# Кыргыз Республикасынын 2006-жылдын 22-майындагы № 88 "Өнөр жайда колдонулуучу жарылчу материалдар жөнүндө" мыйзамы - Толук аталышы: Кыргыз Республикасынын 2006-жылдын 22-майындагы № 88 "Өнөр жайда колдонулуучу жарылчу материалдар жөнүндө" мыйзамы - Актынын түрү: Закон - Номери: 88 - Кабыл алынган күнү: 22.05.2006 - Статусу: Күчүн жоготкон - Редакциянын күнү: 21.05.2015 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 21.05.2015 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын 2006-жылдын 22-майындагы № 88 "Өнөр жайда колдонулуучу жарылчу материалдар жөнүндө" мыйзамы (21.05.2015 редакциясы) - https://aqlex.ai/kg/doc/1878 --- КР 2015-жылдын 21-майындагы № 110 Мыйзамынын ылайык КҮЧҮН ЖОГОТТУ Бишкек шаары, Өкмөт Үйү 2006-жылдын 22-майы № 88 КЫРГЫЗ РЕСПУБЛИКАСЫНЫН МЫЙЗАМЫ Өнөр жайда колдонулуучу жарылчу материалдар жөнүндө 2006-жылдын 17-апрелинде Кыргыз Республикасынын Жогорку Кењеши тарабынан кабыл алынган Ушул Мыйзам өнөр жайда колдонулуучу жарылчу материалдарды жүгүр- түүнүн укуктук негизин аныктайт жана жарылуу энергиясын тынчтык максат- та гана пайдаланууга тийиштүү. ## I бөлүм Жалпы жоболор ### [1-статья. Ушул Мыйзамда пайдаланылуучу негизги түшүнүктөр](https://aqlex.ai/kg/doc/1878/st-1) Ушул Мыйзамда пайдаланылуучу түшүнүктөр төмөнкүдөй мааниге ээ: өнөр жайда колдонулуучу жарылчу материалдар (мындан ары - жарылчу материалдар) - өнөр жай муктаждыгы үчүн колдонулуучу жарылчу заттар (анын ичинде ок-дары), жардыргыч каражаттар - жарылууга түрткү берүүчү каражаттар (түрткү бергичтер), ошондой эле пиротехникалык буюмдар; жарылчу материалдарды колдонуу (жүгүртүү) - жарылчу материалдарды, жардыруу иштеринде колдонулуучу приборлорду жана жабдууларды иштеп чы- гууну, сыноодон өткөрүүнү, жасоону, өлчөп ороону (тањгактоону), ташуу- ну, сактоону, колдонууну, пайдаланууну, эсебин жүргүзүүнү, алууну, жок кылууну (утилдештирүүнү), сатып өткөрүүнү, алып коюуну, техникалык экс- пертизадан өткөрүүнү, экспорттоону, импорттоону, реэкспорттоону (бир өлкөнүн товарын экинчи өлкөгө сатуу же өткөрүү), транзиттөөнү өзүнө камтыган иштер; жардыруу ишинде колдонулуучу приборлор - электр тогунун булагы болгон жана жарылуу түрмөгүндөгү электр каршылыгын өлчөй турган аппара- тура; жардыруу иши - юридикалык жана (же) жеке жактардын чарбакер субъ- екттердин кызыкчылыгы үчүн өнөр жайда колдонулуучу жарылчу материалдар- ды пайдаланууга байланышкан иши; жарылчу материалдарды жасоо - курам бөлүкчөлөрүндө химиялык заттар же химиялык заттардын механикалык аралашмалары колдонулган жарылчу зат- тарды, жардыруучу каражаттарды жана пиротехникалык буюмдарды жасоо; жарылчу материалдарды тањгактоо (өлчөп ороо) - жарылчу материал- дарды бузулуудан, булгануудан сактачу, сактоонун жана ташуунун регла- менттелген шарттарын, ошондой эле алардын эсебин алуу мүмкүнчүлүгүн камсыз кылуучу каражаттар же каражаттардын комплекси; жарылчу материалдарды транспорттоо (ташуу) - жарылчу материалдарды опурталдуу жүктөрдү коопсуз ташуунун ченемдерине жана эрежелерине ыла- йык атайын ылайыкташтырылган транспорт каражаттары менен ташуу; жарылчу материалдарды сактоо - жардыруу иштерин жүргүзүүнүн кооп- суздук эрежелеринин талаптарына жооп берген сактоочу жерлерге, имарат- тарга жана курулмаларга жарылчу материалдарды жайгаштыруу; жарылчу материалдарды жок кылуу - жарылчу материалдарды жардыруу, өрттөө, сууга эритүү ж.