1-статья

"Жергиликтүү өз алдынча башкаруу жана жергиликтүү мамлекеттик администрация жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2002-ж., N 1, 10-ст.) төмөнкү өзгөртүүлөр киргизилсин:

1. 2-статьянын алтынчы абзацындагы ", райондордо жана областтарда" деген сөздөр алып салынсын.

2. 17-статьянын экинчи бөлүгүнүн экинчи сүйлөмү алып салынсын.

3. 18-статьяда:

экинчи абзацтагы "областтык," деген сөз алып салынсын; үчүнчү абзацтагы ", райондук" деген сөз алып салынсын.

4. 19-статья төмөнкү редакцияда баяндалсын:

"Кыргыз Республикасында төмөндөгүдөй жергиликтүү кеңештер белгиленет:

- айылдык кеңештер;

- шаарчалык кеңештер;

- шаардык кеңештер (райондук жана областтык маанидеги шаарлардын).".

5. 20-статьянын биринчи бөлүгүндөгү "Областтык, райондук," деген сөздөр алып салынсын.

6. 21-статьянын экинчи бөлүгүндөгү "чакырылат. Областтык кеңештин биринчи сессиясы жергиликтүү кеңештердин депутаттары шайлангандан кийин кеминде үч жумалык мөөнөттөн кечиктирилбестен, калган кеңештердики - " деген сөздөр алып салынсын.

7. 22-статьянын экинчи бөлүгүндөгү "райондо,", "райондук," жана "жогору турган административдик-аймактык деңгээлдеги" деген сөздөр алып салынсын.

8. 23-статьянын экинчи бөлүгүнүн онунчу абзацындагы "жергиликтүү мамлекеттик администрациянын башчысына," деген сөздөр алып салынсын.

9. 27-статьянын биринчи бөлүгүндөгү "областтык," жана "райондук жана" деген сөздөр алып салынсын.

10. 29-статьянын экинчи бөлүгүнүн бешинчи абзацындагы "райондук кеңеш тарабынан" деген сөздөр алып салынсын.

11. 31-статьянын төртүнчү бөлүгү төмөнкү редакцияда баяндалсын:

"Жергиликтүү кеңештердин төрагалары Кыргыз Республикасынын мамлекеттик сыйлыктары менен сыйлоо, Кыргыз Республикасынын ардак наамдарын ыйгаруу жөнүндө Кыргыз Республикасынын Президентине өтүнүч кат менен кайрылат.".

12. 62-статьяда:

экинчи бөлүктөгү "тиешелүү жергиликтүү кеңештин макулдугу менен жана" деген сөздөр алып салынсын; алтынчы бөлүк алып салынсын.

13. 69-статьянын экинчи бөлүгүндөгү "областтык жана Бишкек шаардык кеңештердин төрагалары" деген сөздөр "Бишкек шаардык кеңешинин төрагасы" деген сөздөр менен алмашылсын.