# Кыргыз Республикасынын Окмотунун 2005-жылдын 21-сентябрындагы, №412 буйругу

- Толук аталышы: Кыргыз Республикасынын Окмотунун 2005-жылдын 21-сентябрындагы, №412 буйругу
- Актынын түрү: Распоряжение
- Номери: 412-р
- Кабыл алынган күнү: 21.09.2005
- Статусу: Күчүндө
- Редакциянын күнү: 21.09.2005
- Тексттин тили: кыргыз тили
- aqlex'теги барагы: <https://aqlex.ai/kg/doc/18378>
- Расмий булак: <https://cbd.minjust.gov.kg/57-3684/edition/298383/ru>
- Башка тилдеги тексти (Markdown): <https://aqlex.ai/doc/18378.md>

> Текст расмий булактын маалыматы боюнча 21.09.2005 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Окмотунун 2005-жылдын 21-сентябрындагы, №412 буйругу (21.09.2005 редакциясы) - https://aqlex.ai/kg/doc/18378

---

Бишкек шаары, Өкмөт Үйү

2005-жылдын 21-сентябры N 412-б

КЫРГЫЗ РЕСПУБЛИКАСЫНЫН ӨКМӨТҮНҮН БУЙРУГУ

Улуу Ата Мекендик согуштун майыптарына жана катышуучуларына, пен-

сионерлерге, жалгыз бой картањ граждандарга, майыптарга, ошондой эле

кары-картањдар жана майыптар үчүн интернат үйлөрдө жашаган адамдарга

бир жолку даректүү колдоо көрсөтүү максатында:

1. 2005-жылдын 1-октябрында Улгайган адамдардын күнү жана Улгайган

адамдарды колдоонун жана кайрымдуулуктун бир айлыгы өткөрүлсүн.

2. Министрликтер, мамлекеттик комитеттер, администрациялык ведомс-

тволор, мамлекеттик комиссиялар, облустук, райондук мамлекеттик адми-

нистрациялардын жана жергиликтүү өз алдынча башкаруу органдарынын, мен-

чигинин түрүнө карабастан ишканалар менен уюмдардын жетекчилери бир ай-

лыкты өткөрүү боюнча жумушчу комиссияларды түзүшсүн, каражаттарды ка-

раштырып табышсын, тийиштүү иш-чараларды, анын ичинде төмөнкүлөрдү бел-

гилеп жана ишке ашырышсын:

- 2005-жылдын 1-октябрынан баштап Улгайган адамдардын эл аралык

күнүн бардык жерде белгилөө жана Улгайган адамдарды колдоонун жана кай-

рымдуулуктун бир айлыгын өткөрүү;

- эмгектин жана согуштун ардагерлерине сый көрсөтүү;

- жењилдиктерди берүү, социалдык пособиелерди жана акчалай компен-

сацияларды берүү;

- жалгыз бой, картањ жана аз камсыз улгайган адамдарга кийим, бут

кийим жана тамак-аш сатып алуу, отун камдоо үчун акысыз материалдык

жардам көрсөтүү;

- тиричиликтик, медициналык жана юридикалык тейлөө кызматтарын

акысыз көрсөтүү;

- айрыкча муктаж улгайган адамдарды акысыз түштөнүү менен камсыз-

доо;

- арзандатылган баа менен азык-түлүк жана өнөр жай товарларынын

жарманкелерин өткөрүү.

3. Кыргыз Республикасында кайрымдуулук ишин жургүзүшкөн юридикалык

жактарга жана жеке адамдарга калктын аз камсыз катмарларына гуманитар-

дык жардам көрсөтүү сунушталсын.

4. Кыргыз Республикасынын Финансы министрлиги Кыргыз Республикасы-

нын мыйзамдарында каралган бардык жењилдиктердин жана компенсациялардын

2005-жылга карата сарптоолордун бекитилген сметасынын чегинде өз уба-

гында каржыланышын камсыздасын.

5. Бул буйруктун аткарылышын контролдоо Кыргыз Республикасынын

Премьер-министринин Аппаратынын социалдык-маданий өнүктүрүү бөлүмүнө

жүктөлсүн.

Премьер-министр Ф.Кулов