каражаттары аркылуу аба ырайы

жөнүндө божомолду жана башка гидрометеорологиялык маалыматтык продукцияны берүүнү бузуу

Жалпыга маалымдоо каражаттары аркылуу аба ырайы жөнүндө божомолду жана башка гидрометеорологиялык маалыматтык продукцияны берүүнү бузуу - жарандарга эсептешүү көрсөткүчтүн үчкө чейинки, кызмат адамдарына эсептешүү көрсөткүчтүн - ондон жыйырмага чейинки администрациялык айып салууга алып келет.".

9. 532-статья төмөнкүдөй редакцияда баяндалсын:

"532-статья. Оюн-зоок. лотерея, камсыздандыруу иштерин, мамлекеттик эмес пенсиялык фонддордун, пенсиялык активдерди башкарган компаниялардын иштерин, ошондой эле баалуу кагаздар рыногундагы ишти контролдоочу орган

Оюн-зоок, лотерея, камсыздандыруу иштерин, мамлекеттик эмес пенсиялык фонддордун, пенсиялык активдерди башкарган компаниялардын иштерин. ошондой эле баалуу кагаздар рыногундагы ишти контролдоочу орган ушул Кодекстин 327-338-4-статьяларында каралган администрациялык укук бузуулар жөнүндө иштерди карайт. Администрациялык укук бузуулар жөнүндө иштерди кароого жана администрациялык жазаларды берүүгө Кыргыз Республикасынын оюн-зоок, лотерея, камсыздандыруу иштерин, мамлекеттик эмес пенсиялык фонддордун, пенсиялык активдерди башкарган компаниялардын иштерин, ошондой эле баалуу кагаздар базарындагы ишти контролдоочу ыйгарым укуктуу мамлекеттик органдын жетекчиси жана анын орун басары укуктуу.".

10. 36-глава төмөнкүдөй мазмундагы 546-2-статья менен толукталсын:

"546-2-статья. Гидрометеорология боюнча башкы башкармалыктын органдары

Кыргыз Республикасынын Өзгөчө кырдаалдар министрлигине караштуу Гидрометеорология боюнча башкы башкармалыктын органдары ушул Кодекстин 35-2-главасында каралган администрациялык укук бузуулар жөнүндө иштерди карашат. Администрациялык укук бузуулар жөнүндө иштерди кароого жана администрациялык жазаларды берүүгө Гидрометеорология боюнча башкы башкармалыктын начальниги укуктуу.".