43-статья. Кыргыз Республикасынын Өкмөтүнүн жарандык коом менен өз

ара мамилелери

Кыргыз Республикасынын Өкмөтүнүн саясий партияларды, диний уюмдар-

ды жана башка коммерциялык эмес уюмдарды, ошондой эле мамлекеттик эмес

жалпыга маалымдоо каражаттарын кошуп алганда, жарандык коом менен өз

ара мамилелери Кыргыз Республикасынын Конституциясынын, конституциялык

мыйзамдарынын жана Кыргыз Республикасынын башка мыйзамдарынын, адамдын

жана жарандын укуктары менен эркиндиктерине тиешелүү чечимдерди кабыл

алууда конструктивдүү мамлекеттик-коомдук пикир алышуунун жана коомдук

пикирди эске алуунун негизинде түзүлөт.

Кыргыз Республикасында төмөнкүлөргө жол берилбейт:

- Өкмөттүн, аткаруу бийлигинин башка органдарынын жана партиялык

институттардын биригишине, ошондой эле алардын ишмердиктеринин партия-

лык программаларга жана чечимдерге баш ийдирилишине;

- мамлекеттик мекемелерде жана уюмдарда партиялык уюмдардын

түзүлүшүнө жана ишмердигине; мындай жумуштар кызматтык иштерден сыртка-

ры жүргүзүлгөн учурларды кошпогондо мамлекеттик кызматкерлер тарабынан

партиялык жумуштарды жүзөгө ашырууга;

- диний уюмдардын жана диний табынуу кызматкерлеринин мамлекеттик

органдардын иштерине кийлигишүүсүнө.

(Кыргыз Республикасынын 2008-жылдын 20-мартындагы N 37 Мыйзамынын

редакциясына ылайык)

VI глава

Корутунду жоболор