Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартиби «Кыргыз Республикасынын Министрлер Кабинетинин 2022-жылдын 22-сентябрындагы № 516 токтомуна»

Тиркеме

(Кыргыз Республикасынын Министрлер Кабинетинин 2022-жылдын 22-сентябрындагы № 516 токтомуна)

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу ТАРТИБИ

1. Жалпы жоболор

1. Ушул Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартиби (мындан ары - Тартип) "1970-жылдын 1-июлундагы, Женева шаары, Эл аралык автомобилдик ташууларды ишке ашыруучу транспорт каражаттарынын экипаждарынын (ЕСТР) ишине тийиштүү Европа макулдашуусуна Кыргыз Республикасынын кошулуусу жөнүндө" Кыргыз Республикасынын Мыйзамын, Бажы бирлигинин "Дөңгөлөктүү транспорт каражаттарынын коопсуздугу жөнүндө" (018/2011 ББТР)" техникалык регламентинин 14-пунктун, "Автомобиль транспорту жөнүндө" Кыргыз Республикасынын Мыйзамынын 7-беренесин ишке ашыруу максатында иштелип чыккан жана жүгүртүлүүгө чыгарылуучу жана жүргүнчүлөрдү, жүктөрдү коммерциялык негизде ташууларды жүзөгө ашыруучулардын эксплуатациялоосунда турган М2, М3, N2 жана N3 категорияларындагы транспорт каражаттарын (мындан ары - транспорт каражаттары) тахографтар менен жабдууга жана тахографтарды пайдаланууга талаптарды, тахографтарды орнотуучу, оңдоочу жана тейлөөчү сервистик борборлорго талаптарды, ошондой эле электрондук (санариптик) тахографтарга карталарды даярдоого жана берүүгө талаптарды белгилейт.

2. Ушул Тартип транспорт каражатынын менчик ээси болуп саналарына же аларды башка мыйзамдуу негизде пайдаланылганына карабастан М2, М3, N2 жана N3 категорияларындагы транспорт каражаттарынын ээлерине (мындан ары - транспорт каражаттарынын ээлери) карата колдонулат.

3. Бул Тартипте төмөнкүдөй негизги түшүнүктөр колдонулат:

1) айдоочу - жалданып иштегенине же иштебегенине карабастан, транспорт каражатын жок дегенде кыска убакыт мезгилинде башкарган же өзүнүн милдеттеринин алкагында транспорт каражатында зарыл болгон учурда аны башкаруу үчүн болгон кандай болбосун адам;

2) электрондук карточканын ээси - ушул Тартипке ылайык электрондук карточкага ээ жеке же юридикалык жак;

3) диаграммалык диск - механикалык тахографка киргизилүүчү жана каттоого тийиш маалыматты үзгүлтүксүз жазууга жана сактоого арналган диск;

4) башка иш - транспорт каражатын башкаруудан тышкары, кандай болбосун эмгек иши, анын ичинен транспорт секторунда же андан тышкары ошол же башка жумуш берүүчүгө иштөө. Бул термин күтүү убактысын жана башкаруу үчүн колдонулбаган убакытты жана жүрүп бара жаткан транспорт каражатында, паромдо же поездде өткөргөн убакытты камтыбайт;

5) Эл аралык автомобилдик ташууларды ишке ашыруучу транспорт каражаттарынын экипаждарынын (ЕСТР) ишине тийиштүү Европа макулдашуусу - бул эл аралык автомобилдик ташууларды аткарууда айдоочулардын иштөө принциптерин, жол кыймылынын коопсуздугун жогорулатуу максатында айдоочулардын эмгектенүүсүн жана эс алуусун уюштуруу эрежелерин белгилеген макулдашуу;

6) ар күндүк эс алуу мезгили - айдоочу өз убактысын ээн-эркин колдонгон жана нормалдуу ар күндүк эс алуу мезгилин жана кыскартылган ар күндүк эс алуу мезгилин камтыган ар күндүк мезгил:

