# Кыргыз Республикасынын Министрлер Кабинетинин 2023-жылдын 22-марты № 156 "Турмуштук оор кырдаалда турган балдар жана үй-бүлөлөр жөнүндө автоматташтырылган маалыматтык системаны түзүү жана пайдалануу жөнүндө жобону бекитүү тууралуу" токтому

- Толук аталышы: Кыргыз Республикасынын Министрлер Кабинетинин 2023-жылдын 22-марты № 156 "Турмуштук оор кырдаалда турган балдар жана үй-бүлөлөр жөнүндө автоматташтырылган маалыматтык системаны түзүү жана пайдалануу жөнүндө жобону бекитүү тууралуу" токтому
- Актынын түрү: Постановление
- Номери: 156
- Кабыл алынган күнү: 22.03.2023
- Статусу: Күчүндө
- Редакциянын күнү: 22.03.2023
- Тексттин тили: кыргыз тили
- aqlex'теги барагы: <https://aqlex.ai/kg/doc/160049>
- Расмий булак: <https://cbd.minjust.gov.kg/7-22107/edition/1239506/ru>
- Башка тилдеги тексти (Markdown): <https://aqlex.ai/doc/160049.md>

> Текст расмий булактын маалыматы боюнча 22.03.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Министрлер Кабинетинин 2023-жылдын 22-марты № 156 "Турмуштук оор кырдаалда турган балдар жана үй-бүлөлөр жөнүндө автоматташтырылган маалыматтык системаны түзүү жана пайдалануу жөнүндө жобону бекитүү тууралуу" токтому (22.03.2023 редакциясы) - https://aqlex.ai/kg/doc/160049

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2023-жылдын 22-марты № 156 Турмуштук оор кырдаалда турган балдар жана үй-бүлөлөр жөнүндө автоматташтырылган маалыматтык системаны түзүү жана пайдалануу жөнүндө жобону бекитүү тууралуу Турмуштук оор кырдаалда турган балдарды аныктоонун жана коштоп жүрүүнүн автоматташтырылган системасын киргизүү максатында, "Электрондук башкаруу жөнүндө" Кыргыз Республикасынын Мыйзамынын 22-беренесине, "Жеке мүнөздөгү маалымат жөнүндө" Кыргыз Республикасынын Мыйзамынын 22-беренесине, Кыргыз Республикасынын Балдар жөнүндө кодексинин 26-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Турмуштук оор кырдаалда турган балдар жана үй-бүлөлөр жөнүндө автоматташтырылган маалыматтык системаны түзүү жана пайдалануу жөнүндө жобо тиркемеге ылайык бекитилсин.

2. Кыргыз Республикасынын Эмгек, социалдык камсыздоо жана миграция министрлиги, Кыргыз Республикасынын министрликтеринин жана административдик ведомстволорунун жетекчилери, жергиликтүү мамлекеттик администрациялар, жергиликтүү өз алдынча башкаруу органдары (макулдашуу боюнча) ушул токтомду ишке ашыруу боюнча тиешелүү чараларды көрсүн.

3. Ушул токтомдон келип чыгуучу чыгымдар ишке тартылган министрликтердин жана ведомстволордун тиешелүү жылга бюджетинин чегинде жүзөгө ашырылсын.

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Министрлер Кабинетинин Төрагасы

А.Жапаров