б.у.с. жолдор менен жок кылуу; жарылчу материалдарды алып коюу - мыйзамсыз жүгүртүүдөгү жарылчу материалдарды Кыргыз Республикасынын мыйзамдарына ылайык алып коюу; жарылчу материалдардын жоголушу - жарылчу материалдардын уурдалы- шы, коромжуланышы, чачылышы же жоголушу. ### [2-статья. Мыйзамдын максаттары жана аны колдонуу чөйрөсү](https://aqlex.ai/kg/doc/1878/st-2) 1. Бул Мыйзамдын максаттары: а) жарылуу энергиясын өнөр жай жана илим-изилдөө максаттарына пай- даланууну камсыз кылуу; б) жардыруу иштерин жүргүзүп жаткан персоналдын, калктын, мүлктүн жана айлана-чөйрөнүн коопсуздугун камсыз кылуу; в) жарылчу материалдарды мыйзамга каршы максатта пайдаланууга жол бербөө болуп саналат. 2. Ушул Мыйзамдын күчү: а) жарылчу материалдардын бардык түрлөрүнө; б) менчигинин түрүнө карабастан, иши жарылчу материалдарды колдо- нуу менен байланышкан бардык юридикалык жана (же) жеке жактарга (Кыргыз Республикасынын мамлекеттик коргоо жана улуттук коопсуздук органдарынан башкаларга) жайылтылат. ### [3-статья. Жарылчу материалдардын жүгүртүлүшүн укуктук жөнгө салуу](https://aqlex.ai/kg/doc/1878/st-3) Жарылчу материалдарды жүгүртүүнү укуктук жөнгө салуу ушул Мыйзамга жана Кыргыз Республикасынын аймагында колдонулуучу дагы башка ченемдик укуктук актыларга ылайык жүзөгө ашырылат. Эгерде белгиленген тартип боюнча күчүнө кирген Кыргыз Республика- сынын эларалык келишиминде ушул Мыйзамда белгиленгенден башка эрежелер каралган болсо, анда эларалык келишимдеги эрежелер колдонулат. ### [4-статья. Жарылчу материалдардын мамлекеттик реестри](https://aqlex.ai/kg/doc/1878/st-4) 1. Жарылчу материалдардын мамлекеттик реестри (мындан ары - ре- естр) Кыргыз Республикасынын аймагында өнөр жайына колдонууга уруксат берилген жарылчу материалдар жөнүндөгү маалыматтарды камтыйт. 2. Реестрди өнөр жай коопсуздугу жаатындагы ыйгарым укуктуу мамле- кеттик орган жүргүзөт. ### [5-статья. Жарылчу материалдарды жүгүртүүнүн тартиби](https://aqlex.ai/kg/doc/1878/st-5) 1. Жарылчу материалдарды жүгүртүүнүн тартиби жана коопсуздук чара- лары өнөр жай коопсуздугу жаатындагы ыйгарым укуктуу мамлекеттик орган тарабынан иштелип чыгат жана Кыргыз Республикасынын мыйзамдарында бел- гиленген тартипте бекитилет. 2. Төмөнкүлөргө тыюу салынат: а) мамлекеттик реестрге киргизилбеген жарылчу материалдарды, өнөр жай багытында жардыруу иштерин жүргүзүү үчүн пайдаланууга; б) ушул Мыйзамдын 10-статьясында айтылган персоналы, жарылчу мате- риалдарды сактоочу жайы (кампасы) жана жарылчу материалдарды ташуучу транспорт каражаттары жок юридикалык жана (же) жеке жактардын жарылчу материалдарды жүгүртүүгө катышуусуна; в) жарылчу материалдарды жүгүртүү эрежелеринин талаптарына