- нормалдуу ар күндүк эс алуу мезгили - узактыгы 11 сааттан кем болбогон кандай болбосун эс алуу мезгили. Альтернативдүү вариант катары нормалдуу ар күндүк эс алуу мезгили эки мезгилге бөлүнүшү мүмкүн, алардын биринчиси узактыгы 3 сааттан кем эмес үзгүлтүксүз эс алуу мезгили жана экинчиси - узактыгы 9 сааттан кем эмес үзгүлтүксүз эс алуу мезгили болушу керек;

- кыскартылган ар күндүк эс алуу мезгили - узактыгы кеминде 9 саат, бирок 11 сааттан кем болбогон кандай болбосун эс алуу мезгили;

7) ар жумалык эс алуу мезгили - айдоочу өз убактысын ээн-эркин колдонгон жана нормалдуу ар жумалык эс алуу мезгилин жана кыскартылган ар жумалык эс алуу мезгилин камтыган ар жумалык мезгил:

- нормалдуу ар жумалык эс алуу мезгили - узактыгы 45 сааттан кем болбогон кандай болбосун эс алуу мезгили;

- кыскартылган ар жумалык эс алуу мезгили - узактыгы 45 сааттан аз болгон, кыскартуу ошол жумадан кийинки үчүнчү жуманын аягына чейин толугу менен колдонулуучу эквиваленттүү эс алуу мезгили менен компенсацияланган шартта минималдуу түрдө 24 саатка чейин кыскарууга мүмкүн болгон кандай болбосун эс алуу мезгили;

8) башкаруунун ар жумалык узактыгы - жума ичиндеги башкаруунун жалпы узактыгы;

9) транспорт каражаттарынын айдоочуларынын эмгектенүү жана эс алуу режимдери жөнүндө маалымат - электрондук (санарип) тахографтын, айдоочунун карточкасынын же диаграммалык дисктин энергияга көз каранды эске тутуусунда карточканын ээси болгон айдоочу, айдоочунун карточкасынын номери, айдоочунун иштеген жана эс алган мезгили, басып өткөн аралыктар, ылдамдыктар жана анын эмгектенүү жана эс алуу режимдери тууралуу катталуучу жана сакталуучу маалымат;

10) айдоочунун карточкасы - айдоочунун өздүгүн идентификациялоо жана айдоочунун транспорт каражатын башкарууда иштеген жана эс алган мезгил аралыктары жөнүндө тиешелүү маалыматтарды сактоо үчүн колдонулуучу карточка;

11) контролдоочу органдын карточкасы - электрондук (санарип) тахограф менен жабдылган транспорт каражаттарын башкарган айдоочулардын эмгек жана эс алуу режимдерин, кыймылдын ылдамдык режимдерин контролдоого мүмкүндүк берген контролдоочу орган жөнүндө маалымат камтылган карточка;

12) ташуучунун карточкасы - менчик укугунда же башка мыйзамдуу негиздерде ташуучуга таандык болгон транспорт каражаттарында колдонулуучу транспорт каражаттарынын айдоочуларынын эмгек жана эс алуу режимдерин талдоо жана контролдоо үчүн колдонулуучу ташуучунун реквизиттери жазылган карточка;

13) сервистик борбордун (устакананын) карточкасы - электрондук (санарип) тахографты ишке багыттоо жана транспорт каражатынын параметрлерин орнотуу үчүн колдонулуучу сервистик борбордун кызматкеринин реквизиттери менен карточка;

14) тахографты жөндөө - тахографтын жана кыймыл датчигинин мүнөздөмөлөрүн (импульстарын) макулдашуу жол-жобосу жана транспорт каражатынын параметрлерин орнотуу, андан кийин тахограф бардык каралган функцияларды аткара алат. Электрондук (санарип) тахографты жөндөө сервистик борбордун карточкасын пайдалануу менен жүргүзүлөт;

15) маалымат алып жүрүүчү - тахографта жайгашкан жана каттала турган маалыматты үзгүлтүксүз жазуу жана сактоо үчүн арналган каражат;

16) тахографты тейлөө - тахографты жөндөө жана оңдоо боюнча иштерди жүргүзүү;

