Бул документ боюнча сурооңуз барбы?ЖИнин жообун мыйзамдын тексти менен салыштырыңыз
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.Чат-боттор КР мыйзамдарында жаңылышат. Бул жерде ЖИ колдонуудагы редакция боюнча жооп берип, беренелерди көрсөтөт. Айына ЖИнин 40 жообу - акысыз.
Мисалы:
КР Өкмөтүнүн (Кайрымдуулук жана улгайган курактагы жарандар жөнүндө кам көрүү айлыгын жана Улгайган адамдардын эл аралык күнүн өткөрүү боюнча Иш-чаралар планы бекитилүүсү тууралуу) буйругу
КЫРГЫЗ РЕСПУБЛИКАСЫНЫН ӨКМӨТҮ БУЙРУК 2009-жылдын 11-сентябры № 507-б Улгайган курактагы жарандардын проблемаларына коомчулуктун көңүлүн буруу максатында:
1. Кайрымдуулук жана улгайган курактагы жарандар жөнүндө кам көрүү айлыгын жана Улгайган адамдардын эл аралык күнүн өткөрүү боюнча тиркелген Иш-чаралар планы (мындан ары - Иш-чаралар планы) бекитилсин.
2. Аткаруу бийлигинин мамлекеттик органдары бекитилген Иш-чаралар планына ылайык 2009-жылдын 15-сентябрынан 15-октябрына чейин Кайрымдуулук жана улгайган курактагы жарандар жөнүндө кам көрүү айлыгынын жана Улгайган адамдардын эл аралык күнүнүн алкагында иш-чараларды өткөрүүнү камсыз кылышсын.
3. Юридикалык жана жеке жактарга, бизнес-жамааттарга, ошондой эле Кыргыз Республикасында кайрымдуулук ишин жүргүзүүчү уюмдарга Кайрымдуулук жана улгайган курактагы жарандар жөнүндө кам көрүү айлыгын жана Улгайган адамдардын эл аралык күнүн өткөрүүдө ар тараптуу колдоо көрсөтүү сунушталсын.
4. Кыргыз Республикасынын Улуттук телерадиокорпорациясына, облустук телерадио компанияларына жана жалпыга маалымдоо каражаттарына облустарда жана Бишкек жана Ош шаарларында Кайрымдуулук жана улгайган курактагы жарандар жөнүндө кам көрүү айлыгын жана Улгайган адамдардын эл аралык күнүн өткөрүүнү чагылдырууну уюштуруу сунушталсын.
5. Аткаруу бийлигинин мамлекеттик органдары 2009-жылдын 20-октябрына чейин Кайрымдуулук жана улгайган курактагы жарандар жөнүндө кам көрүү айлыгынын жана Улгайган адамдардын эл аралык күнүнүн алкагында аткарылган иштер жөнүндө маалыматты Кыргыз Республикасынын Эмгек жана социалдык өнүктүрүү министрлигине беришсин.
6. Кыргыз Республикасынын Эмгек жана социалдык өнүктүрүү министрлиги 2009-жылдын 1-ноябрына чейин Кыргыз Республикасынын Өкмөтүнө жалпыланган маалыматты берсин.
7. Бул буйрук жалпы маалымдоо каражаттарында жарыялансын.
8. Бул буйруктун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.
