Распоряжение Правительства КР (Об использовании специальных средств центральных органов государственного управления, местных государственных администраций, формируемых за счет сборов, платежей, доходов и санкций, предоставляемых платных услуг)

КР Өкмөтүнүн 2012-жылдын 29-майындагы № 235 буйругуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2002-жылдын 21-июну № 335-б Кыргыз Республикасынын Президентинин "Республикалык бюджетти үнөмдүү чыгымдоону камсыздоо, финансылык тартипти чыңдоо жана мамлекеттик менчикке жана бюджеттик каражаттарга кол салууга каршы күрөштү күчөтүү боюнча кечиктирилгис чаралары жөнүндө" 2002-жылдын 23-апрелиндеги жана "Инвестициялык жана башка ишмердик иш-аракеттерди жөнгө салуу чөйрөсүндө мамлекеттик саясатты өркүндөтүү боюнча чаралар жөнүндө" 2002-жылдын 25-апрелиндеги указдарын аткаруу максатында:

1. Өкмөттүк комиссия төмөнкүдөй курамда түзүлсүн:

Танаев Н.Т. - Кыргыз Республикасынын Премьер-министри, комиссиянын төрагасы; Гогаев Б.Х. - Кыргыз Республикасынын Жогорку Кеңешинин Мыйзам чыгаруу жыйынынын депутаты, комиссиянын төрагасынын орун басары (макулдашуу боюнча); Цой Ман-Су - Кыргыз Республикасынын Премьер-министринин Аппаратынын экономика, инвестициялар жана региондук өнүктүрүү башкармалыгынын начальниги, комиссиянын төрагасынын орун басары.

Комиссиянын мүчөлөрү:

- Кыргыз Республикасынын Финансы министри;

- Кыргыз Республикасынын Юстиция министринин орун басары;

- Кыргыз Республикасынын Өкмөтүнө караштуу Монополияга каршы саясат боюнча мамлекеттик комиссиянын төрагасы;

- Кыргыз Республикасынын Премьер-министринин Аппаратынын финансы бөлүмүнүн башчысы;

- Кыргыз Республикасынын Премьер-министринин Аппаратынын юридика бөлүмүнүн башчысы.

2. Жумушчу топ тиркемеге ылайык курамда бекитилсин.

3. Жумушчу топ бир айлык мөөнөттө жыйымдардын, төлөмдөрдүн, кирешелердин жана санкциялардын, акы төлөмө кызмат көрсөтүүлөрдүн ж.б. эсебинен түзүлгөн мамлекеттик башкаруунун, жергиликтүү мамлекеттик администрациялардын борбордук органдарынын атайын каражаттарын түзүү жана пайдалануу боюнча талдоо жүргүзсүн.

Ар бир мамлекеттик орган боюнча жүргүзүлгөн талдоонун негизинде атайын каражаттарды түзүү жана пайдалануу булактарынын негиздүүлүгү жөнүндө маалым-кат даярдасын.

4. Өкмөттүк комиссия жумушчу топ тарабынан даярдалган маалыматтын негизинде атайын каражаттарды толук көлөмүндө мамлекеттик бюджеттин кирешесине которуу жөнүндө сунуштарды иштеп чыксын жана Кыргыз Республикасынын Өкмөтүнүн кароосуна киргизсин.

5. Бул буйруктун аткарылышын контролдоо Кыргыз Республикасынын Премьер-министринин Аппарат Жетекчиси - Министрге жүктөлсүн.

Премьер-министр

Н.Танаев

Кыргыз Республикасынын Өкмөтүнүн 2002-жылдын 21-июнундагы № 335-б буйругуна тиркеме

Жумушчу топтун

КУРАМЫ

- Кыргыз Республикасынын Финансы министринин орун басары, жумушчу топтун жетекчиси;

- Кыргыз Республикасынын Өкмөтүнө караштуу Монополияга каршы саясат боюнча мамлекеттик комиссиянын төрагасынын орун басары;

- Кыргыз Республикасынын Финансы министрлигинин кирешелер башкармалыгынын начальниги;

- Кыргыз Республикасынын Финансы министрлигинин ички аудит башкармалыгынын начальниги;

- Кыргыз Республикасынын Эсептөө палатасынын башкы инспектору (макулдашуу боюнча);

- Кыргыз Республикасынын Премьер-министринин Аппаратынын финансы бөлүмүнүн референти;

- Кыргыз Республикасынын Премьер-министринин Аппаратынын юридика бөлүмүнүн референти.

Кыргыз Республикасынын Премьер-министринин Аппаратынын Жетекчиси - Министр Б.Талгарбеков