17) эс алуу - айдоочу өзүнүн убактысын эркин колдонушу мүмкүн болгон кайсы болбосун үзгүлтүксүз мезгил аралыгы;

18) ташуучу - менчик укугунда же башка мыйзамдуу негиздерде транспорт каражатына ээ болгон, жүргүнчүлөрдү, багажды, жүктөрдү жана почтаны акыга же жалданып ташуу кызматын көрсөткөн, аларды ташууга белгиленген тартипте берилген тиешелүү уруксаты/лицензиясы бар жеке жана юридикалык жак;

19) маалыматты өткөрүп берүү - электрондук (санарип) тахографтын же айдоочунун карточкасынын эске тутуусунда жайгашкан маалыматтын бир бөлүгүн же бардык маалыматты ташуучунун программалык-техникалык каражатына көчүрүү;

20) тыныгуу - айдоочу транспорт каражатын айдай албаган же ар башка иштерди аткара албаган мезгил аралыгы, ал айдоочунун күчүн калыбына келтирүү үчүн гана колдонулат;

21) башкаруу мезгили - айдоочу эс алуу же тыныгуу мезгилинен кийин транспорт каражатын башкара баштаган учурдан тартып жана кийинки эс алуу же тыныгуу мезгили башталганга чейин транспорт каражатын башкаруунун суммаланган узактыгы. Башкаруу мезгили үзгүлтүксүз болушу же өзүнчө мезгилдерге бөлүнүшү мүмкүн;

22) мезгил-мезгили менен текшерүү - тахографтын туура иштешин, тахографта тип менен белгини расмий бекитүү белгисинин же текшерүү жөнүндө күбөлүктүн болушун, дөңгөлөктөрдүн шиналарынын натыйжалуу тегерегинин иш жүзүндөгү маанисин, маалыматтар менен табличканын жана пломбанын бүтүн болушун текшерүү;

23) өлчөө каражаттарын текшерүү - эксперименттик жол менен аныкталуучу метрологиялык мүнөздөмөлөрдүн негизинде өлчөө каражаттарынын колдонууга жарактуулугун аныктоо жана алардын техникалык регламенттер менен белгиленген же өндүрүүчү заводдун коштоочу документтеринде көрсөтүлгөн милдеттүү талаптарга шайкештигин аныктоо;

24) башкаруу узактыгы - ТКЕМ макулдашуусунда аныкталган шарттарга ылайык автоматтык түрдө же жарым автоматтык түрдө же кол менен катталган, башкаруу үчүн колдонулган убакыт;

25) тахографты оңдоо - тахографтын иштөөгө жарактуулугун же иштөөгө жөндөмдүүлүгүн калыбына келтирүү, анын ресурсун калыбына келтирүү боюнча операциялардын ырааттуулугу;

26) сервистик борбор (устакана) (мындан ары - сервистик борбор) - тахографтарды орнотуу, тейлөө жана оңдоо боюнча иш жүргүзүүчү жеке же юридикалык жак;

27) тахограф - айдоочулардын эмгектенүү жана эс алуу режимдерин каттаган механикалык же электрондук (санарип) контролдоо түзүлүшү;

28) механикалык тахограф - айдоочулардын эмгектенүү жана эс алуу режимдерин, ылдамдыкты, басып өткөн жолду каттаган, маалыматты диаграммалык кагаз дискине жазуу принцибинде иштеген контролдоочу түзүлүш;

29) электрондук (санарип) тахограф - айдоочулардын эмгектенүү жана эс алуу режимдерин каттаган, автомобилдин иштешинин параметрлери жөнүндө маалыматты чип салынган карточканын жардамы менен кодификацияланган санарип форматында алуу принцибин колдонгон контролдоочу түзүлүш;

30) транспорт ишканасы - ташуучу болуп саналган жана жүргүнчүлөрдү, багажды, жүктөрдү жана почтаны ташуу боюнча чарбалык-коммерциялык иш менен, транспорт каражаттарын техникалык тейлөө жана оңдоо иштери менен алектенген, ошондой эле транспорт иши менен байланышкан башка кызматтардын түрүн көрсөткөн жана Кыргыз Республикасынын мыйзамдарына ылайык иштеген юридикалык жак;

