Кыргыз Республикасынын Министрлер Кабинетинин «Кыргыз Республикасынын Өкмөтүнүн 2017-жылдын 8-ноябрындагы № 730 „Лифттердин түзүлүштөрү жана коопсуз эксплуатациялоо эрежелерин бекитүү жөнүндө“ токтомуна өзгөртүүлөрдү киргизүү тууралуу» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2023-жылдын 6-апрели № 198 Кыргыз Республикасынын Өкмөтүнүн 2017-жылдын 8-ноябрындагы № 730 "Лифттердин түзүлүштөрү жана коопсуз эксплуатациялоо эрежелерин бекитүү жөнүндө" токтомуна өзгөртүүлөрдү киргизүү тууралуу Лифттердин түзүлүштөрү жана коопсуз эксплуатациялоо эрежелеринин талаптарын Бажы бирлигинин "Лифттердин коопсуздугу" (ББ ТР 011/2011) техникалык регламентинин талаптарына ылайык келтирүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2017-жылдын 8-ноябрындагы № 730 "Лифттердин түзүлүштөрү жана коопсуз эксплуатациялоо эрежелерин бекитүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Лифттердин түзүлүштөрү жана коопсуз эксплуатациялоо эрежелеринде:

- 332-пункт "техникалык каражаттарга жана" деген сөздөрдөн кийин "ыйгарым укуктуу контролдоочу органдын аттестациялык комиссияларынан аттестациядан өткөн" деген сөздөр менен толукталсын;

- 333-пункт төмөнкүдөй редакцияда баяндалсын:

"333. Лифттерди, ошондой эле диспетчердик контролдоо системаларын техникалык диагностоо жана текшерүү боюнча иш Бажы бирлигинин "Лифттердин коопсуздугу" (ББ ТР 011/2011) техникалык регламентинин талаптарына ылайык жүргүзүлөт.";

- 335-пункттун экинчи абзацы төмөнкүдөй редакцияда баяндалсын:

"Толук техникалык күбөлөндүрүү Бажы бирлигинин "Лифттердин коопсуздугу" (ББ ТР 011/2011) техникалык регламентинин талаптарына ылайык жүргүзүлөт.";

- 387-пункттун биринчи абзацы төмөнкүдөй редакцияда баяндалсын:

"387. Лифттерди диспетчердик контролдоо менен жабдуу зарылдыгы эксплуатациялоочу уюм тарабынан аныкталат.".

2. Бул токтом расмий жарыяланган күндөн тартып он беш күн өткөндөн кийин күчүнө кирет.

Кыргыз Республикасынын Министрлер Кабинетинин Төрагасы

А.Жапаров