# 1-статья - Документ: [О внесении изменений и дополнений в Уголовно-исполнительный кодекс Кыргызской Республики](https://aqlex.ai/kg/doc/202101) - Актынын түрү: Закон - Номери: 68 - Кабыл алынган күнү: 04.05.2007 - Статусу: Күчүн жоготкон - Редакциянын күнү: 24.01.2017 - Күчүн жоготуунун негизи: [Закон КР от 24 января 2017 года № 10 "О введении в действие Уголовного кодекса Кыргызской Республики, Кодекса Кыргызской Республики о проступках, Уголовно-процессуального кодекса Кыргызской Республики, Уголовно-исполнительного кодекса Кыргызской Республики, Закона Кыргызской Республики "Об основах амнистии и порядке ее применения"](https://aqlex.ai/kg/doc/111703) - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.01.2017 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: О внесении изменений и дополнений в Уголовно-исполнительный кодекс Кыргызской Республики, 1-статья (24.01.2017 редакциясы) - https://aqlex.ai/kg/doc/202101/st-1 --- Кыргыз Республикасынын Жазык-аткаруу кодексине (Кыргыз Республикасынын Жогорку Кеңешинин Жарчысы, 2000-ж., N 3, 156-ст.) төмөндөгүдөй өзгөртүүлөр жана толуктоолор киргизилсин: 1. 41-статьяда: экинчи бөлүк төмөндөгүдөй редакцияда баяндалсын: "(2) Камакка алууга соттолгондорго жалпы режимдеги түзөтүү колонияларында жазаларын өтөп жатышкан эркиндигинен ажыратууга соттолгондор үчүн ушул Кодексте белгиленген кармоонун шарттары жайылтылат. Камакка алууга соттолгондорду окутуу жүзөгө ашырылбайт. Кайтаруусуз жүрүүгө уруксат берилбейт."; 3-бөлүктөгү "бир жарым" деген сөздөр "эки" деген сөз менен алмаштырылсын; 4-бөлүк төмөндөгүдөй редакцияда баяндалсын: "(4) Өзгөчө жагдайларда (жакын тууганынын өлүмү же анын өмүрүнө коркунуч туудурган катуу оорууда, соттолгонго же анын үй-бүлөсүнө орчундуу зыян келтирген табийгый кырсыктарда) камакка алууга соттолгондорго камак үйүнүн начальнигинин чечими менен соттолгондордун жеке каражаттарынан төлөө аркылуу жакын туугандары менен он беш мүнөткө чейин телефон аркылуу сүйлөшүүгө уруксат берилиши мүмкүн. Эскертүү. Жакын туугандары деп ушул Кодекстин 61-статьясынын экинчи бөлүгүндө көрсөтүлгөн адамдарды түшүнүү керек.". статья төмөндөгүдөй мазмундагы 5-7-бөлүктөр менен толукталсын: "(5) Ушул статьянын төртүнчү бөлүгүндө көрсөтүлгөн өзгөчө жагдайларга байланыштуу камакка алууга соттолгондорго, баруу жана кайра келүү үчүн керек болгон убакытты эсептебегенде, камак үйүнөн тышкары жети суткага чейин кыска мөөнөттүү барып-келүү уруксаты берилиши мүмкүн. (6) Жашы жетелек соттолгондорго бир айда бир жолу жакын туугандары менен төрт саатка чейин кыска мөөнөттүү жолугушуу берилет. (7) Камакка алууга соттолгондор чектелбеген сандагы каттарды ала алышат жана жөнөтө алышат. Соттолгондордун кат алышуулары цензурадан өтөт.". 2. Кодекс төмөндөгүдөй мазмундагы 41-1 жана 41-2-статьялар менен толукталсын: "41-1-статья. Тамак-аш азыктарын жана күндөлүк керектелүүчү нерселерди сатып алуу Медициналык корутундунун негизинде дарыланууга жана тиешелүү тамактанууга муктаж болгон камакка алууга соттолгондорго алардын энчилүү эсептеринде турган каражаттарына тамак-аш азыктарын сатып алууга уруксат берилет. Соттолгондор акча которуп эсептешүү боюнча күндөлүк керектелүүчү нерселерди бир жолку эсептик көрсөткүчтөн ашпаган суммага сатып ала алышат. --- Кийинки берене: [41-2-статья](https://aqlex.ai/kg/doc/202101/st-41-2)