Премьер-министр
И.Чудинов
Кыргыз Республикасынын Өкмөтүнүн 2009-жылдын 11-сентябрындагы № 507-б буйругу менен бекитилген
Кайрымдуулук жана улгайган курактагы жарандар жөнүндө
кам көрүү айлыгын жана Улгайган адамдардын
эл аралык күнүн өткөрүү боюнча
ИШ-ЧАРАЛАР ПЛАНЫ
| № | Иш-чаралар | Аткаруу мөөнөтү | Аткаруучулар |
|---|---|---|---|
| 1 | Улуу Ата Мекендик согуштун майыптарына жана катышуучуларына, ооруктун эмгекчилерине, пенсионерлерге, жалгыз бой кары-картаң жарандарга, майыптарга, ошондой эле кары-картаңдар жана майыптар үчүн интернат үйлөрдө жашаган адамдарга зарыл болгон даректүү колдоо көрсөтүү | 2009-жылдын 15-сентяб- рынан 15-октяб- рына чейин | Аткаруу бийлигинин мамлекеттик органдары, жергиликтүү өз алдынча башкаруу органдары, коомдук уюмдар |
| 2 | Улгайган адамдар үчүн "Ачык эшик күнүн" өткөрүү | 2009-жылдын 1-октябры | Аткаруу бийлигинин мамлекеттик органдары, жергиликтүү өз алдынча башкаруу органдары, коомдук уюмдар |
| 3 | Улгайган жарандарды куттуктоо (открыткалар жана башка белектер). Активдүү улгайган адамдарды сыйлоо | 2009-жылдын 15-сентяб- рынан 15-октяб- рына чейин | Аткаруу бийлигинин мамлекеттик органдары, жергиликтүү өз алдынча башкаруу органдары, коомдук уюмдар |
| 4 | Төмөнкүдөй адамдарды эстелик белектерин тапшыруу менен куттуктоо: - 60 жана андан көп жыл бирге жашаган жубайларды; - узак жашаган (95 жаштан ашык жашаган улгайган курактагы адамдарды) | 2009-жылдын 15-сентяб- рынан 15-октяб- рына чейин | Аткаруу бийлигинин мамлекеттик органдары, жергиликтүү өз алдынча башкаруу органдары, коомдук уюмдар |
| 5 | Майрамдык куттуктоо, финансылык, материалдык жардам көрсөтүү менен кары-картаңдар жана ден соолугунун мүмкүнчүлүктөрү чектелген адамдар үчүн интернат үйлөрүнө баруу, ошондой эле кыш мезгилине даярданууда улгайган адамдарга жардам көрсөтүү үчүн волонтерлордун, жаштардын барууларын уюштуруу | 2009-жылдын 15-сентяб- рынан 15-октяб- рына чейин | Аткаруу бийлигинин мамлекеттик органдары, жергиликтүү өз алдынча башкаруу органдары, коомдук уюмдар |
| 6 | "Улгайган курактагы адамдардын ден соолугу" айлыгын өткөрүү (акысыз медициналык текшерүү, медициналык тейлөөлөрдү көрсөтүү) | 2009-жылдын 15-сентяб- рынан 15-октяб- рына чейин | Кыргыз Республикасынын Саламаттык сактоо министрлиги, коомдук уюмдар |
| 7 | Улгайган адамдарга телефон жана уюлдук байланыш аркылуу туугандары жана жакындары менен алардын баарлашуусу үчүн акысыз тейлөөлөрдү көрсөтүү | 2009-жылдын 15-сентяб- рынан 15-октяб- рына чейин | Кыргыз Республикасынын Транспорт жана коммуникациялар министрлиги, Улуттук байланыш агенттиги, уюлдук операторлор (макулдашуу боюнча) |
| 8 | Акысыз театрларга барууларды жана төмөнкүдөй маданий-массалык иш-чараларды уюштуруу: - улгайган адамдарга арналган театрдык оюн-зоокторду көрсөтүү (театрлар жана маданият үйлөрү); - шаар жана айылдардын кинотеатрларында (маданият үйлөрүндө) улгайган адамдар үчүн фильмдерди акысыз көрсөтүү; - кары-картаңдар жана мүмкүнчүлүктөрү чектелген адамдар үчүн интернат үйлөрдө жашаган улгайган адамдардын кинотеатрларга, музейлерге, көргөзмөлөргө, циркке баруулары; - улгайган адамдардын катышуусу менен шахматтык турнир жана улгайган адамдардын (ашпозчу, кулинар, музыкант жана акын) ортосунда конкурстарды өткөрүү | 2009-жылдын 15-сентяб- рынан 15-октяб- рына чейин | Кыргыз Республикасынын Маданият жана маалымат министрлиги, аткаруу бийлигинин мамлекеттик органдары, өз алдынча башкаруу органдары, Кыргыз Республикасынын Өкмөтүнө караштуу Дене тарбия жана спорт, жаштардын иштери жана балдарды коргоо боюнча мамлекеттик агенттик, өз алдынча башкаруу органдары, коомдук уюмдар, бизнес-жамааттар (макулдашуу боюнча) |
