1-статья

Кыргыз Республикасынын Граждандык кодексинин (Кыргыз Республикасы-

нын Жогорку Кењешинин Жарчысы, 1996-ж., № 6, 80-ст.) I бөлүгүнө

төмөндөгүдөй өзгөртүүлөр жана толуктоо киргизилсин:

335-статьянын:

1-пунктунда:

- биринчи абзацтагы "эгерде мыйзамда башкача каралбаса, соттун че-

чими боюнча" деген сөздөр "Кыргыз Республикасынын мыйзамдарына ылайык

соттук же соттон тышкаркы тартипте" деген сөздөр менен алмаштырылсын;

- экинчи абзац төмөндөгүдөй редакцияда баяндалсын:

"Күрөө кармоочунун талаптарын күрөөгө коюлган кыймылсыз мүлктүн

эсебинен сотко кайрылуусуз канааттандырууга төмөндөгүдөй негиздерде жол

берилет:

күрөө кармоочу менен күрөө берүүчүнүн ортосунда бир эле учурда

күрөө жөнүндө келишим менен түзүлгөн, болбосо күрөө жөнүндө келишимдин

күчүндө турган мезгилде түзүлгөн нотариалдык жактан ырасталган макулда-

шууга. Мындай келишим бул келишимде укугу бузулган адамдын доосу боюнча

сот тарабынан жараксыз деп табылышы мүмкүн;

күрөө жөнүндө келишиминде күрөө кармоочунун өндүрүп алууну соттон

тышкары тартипте күрөөнүн жүйөсүнө айландыруу тууралу укугу болгон

учурда нотариустун аткаруу жазуусу болгондо.";

статья төмөндөгүдөй мазмундагы 2-пункт менен толукталсын:

"2. Күрөө кармоочу нотариуска аткаруу жазуусун бүткөрүш үчүн бил-

дирме түзүлгөндөн кийин күрөө берүүчүнүн (карызкордун) күрөө кармоочу

койгон талапты канааттандырам деген ниети жок болсо, күрөөнүн өндүрүп

алуу жүйөсүнө айландыруу жол-жобосу башталгандыгы жөнүндө кайрылууга

укугу бар.

Нотариустун аткаруу жазуусу Кыргыз Республикасынын мыйзамдарында

белгиленген тартипте салынат.";

2 жана 3-пункттар тиешелүү түрдө 3 жана 4-пункт деп эсептелсин.