15-берене

Жумуш берүүчүлөрдөн кармалуучу киреше салыгы боюнча 2008-жылдын биринчи жана экинчи жарым жылдыгынын жыйынтыктары боюнча пландуу көр- сөткүчтөр ашыгы менен аткарылган учурда ашыра аткаруунун суммасы облус- тук жана райондук маанидеги шаарлардын жана райондордун бюджеттерине ашыра аткаруунун суммасынан 65 пайыз нормативи боюнча чегерилет. Жумуш берүүчүлөрдөн кармалуучу киреше салыгы боюнча ашыкча төлөө- лөрдүн эсебинен пландуу көрсөткүчтөрдү ашыра аткаруунун суммасы пландан ашыкча келип түшкөндөрдөн алып салынат. Киреше салыгы, пайдадан алынуучу салыктар, милдеттүү патенттешти- рүүдөн алынган кирешелер, чакан ишкерликтин субъекттери үчүн бирдиктүү салык, акциздик салык (ички продукцияга), пайыздык салык, резидент эместердин кирешелеринен алынуучу салык, камсыздандыруу фонддорунун тө- гүмдөрүн жана ички продукцияга кошумча нарк салыгы, Бишкек жана Ош шаарлары боюнча 2008-жылдын биринчи жана экинчи жарым жылдыгына план- даштырылган пландуу көрсөткүчтөр ашыра аткарылганда, ашыра аткаруунун суммасы Бишкек жана Ош шаарларынын жергиликтүү бюджеттерине ашыра атка- руунун суммасынан 65 пайыз нормативи боюнча чегерилет, мында салыктар боюнча ашыкча төлөмдөрдүн эсебинен пландуу көрсөткүчтөрдү ашыра атка- руунун суммасы пландан ашыкча келип түшкөн каражаттардан алып салынат. 2008-жылдын биринчи жарым жылдыгында пландуу көрсөткүчтөр ашыра аткарылган жана жыл жыйынтыгы боюнча алар аткарылбай калган учурда би- ринчи жарым жылдыкта которулган каражаттар кийинки жылы республикалык бюджетке алып коюлат.