Кыргыз Республикасынын Өкмөтүнүн буйругу (Мамлекеттик программасынын долбоорун иштеп чыгуу боюнча жумушчу топ түзүү жөнүндө)

КР Министрлер Кабинетинин 2022-жылдын 11-февралындагы N 57-т тескемесине ылайык КҮЧҮН ЖОГОТТУ

Бишкек шаары, Өкмөт Үйү 2006-жылдын 6-майындагы № 209-б

КЫРГЫЗ РЕСПУБЛИКАСЫНЫН ӨКМӨТҮНҮН БУЙРУГУ

Кыргыз Республикасынын Президентинин 2006-жылдын 20-январындагы № 24 "Кыргыз Республикасында балдардын абалын жакшыртуу боюнча кечиктирилигис чаралар жөнүндө" Жарлыгын ишке ашыруу максатында:

1. Балдар эмгегинин өтө начар формаларын жоюу боюнча социалдык

өнөктөрдүн иш-аракеттеринин мамлекеттик программасынын долбоорун иштеп чыгуу боюнча жумушчу топ төмөнкүдөй курамда түзүлсун:

Алымбекова Ж.С. - Кыргыз Республикасынын эмгек жана социалдык жактан коргоо министринин орун басары, жумушчу топтун жетекчиси,

жумушчу топтун мүчөлөрү:

Филиппова О.И. - Кыргыз Республикасынын Президентинин Администрациясынын Аялдар, үй-бүлө жана гендердик өнүктүрүү маселелери боюнча Улуттук кењешинин Секретариатынын эксперти (макулдашуу боюнча), Адилбеков Д.А. - Кыргыз Республикасынын Эмгек жана социалдык жактан коргоо министрлигинин эмгек жана социалдык өнөктөштүк башкармалыгынын начальниги, Абдуазизов А.В. - Кыргыз Республикасынын Билим берүү, илим жана жаштар саясаты министрлигинин мектепке чейинки жана мектептен сырткары билим берүү башкармалыгынын жетектөөчү адиси, КитароваГ.С. - Кыргыз Республикасынын Саламаттык сактоо министрлигинин баштапкы медициналык- санитардык жардам жана лицензиялоо башкы башкармалыгынын башкы адиси, Сулайманов И.Н - Кыргыз Республикасынын Айыл, суу чарба жана кайра иштетүү өнөр жай министрлигинин мобрезервдин атайын бөлгүнүн жетекчиси: Жаналиев Т.Н. - Кыргызстандын профсоюздар федерациясынын Төрагасынын биринчи орун басары (макулдашуу Боюнча), Семенова С.Ф - Кыргызстандын профсоюздар федерациясынын Эмгекчилерди социалдык-экономикалык коргоо Бөлүмүнүн башчысы (макулдашуу боюнча), Токтогулов А.Т. - Кыргыз Республикасынын билим берүү жана илим Кызматкерлеринин профсоюзунун БКнын төрагасы(макулдашуу боюнча), Плавинская Т.В - агроөнөр жай комплекси кызматкерлеринин Профсоюзунун БКнын төрагасынын орун басары– агроөнөр жай комплекси кызматкерлеринин профсоюзунун БКнын бөлүм башчысы (макулдашуу боюнча), ИвашинаВ.В. - саламаттык сактоо кызматкерлеринин профсоюзунун БКнын башкы укук инспектору (макулдашуу боюнча), Кадыров А.К. - «Кыргыз Республикасынын Иш берүүчүлөр конфедерациясы» союзу кењешинин төрагасы (макулдашуу боюнча), Жапаракунов С.Т - «Кыргыз Республикасынын Иш берүүчүлөр конфедерациясы» союзунун вице-президенти, «Дордой базары» ЖЧКсынын башкы директору (макулдашуу боюнча), Аблямитова Ф.С - «Кыргыз Республикасынын Иш берүүчүлөр конфедерациясы» союзунун алдындагы эл аралык жана региондук мамилелер комитетинин төрагасы (макулдашуу боюнча), Шабданбекова Н. - «АL - SТАR» ЖТАКынын менеджери (макулдашуу боюнча), Кубанычбеков Б.С - «Кыргыз Республикасынын Иш берүүчүлөр конфедерациясы» союзунун алдындагы агроөнөр жай комплексин жана айыл чарбасын өнүктүрүү боюнча комитеттин төрагасы (макулдашуу боюнча), Курбанова А - Эл аралык эмгек уюмунун "Балдар эмгегинин өтө начар формаларын жоюу боюнча региондук программанын Борбордук Азия республикаларындагы потенциалын чыњдоо" долбоорунун улуттук координатору (макулдашуу боюнча).

2. Жумушчу топ Балдар эмгегинин өтө начар формаларын жоюу боюнча

социалдык өнөктөрдүн иш-аракеттеринин мамлекеттик программасынын долбоорун Социалдык-эмгектик мамилелерди жөнгө салуу боюнча республикалык үч тараптуу комиссияда каралгандан кийин 2006-жылдын үчүнчү кварталында Кыргыз Республикасынын Өкмөтүнүн кароосуна киргизсин.

Премьер-министр Ф.Кулов