# Кыргыз Республикасы 2005-жылдын 9-августундагы № 143 "2005-жылдын 24-25-мартындагы окуялардын натыйжасында жабыр тарткан чарбакер суъекттерге жардам берүү боюнча чаралар жөнүндө" мыйзамы - Толук аталышы: Кыргыз Республикасы 2005-жылдын 9-августундагы № 143 "2005-жылдын 24-25-мартындагы окуялардын натыйжасында жабыр тарткан чарбакер суъекттерге жардам берүү боюнча чаралар жөнүндө" мыйзамы - Актынын түрү: Закон - Номери: 143 - Кабыл алынган күнү: 09.08.2005 - Статусу: Күчүн жоготкон - Редакциянын күнү: 09.08.2005 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 09.08.2005 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасы 2005-жылдын 9-августундагы № 143 "2005-жылдын 24-25-мартындагы окуялардын натыйжасында жабыр тарткан чарбакер суъекттерге жардам берүү боюнча чаралар жөнүндө" мыйзамы (09.08.2005 редакциясы) - https://aqlex.ai/kg/doc/1741 --- Берилген Мыйзамдын 3-беренесине ылайык Мыйзам 2005-жылдын 25-мартынан 31-декабрына чейин күчүндө болот КЫРГЫЗ РЕСПУБЛИКАСЫНЫН МЫЙЗАМЫ Бишкек шаары, 2005-жылдын 9-августу № 143 2005-жылдын 24-25-мартындагы окуялардын натыйжасында жабыр тарткан чарбакер субъекттерге жардам берүү боюнча чаралар жөнүндө ### [1-статья](https://aqlex.ai/kg/doc/1741/st-1) Кыргыз Республикасынын Өкмөтүнө караштуу Мамлекеттик салык инспекциясы Кыргыз Республикасынын Жогорку Кеңешинин Бюджет жана финансы комитети менен макулдашып, 2005-жылдын 24-25-мартындагы талап-тоноонун, мародерлуктун жана башаламандыктын учурунда жабыр тарткан чарбакер субъекттердин Кыргыз Республикасынын Өкмөтү бекиткен Тизмеси боюнча Кыргыз Республикасынын Салык кодексинин 46-статъясынын биринчи бөлүгүндө аныкталган тартипте ликвиддик күрөөнү бербестен жана Кыргыз Республикасынын Салык кодексинин 63, 64, 65-статьяларынын жоболорун колдонбостон учурдагы төлөмдөрдөн кутулуунун мөөнөттөрүн узартсын. Кыргыз Республикасынын Өкмөтүнө караштуу Мамлекеттик салык инспекциясы Кыргыз Республикасынын Бажы кодексинин 246-статьясынын 1-пунктчасынын негизинде, Кыргыз Республикасынын Бажы кодексинин 245-статьясы менен аныкталган тартипте ушул статьянын биринчи бөлүгүндө көрсөтүлгөн чарбакер субъекттерге төлөө боюнча милдеттердин аткарылышын камсыздабастан, пайыздарды жана туумдарды төлөтүп албастан төлөмдөрүнүн мөөнөтүн кийинкиге жылдырсын же бөлүп-бөлүп төлөөгө уруксат берсин. ### [2-статья](https://aqlex.ai/kg/doc/1741/st-2) Кыргыз Республикасынын Социалдык фондусу жабыр тартышкан чарбакер субъекттерге алардын милдеттүү камсыздоо чегерүүлөрүн төлөөсү боюнча Кыргыз Республикасынын Улуттук банкынын эсептик ставкасы боюнча туумдарды, пайыздарды жана штрафтык санкцияларды алуусуз мөөнөтүн кийинкиге жылдырсын. ### [3-статья](https://aqlex.ai/kg/doc/1741/st-3) Ушул Мыйзам 2005-жылдын 25-мартынан 31-декабрына чейин жарактуу. ### [4-статья](https://aqlex.ai/kg/doc/1741/st-4) Ушул Мыйзам расмий жарыяланган күндөн тартып күчүнө кирет. "Эркин Тоо" газетасынын 2005-жылдын 16-августунда N 66 жарыяланды Кыргыз Республикасынын Президентинин милдетин аткаруучу К.Бакиев 2005-жылдын 30-июнунда Кыргыз Республикасынын Жогорку Кеңеши тарабынан кабыл алынган