| 9 | Төмөнкүдөй темаларда республиканын жалпы билим берүү мекемелеринин окуучуларынын ортосунда дилбаяндардын конкурсун өткөрүү: "Мен чоң эне болгондо" ("Когда я стану бабушкой"), "Мен чоң ата болгондо" ("Когда я стану дедушкой"), андан ары жалпыга маалымдоо каражаттарында (орус жана кыргыз тилдеринде) мыкты дилбаяндарды жарыялоо | 2009-жылдын 1-октябры | Кыргыз Республикасынын Билим берүү жана илим министрлиги, өз алдынча башкаруу органдары, ЖМК (макулдашуу боюнча), коомдук уюмдар |
| 10 | Төмөнкүлөрдү өткөрүү: - "Биз кандай гана жаш болгонбуз" ("Как молоды мы были") деген темада фотокөргөзмө; - "Менин сүйүктүү чоң энем жана чоң атам" ("Мои любимые бабушка и дедушка") деген темага мектепке чейинки, мектепте жана мектептен сырткары мекемелерде сүрөт конкурсун өткөрүү, андан ары мыкты номинанттарды сыйлоо | 2009-жылдын 2-октябры региондор деңгээлинде 2009-жылдын 10-20-сен- тябрында республика- нын деңгээлинде 2009-жылдын 21-28-сен- тябрында | Кыргыз Республикасынын Маданият жана маалымат министрлиги, Кыргыз Республикасынын Билим берүү жана илим министрлиги, жергиликтүү өз алдынча башкаруу органдары, коомдук уюмдар, бизнес-жамааттар (макулдашуу боюнча) |
| 11 | Улгайган адамдардын жана кыргыз эстрадасынын жылдыздарынын катышуусу менен концерттерди өткөрүү | 2009-жылдын 15-сентяб- рынан 15-октяб- рына чейин | Жергиликтүү өз алдынча башкаруу органдары, Кыргыз Республикасынын Маданият жана маалымат министрлиги, коомдук уюмдар, бизнес-жамааттар (макулдашуу боюнча) |
| 12 | Спорттук иш-чараларды уюштуруу | 2009-жылдын 15-сентяб- рынан 15-октяб- рына чейин | Кыргыз Республикасынын Өкмөтүнө караштуу Дене тарбия жана спорт, жаштардын иштери жана балдарды коргоо боюнча мамлекеттик агенттик, жергиликтүү өз алдынча башкаруу органдары, коомдук уюмдар |
| 13 | Бизнес-жамааттар менен бирдикте арзандатылган баалар боюнча айыл чарба продуктуларын жана биринчи зарылдыктагы товарларды сатуу боюнча жарманкелерди улгайган адамдар үчүн өткөрүү | 2009-жылдын 15-сентяб- рынан 15-октяб- рына чейин | Кыргыз Республикасынын Айыл, суу чарба жана кайра иштетүү өнөр жай министрлиги, Жергиликтүү өз алдынча башкаруу органдары, коомдук уюмдар, бизнес-жамааттар (макулдашуу боюнча) |
| 14 | Майрамдык акцияларды өткөрүү (улгайган адамдар үчүн түшкү тамак, материалдык жана гуманитардык жардам) | 2009-жылдын 15-сентяб- рынан 15-октяб- рына чейин | Аткаруу бийлигинин мамлекеттик органдары, жергиликтүү өз алдынча башкаруу органдары, коомдук уюмдар, бизнес-жамааттар (макулдашуу боюнча) |
| 15 | Кайрымдуулук жана улгайган курактагы жарандар жөнүндө кам көрүү айлыгынын жана Улгайган адамдардын эл аралык күнүнүн өтүүсүн ЖМКда чагылдыруу | 2009-жылдын 15-сентяб- рынан 15-октяб- рына чейин | ЖМК (макулдашуу боюнча), аткаруу бийлигинин мамлекеттик органдары, жергиликтүү өз алдынча башкаруу органдары, коомдук уюмдар, УТРК (макулдашуу боюнча), облустук телерадиокомпаниялар |
Документ боюнча дагы суроолоруңуз барбы?
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.