Төө-Моюн айыл кеңешинин «Ош-Баткен мергенчилер жана балыкчылар коомуна ок атуучу спорттук жай үчүн жер участогун ажыратып берүү жөнүндө» токтому

ТӨӨ-МОЮН АЙЫЛ АЙМАГЫНЫН АЙЫЛДЫК КЕҢЕШИ ТОКТОМ

Төө-Моюн айылдык кеңешинин VIII чакырылышынын кезексиз 25 сессиясы 2023-жылдын 28-июлу № 25-2 Ош-Баткен мергенчилер жана балыкчылар коомуна ок атуучу спорттук жай үчүн жер участогун ажыратып берүү жөнүндө Ош-Баткен мергенчилер жана балыкчылар коомунун төрагасы Б.Акматалиевдин 2023-жылдын 17-июлундагы жазган арызы менен таанышып чыгып мергенчилерге ок атуучу спорттук жай (практическое занятие) үчүн Ак-Шар айылынын 773-контурунан 2,0 га жер тилкесин ажыратып берүүгө жана ал жерде жылына 1-2 жолудан Төө-Моюн айылдык аймагындагы мектептердин 10-11-классынын окуучуларына да окууларды өткөрүп турууга Төө-Моюн айыл өкмөтүнүн башчысынын орун басары М.Осмоновдун, сөзгө чыккан депутаттардын ой-пикирлерин угуп чыгып, Кыргыз Республикасынын Министрлер Кабинетинин 2022-жылдын 31-майындагы №290-токтомунун Жарандардын жана кызматтык куралдарды коопсуз пайдалануунун эрежелеринин жалпы жоболоруна ылайык Төө-Моюн айылдык кеңеши

ТОКТОМ КЫЛАТ:

1. Мергенчилерге ок атуучу спорттук жай үчүн Ак-Шар айылынын 773-контурунан 2,0 га жер тилкесин ажыратып берүүгө макулдук берилсин.

2. Айыл өкмөтүнүн башчысы С.Дүмүров жогоруда көрсөтүлгөн жер тилкесин ижарага ажыратып берүүнү Кыргыз Республикасынын Өкмөтүнүн 2011-жылдын 23-сентябры № 571 Токтому менен бекитилген «Муниципалдык менчикте турган жер участокторуна менчик же ижара укугун берүүнүн тартиби жана шарттары жөнүндөгү» (КР Өкмөтүнүн 2016-жылдын 13-сентябрындагы № 491 токтомунун редакциясына ылайык) жобонун талаптарына жана КРнын жер маселелери боюнча аракеттеги укуктук ченемдик актыларына негиз жүргүзсүн.

3. Токтомдун аткарылышын көзөмөлдөө милдети айылдык кеңештин айыл чарбасы, муниципалдык менчик, аймакты абат кылуу жана көрктөндүрүү боюнча туруктуу комиссиясына (төрагасы Д.Галбаевге) жүктөлсүн.

Төө-Моюн айылдык кеңешинин төрагасы

А.Осмоналиев