жооп бербеген же пайдаланууга кабыл алынбаган объекттерде жарылчу материал- дарды сактоого; г) кокусунан жарылууну, ууланууну, адамдардын организмине жана ай- лана-чөйрөгө уулуу таасирдин мүмкүн болгон кесепеттерин болтурбоого ба- гытталган чаралар өткөрүлмөйүнчө жарылчу материалдарды колдонууга; д) эсепке алынбаган жарылчу материалдарды иштетүүгө; е) жарылчу материалдарды почта аркылуу жана кол жүгү катары багаж- да же жүк ташуучу багажда жөнөтүүгө. ## II бөлүм Жарылчу мартериалдарды жүгүртүүнү Мамлекеттик жөнгө салуу ### [6-статья. Жарылчу материалдарды жүгүртүүнү мамлекеттик жөнгө](https://aqlex.ai/kg/doc/1878/st-6) салуунун негиздери Жарылчу материалдарды жүгүртүүнү мамлекеттик жөнгө салуу төмөнкүлөрдү караштырат: а) жарылчу материалдарды жүгүртүү чөйрөсүндөгү ченемдерди жана эрежелерди белгилөөнү; б) жардыруу иштерин жүргүзүү укугуна (жарылчу материалдарды пайда- ланууга) Кыргыз Республикасынын мыйзамдарына ылайык уруксаттарды берүүнү; в) жарылчу материалдарды сатып алуу жана сактоо укугуна күбөлүк берүүнү; г) жарылчу материалдарды, жардыруу иши үчүн приборлорду жана жаб- дууларды Кыргыз Республикасынын мыйзамдарына ылайык стандартташтырууну жана сертификаттоону; д) жарылчу материалдарды жүгүртүү менен байланышкан персоналга уруксат берүүнү регламентациялоону; е) жарылчу материалдардын жүгүртүлүшүнө мамлекеттик көзөмөл жүргүзүүнү; ж) жарылчу материалдардын жүгүртүлүшүнө жана пайдаланылышына же- текчилик кылуу боюнча адистердин даярдалышына мамлекеттик көзөмөлдү; з) өнөр жайлык жарылчу заттарды жасаганда пайдаланылуучу курам бөлүкчөлөргө мамлекеттик көзөмөл жүргүзүүнү. ### [7-статья. Жарылчу материалдардын жүгүртүлүшүн лицензиялоо](https://aqlex.ai/kg/doc/1878/st-7) Жарылчу материалдарды колдонууга байланышкан иштерди лицензиялоо "Лицензиялоо жөнүндө" Кыргыз Республикасынын Мыйзамына ылайык жүзөгө ашырылат. ### [8-статья. Жарылчу материалдарды жана жардыруу ишиндеги приборлорду](https://aqlex.ai/kg/doc/1878/st-8) стандартташтыруу жана сертификаттоо 1. Жарылчу материалдарды, жардыруу ишиндеги приборлорду жана жаб- дууларды стандартташтыруу жана сертификаттоо төмөнкүдөй максаттар үчүн жүзөгө ашырылат: - ички рынокту сапатсыз жана опурталдуу продукциялардан, анын ичинде импортко келген продукциядан коргоо үчүн; - продукциянын адамдардын өмүрүнө, ден соолугуна, мүлкүнө коопсуз- дугун контролдоо жана айлана-чөйрөнү, жаныбарларды жана өсүмдүктөр дүйнөсүн коргоо үчүн. 2. Жарылчу материалдарды, жардыруу иши үчүн приборлорду жана жаб- дууларды сертификаттоо милдеттүү болуп саналат. ### [9-статья. Жарылчу материалдарды жүгүртүүнү жүзөгө ашыруучу](https://aqlex.ai/kg/doc/1878/st-9) персонал Жарылчу материалдарды жүгүртүү менен байланышкан иштерди жүргүзүүгө ички иштер органдары жана өнөр жай коопсуздугу жаатындагы ыйгарым укуктуу мамлекеттик орган тарабынан белгиленген тартипте тие- шелүү күбөлүк жана уруксат алган адамдарга жол берилет. ### [10-статья. Жарылчу материалдарды жүгүртүүгө мамлекеттик көзөмөл](https://aqlex.ai/kg/doc/1878/st-10) Кыргыз