31) транспорт каражаттарынын параметрлерин орнотуу - транспорт каражаттарынын параметрлерин жаңылоо же күбөлөндүрүү жол-жобосу. Транспорт каражаттарынын параметрлери өзүнө: транспорт каражатынын коэффициентин (w), туруктуу тахографты (k), дөңгөлөктүн шиналарынын эффективдүү тегерегин (l), шиналардын өлчөмүн, ылдамдыкты чектөөчү жөнүндө маалыматты (эгерде транспорт каражатында орнотулса), дүйнөлүк координацияланган убакытты, одометрдин көрсөткүчүн, транспорт каражатын каттоо белгисин камтыйт;

32) бир нече адамдан турган экипаж - кайсы болбосун катары менен эки ар күндүк эс алуу мезгил аралыгынын ортосундагы же ар күндүк эс алуу мезгили же ар жумалык эс алуу мезгили ортосундагы башкаруунун ар бир мезгилинде транспорт каражатында аны башкаруу үчүн, жок дегенде, эки айдоочу болгон жагдай. Транспорттук каражатты бир нече адамдан турган экипаждын курамында башкаруунун биринчи саатынын аралыгында башка айдоочу же айдоочулар болгондугу туура болот, ал эми калган мезгилде милдеттүү болуп саналат;

33) электрондук (санарип) тахографка электрондук карточка - бул айдоочунун эмгектенүү жана эс алуу режимдери жөнүндө маалыматты, электрондук (санарип) тахограф менен иштөө үчүн зарыл болгон башка маалыматтарды сактоого мүмкүндүк берген интегралдык микросхемасы менен карточка;

34) дөңгөлөктөрдүн шиналарынын натыйжалуу тегереги - автотранспорт каражатынын бир нече алып жүрүүчү дөңгөлөктөрү менен сыноонун жакшы шартында толук бир нече толук айлануусу менен жүргөн аралыктын орточо мааниси.

2. Тахографтар менен жабдыла турган автотранспорт каражаттары

4. М2 жана М3 категорияларындагы жүргүнчүлөрдү коммерциялык негизде ташуучу, N2 жана N3 категорияларындагы жүктөрдү коммерциялык негизде ташуучу жана жүргүнчүлөрдү, багажды жана жүктөрдү эл аралык автомобилдик ташууларды жүзөгө ашыруу учурунда колдонулуучу эксплуатациялоодогу жана жүгүртүүгө чыгарылган автотранспорт каражаттары тахографтар менен жабдылууга тийиш.

Мындай транспорт каражаттарынын конструкцияларында тахографтар менен жабдуу мүмкүнчүлүгү каралууга тийиш (орнотуу, бекитүү, энергия булагына туташуунун штаттык орундары).

5. Бул Тартиптин 4-пунктунда көрсөтүлгөн ташууларды ишке ашырууда төмөнкүдөй транспорт каражаттарын эксплуатациялоого жол берилбейт:

1) тахографы жок;

2) иштеген, бирок өчүрүлгөн тахограф менен;

3) иштебеген тахограф менен;

4) толтурулбаган диаграммалык дисктер менен;

5) мурда колдонулган диаграммалык дисктерди колдонуу менен;

6) электрондук (санарип) тахографтар колдонулган учурда электрондук карточкаларды колдонуусуз;

7) айдоочулардын эмгектенүү жана эс алуу режиминин ар күндүк каттоо баракчаларын жүргүзүүсүз (тахограф бузулган учурда);

8) айдоочулардын эмгектенүү жана эс алуу режимдерин ар күндүк каттоо баракчалары жок болгон учурда (тахограф бузулган учурда).

Ушул Тартиптин 5-пунктунун талаптарын сактабай эл аралык ташууларды жүргүзгөн ташуучулар Кыргыз Республикасынын Укук бузуулар жөнүндө кодексине ылайык жоопкерчилик тартат.

