# Кыргыз Республикасынын Министрлер Кабинетинин 2022-жылдын 30-декабрындагы № 723 "Жаңы синтетикалык баңгизаттардын жана жаңы психоактивдүү заттардын пайда болушу жөнүндө билдирүүнүн улуттук механизмин киргизүү концепциясын бекитүү тууралуу" токтому

- Толук аталышы: Кыргыз Республикасынын Министрлер Кабинетинин 2022-жылдын 30-декабрындагы № 723 "Жаңы синтетикалык баңгизаттардын жана жаңы психоактивдүү заттардын пайда болушу жөнүндө билдирүүнүн улуттук механизмин киргизүү концепциясын бекитүү тууралуу" токтому
- Актынын түрү: Постановление
- Номери: 723
- Кабыл алынган күнү: 30.12.2022
- Статусу: Күчүндө
- Редакциянын күнү: 30.12.2022
- Тексттин тили: кыргыз тили
- aqlex'теги барагы: <https://aqlex.ai/kg/doc/159824>
- Расмий булак: <https://cbd.minjust.gov.kg/7-21946/edition/1207964/ru>
- Башка тилдеги тексти (Markdown): <https://aqlex.ai/doc/159824.md>

> Текст расмий булактын маалыматы боюнча 30.12.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Министрлер Кабинетинин 2022-жылдын 30-декабрындагы № 723 "Жаңы синтетикалык баңгизаттардын жана жаңы психоактивдүү заттардын пайда болушу жөнүндө билдирүүнүн улуттук механизмин киргизүү концепциясын бекитүү тууралуу" токтому (30.12.2022 редакциясы) - https://aqlex.ai/kg/doc/159824

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2022-жылдын 30-декабры № 723 Жаңы синтетикалык баңгизаттардын жана жаңы психоактивдүү заттардын пайда болушу жөнүндө билдирүүнүн улуттук механизмин киргизүү концепциясын бекитүү тууралуу Кыргыз Республикасынын Президентинин 2021-жылдын 12-октябрындагы № 435 Жарлыгы менен бекитилген 2026-жылга чейин Кыргыз Республикасын өнүктүрүүнүн улуттук программасын аткаруу, жаңы синтетикалык баңгизаттардын жана жаңы психоактивдүү заттардын пайда болушу жөнүндө билдирүү механизмин түзүү, ошондой эле алардын жүгүртүлүшүнө талаптагыдай контролду белгилөө максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Жаңы синтетикалык баңгизаттардын жана жаңы психоактивдүү заттардын пайда болушу жөнүндө билдирүүнүн улуттук механизмин киргизүү концепциясы (мындан ары - Концепция) тиркемеге ылайык бекитилсин.

2. Министрликтер, мамлекеттик комитет жана административдик ведомстволор Концепцияны ишке ашыруу боюнча иш-чаралар планынын долбооруна киргизүү үчүн Кыргыз Республикасынын Ички иштер министрлигине бир айлык мөөнөттө сунуштарды киргизсин.

3. Кыргыз Республикасынын Ички иштер министрлиги министрликтердин, мамлекеттик комитеттин жана административдик ведомстволордун сунуштарын жалпыласын жана Концепцияны ишке ашыруу боюнча иш-чаралар планы жөнүндө Кыргыз Республикасынын Министрлер Кабинетинин тескемесинин долбоорун Кыргыз Республикасынын Министрлер Кабинетинин кароосуна белгиленген тартипте киргизсин.

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул токтом расмий жарыяланган күндөн тартып жети күн өткөндөн кийин күчүнө кирет.

Кыргыз Республикасынын Министрлер Кабинетинин Төрагасы

А.Жапаров