Республикасынын аймагында, пиротехникалык буюмдардан башка, жарылчу материалдарды жүгүртүүгө мамлекеттик көзөмөлдү Кыргыз Республи- касынын өнөр жай коопсуздугу жаатындагы ыйгарым укуктуу мамлекеттик ор- ганы, ички иштер, коргоо жана улуттук коопсуздук органдары өз компетен- цияларынын чегинде жүзөгө ашырышат. ## III бөлүм Жарылчу материалдарды жүгүртүү менен байланышкан иштин укуктук жоболору ### [11-статья. Жарылчу материалдарды жана жардыруу ишинин](https://aqlex.ai/kg/doc/1878/st-11) приборлорун жасоо жана сыноо 1. Жарылчу материалдарды жана жардыруу ишинин приборлорун жасоого чарбалык иш үчүн керектелүүчү жана өнөр жай коопсуздугу жаатындагы ый- гарым укуктуу мамлекеттик орган менен макулдашылган сандын чегинде жол берилет. 2. Жарылчу материалдарды жана жардыруу ишинин приборлорун жасоочу- лар чыгарылган продукциянын мамлекеттик стандарттарга ылайык келишин, ошондой эле жарылчу материалдарды жүгүртүү чөйрөсүндө Кыргыз Республи- касынын мыйзамдарынын аткарылышын камсыз кылууга милдеттүү. 3. Жарылчу материалдардын ар бир партиясы сертификатталууга, ти- йиштүү түрдө тањгакталууга жана өзүнүн номери болууга тийиш. ### [12-статья. Жарылчу материалдарды жана жардыруу ишинин приборлорун](https://aqlex.ai/kg/doc/1878/st-12) алуу жана сатып өткөрүү 1. Жарылчу материалдарды жана жардыруу ишинин приборлорун, анын ичинде чет өлкөдө жасалгандарды да, алуу жана сатып өткөрүү укугуна иш- кердик менен алектенишкен төмөнкүдөй юридикалык жана (же) жеке жактар ээ болушат: а) жарылчу материалдарды жана жардыруу ишинин приборлорун жасоо, сактоо жана сатып өткөрүү менен алектенгендер; б) өзүнүн муктаждыгы үчүн, ошондой эле тапшырык боюнча жардыруу иштерин аткаруучулар; в) жарылчу материалдарды илим-изилдөө жана көрсөтүп-үйрөтүүчү мак- саттарда пайдалануучулар; г) ок-дары жана пиротехникалык буюмдарды сатып алуучулар, сактоо- чулар, сатып өткөрүүлүчүлөр же аларды пайдалануучулар. 2. Жарылчу материалдарды жана жардыруу ишинин приборлорун сатып өткөрүүчүлөр төмөнкүлөргө милдеттүү: а) атайын үйрөтүлгөн жумушчусу жана башкаруучу персоналы, транс- порту, жарылчу материалдарды туруктуу сактоочу жайы, сатып өткөрүлүүчү жарылчу материалдардын жана жардыруу ишинин приборлорунун сертификатта- ры болууга; б) сатып өткөрүлүүчү жарылчу материалдардын жана жардыруу ишинин приборлорунун эсебин жүргүзүүгө жана эсеп-кысап документтерин 10 жыл бою сактоого; в) жарылчу материалдардын жана жардыруу ишинин приборлорунун кай- тарылышын жана коопсуз сакталышын камсыз кылууга; г) сатып алуучуга жарылчу материалдардын жана жардыруу ишинин при- борлорунун ар бир партиясына сертификат берүүгө; д) өзүнүн кампасында башка ээлик кылуучуларга тиешелүү болгон кор- кунучтуу материалдардын сакталышына жол бербөөгө тийиш. ### [13-статья. Жарылчу материалдарды жана жардыруу ишинин приборлорун](https://aqlex.ai/kg/doc/1878/st-13) сактоо, пайдалануу, жок кылуу (утилдештирүү) жана алып коюу 1. Жарылчу материалдар жана жардыруу ишинин приборлору өнөр жай коопсуздугу жаатындагы