6. ТКЕМ макулдашуусунун катышуучусу болуп саналган мамлекеттин аймагында катталган автотранспорт каражаттары Кыргыз Республикасынын аймагы боюнча эл аралык автомобилдик ташууларды жүзөгө ашырууда, эгерде Кыргыз Республикасынын мыйзамдарына ылайык күчүнө кирген эл аралык келишимдерде, ошондой эле эл аралык укуктун жалпы таанылган принциптеринде жана ченемдеринде башкача белгиленбесе, тахографтар менен жабдылат.

7. ТКЕМ макулдашуусунун катышуучусу болуп саналбаган мамлекеттин аймагында катталган автотранспорт каражаттары Кыргыз Республикасынын аймагы боюнча эл аралык автомобилдик ташууларды аткарууда, ошол автотранспорт каражаттарынын айдоочулары эмгектенүү жана эс алуу режиминин ар күндүк каттоо баракчаларын жүргүзүп турат.

8. Кыргыз Республикасындагы автотранспорт каражаттарында колдонулуучу тахографтар ТКЕМ макулдашуусуна жана ченөө бирдигин камсыз кылуу чөйрөсүндө Кыргыз Республикасынын мыйзамдарынын талаптарына ылайык келүүгө жана текшерүү энтамгасынын оттискине же текшерүү жөнүндө күбөлүккө (эгерде тахографта текшерүү энтамгасынын оттискин коюуга мүмкүнчүлүк болбосо) ээ болууга тийиш.

9. Тахографтар төмөнкүлөрдө колдонулат:

1) айдоочулар тарабынан - эмгектенүү жана эс алуу режимдерин каттоо жана эсепке алуу максатында;

2) транспорт ишканалары тарабынан - айдоочунун эмгектенүү жана эс алуу режимдерин сактоону контролдоо максатында;

3) контролдоочу орган тарабынан - айдоочулардын эмгектенүү жана эс алуу режимдерин сактоону контролдоо максатында.

10. Транспорт каражатында бир тахограф орнотулат, ишке киргизилет жана колдонулат.

11. Тахографта айдоочунун, сервистик борбордун, ташуучунун жана контролдоочу органдын карточкалары колдонулат.

12. Айдоочуга айдоочунун бир карточкасы берилет.

3. Тахограф менен жабдуу жана аны колдонуу боюнча талаптар

13. Тахограф автотранспорт каражатында айдоочу отурган жерден спидометрдин, басып өткөн аралыкты жана саатты эсептегичтин көрсөткүчтөрүн байкай ала турган жерге орнотулат.

14. Орнотулган соң тахограф текшерүүдөн өткөндөн кийин (мезгил-мезгили менен текшерүү) автотранспорт каражатында түзүлүштүн жанына же түзүлүштүн өзүндө, көрүнүктүү жерде анын орнотулушу жөнүндө маалыматтар менен таблица бекитилет. Орнотуу жөнүндө маалыматтарды өзгөртүү талап кылынган учурда мурдагы таблицанын ордуна жаңы таблица орнотулат.

15. Транспорт каражаттарында орнотулган тахографтарды мезгил-мезгили менен текшерүү кеминде эки жылда бир жолу жүргүзүлүп, транспорт каражаттарын жолдордо эксплуатациялоого жарактуулугун сыноо менен бир мезгилде жүргүзүлүшү мүмкүн жана төмөнкү текшерүүлөрдү камтыйт:

1) тахографтын туура иштешин;

2) тахографта типти расмий бекитүү белгисинин болушун;

3) текшерүү жөнүндө белгинин же текшерүү жөнүндө күбөлүктүн болушун;

4) дөңгөлөктөрдүн шиналарынын натыйжалуу тегерегинин иш жүзүндөгү маанисин;

5) тахографтагы пломбалардын бүтүндүгүн.

16. Тахографтарды текшерүү ТКЕМ макулдашуусунун талаптарына ылайык белгиленген текшерүүлөр аралык мезгилге жараша жүргүзүлүүгө тийиш.