ыйгарым укуктуу мамлекеттик орган тарабынан бел- гиленген жардыруу иштерин жүргүзүүнүн эрежелерине ылайык сакталууга ти- йиш. 2. Жарылчу материалдар сакталуучу жайлар (жарылчу материалдардын жер астындагы кампаларынан башка) ок чыгаруучу курал менен куралданган күзөт менен кайтарылууга тийиш. Кайтаруунун түрү (ведомстволук, ведомс- тводон тышкаркы, же келишим боюнча) жарылчу материалдардын ээси тарабы- нан өнөр жай коопсуздугу жаатындагы укуктуу орган жана Кыргыз Республи- касынын ички иштер органдары менен макулдашуу боюнча аныкталат. 3. Жарылчу материалдардын жана жардыруу ишинин приборлорунун эсе- бин алуу алардын ээси тарабынан жардыруу иштериндеги коопсуздуктун бир- диктүү эрежелерине ылайык жүзөгө ашырылат. 4. Жарылчу материалдарды жана жардыруу ишинин приборлорун алып ко- юу Кыргыз Республикасынын мыйзамдарында белгиленген тартипте жүзөгө ашырылат. ### [14-статья. Жарылчу материалдарды ташуу](https://aqlex.ai/kg/doc/1878/st-14) Жарылчу материалдарды ташуу Кыргыз Республикасынын мыйзамдарында белгиленген тартипте жүзөгө ашырылат. ### [15-статья. Жарылчу материалдарды жана жардыруу ишинин приборлорун](https://aqlex.ai/kg/doc/1878/st-15) экспорттоо, импорттоо, реэкспорттоо жана транзиттөө 1. Жарылчу материалдарды жана жардыруу ишинин приборлорун экспорт- тоо, импорттоо, реэкспорттоо Кыргыз Республикасынын мыйзамдарында бел- гиленген тартипте жүзөгө ашырылат. 2. Жарылчу материалдарды Кыргыз Республикасынын аймагы боюнча транзиттөө Кыргыз Республикасынын Өкмөтү белгилеген тартипте жүзөгө ашырылат. ### [16-статья. Жарылчу материалдарды жүгүртүү учурунда болгон](https://aqlex.ai/kg/doc/1878/st-16) авариялар, кырсыктар жана жарылчу материалдар жоголгон учурлар 1. Жарылчу материалдарды жүгүртүү учурунда болгон авариялар, кыр- сыктар жана жарылчу материалдар жоголгон учурлар Кыргыз Республикасынын мыйзамдарында белгиленген тартипте техникалык жактан териштирилүүгө ти- йиш. 2. Жарылчу материалдардын ээси Кыргыз Республикасынын ченемдик укуктук актыларынын талаптарынан четтөөнүн айынан (форс-мажордук жаг- дайдан тышкаркы) болгон аварияны жана анын кесепеттерин өзүнүн эсебинен жоюуга милдеттүү. ## IV бөлүм Кыргыз Республикасынын жарылуу материалдарды жүгүртүү жаатындагы мыйзамдарды бузгандык үчүн жоопкерчилик ### [17-статья. Ушул Мыйзамды бузгандык үчүн жоопкерчилик](https://aqlex.ai/kg/doc/1878/st-17) Ушул Мыйзамды бузгандык үчүн жоопкерчилик Кыргыз Республикасынын мыйзамдары менен аныкталат. ### [18-статья. Талаш-тартыштарды чечүү тартиби](https://aqlex.ai/kg/doc/1878/st-18) Жарылчу материалдарды жүгүртүү учурунда келип чыккан талаш-тартыш- тар Кыргыз Республикасынын мыйзамдарында белгиленген тартипте чечилет. ## V бөлүм Корутунду жоболор ### [19-статья. Ушул Мыйзамды колдонууга киргизүү](https://aqlex.ai/kg/doc/1878/st-19) 1. Ушул Мыйзам расмий жарыяланган күндөн тартып үч ай өткөндөн ки- йин күчүнө кирет. 2. Кыргыз Республикасынын Өкмөтү ченемдик укуктук актыларын ушул Мыйзамга ылайык келтирсин. Кыргыз Республикасынын Президенти К.Бакиев