17. Тахографтарды текшерүүнү метрология боюнча улуттук орган же ушул ишмердүүлүктүн түрүнө белгиленген тартипте ыйгарым укук берилген юридикалык жак жүргүзөт.

18. Тахографтарды текшерүүнүн оң натыйжалары өлчөө бирдиги чөйрөсүндөгү Кыргыз Республикасынын мыйзамдарына ылайык энтамгасынын оттиски же текшерүү жөнүндө күбөлүк менен ырасталат.

Тахографты текшерүү жөнүндө күбөлүк бир жылдан кем эмес сакталат жана автомобилдик транспорт чөйрөсүндөгү ыйгарым укуктуу мамлекеттик органдын талабы боюнча берилет.

19. Тахографты орнотуу, оңдоо жана тейлөө боюнча иштерди жүргүзүүнүн алдында төмөнкүлөрдү аткаруу зарыл:

1) тахографтын маркасынын жана комплектинин эксплуатациялык документтеринин талаптарына шайкеш келишин текшерүү;

2) тахографта типти расмий бекитүү белгисинин болушун текшерүү;

3) көрсөтмөлөрдү алууга кыйынчылык келтирүүчү тахографтын жабыркашынын жоктугун, тахографтын алдыңкы панелинин баскычтарын басып күйгүзүү/өчүрүү мүмкүнчүлүгүн, термопринтердин ачылуу жана жабылуу мүмкүнчүлүгүн, кыймылдын (импульстун) датчигин туташуу түзүлүшүнүн бүтүндүгүн, сервистик борбордун карточкасынын так орнотулганын жана фиксацияланышын текшерүү;

4) тахографты орнотуу жана тейлөө жөнүндө маалыматтар жазылган таблицанын болушун текшерүү, ошондой эле таблицада чагылдырылган маалымат менен тахографтын энергияга көз каранды эс тутумунда камтылган маалымат менен салыштыруу;

5) тахографка мурда коюлган пломбалардын жана кыймылдын (импульстун) датчигинин абалын карап чыгуу.

20. Пломбалар бузулган, жасалмаланган же таблицада чагылдырылган транспорт каражатынын параметрлери жөнүндө маалыматтын тахографтагы маалымат менен дал келбеген фактылар аныкталган учурда, сервистик борбордун кызматкери тахографтар менен иштөөнү эсепке алуу журналына ушул Тартиптин 1-тиркемесине ылайык форма боюнча тиешелүү жазууну калтырат жана бул тууралуу сервистик борбордун жетекчисине маалымдайт. Журнал номерленген, боолонгон болот жана сервистик борбордун мөөрү (штампы) басылышы керек.

21. Арткы мостунун эки же андан ашык өткөрүп берип туруучу сандары менен транспорт каражаты которуп туруучу түзүлүш менен жабдылат, ал аталган өткөрүп берип туруучу сандарды транспорт каражатына орнотулуучу электрондук тахографтын өткөрүп берип туруучу санына автоматтык түрдө туура келтирет.

22. Тахографты жөндөө ал орнотулгандан кийин жүргүзүлөт.

23. Транспорт каражатынын параметрлерин орнотуу төмөнкү учурларда ишке ашырылат:

1) транспорт каражатына тахографты орнотуу учурунда;

2) эгерде электрондук (санарип) тахографтын дүйнөлүк координацияланган убактысынын катасы 20 мүнөттөн ашык убакытты түзсө;

3) транспорт каражатынын каттоо белгисин алмаштырган учурда;

4) мезгил-мезгили менен жүргүзүлгөн текшерүү учурунда.

24. Транспорт каражатынын параметрлерин орнотууда параметрлерди өлчөөнүн калпыстыгы электрондук (санариптик) тахографтарды даярдоочу заводдордун техникалык документтерин текшерүүнүн бекитилген методикаларынын талаптарына ылайык аныкталат.

25. Транспорт каражатынын параметрлери орнотулгандан кийин транспорт каражатынын кабинасына электрондук (санариптик) тахографтын жанына көрүнүктүү жерге же электрондук (санариптик) тахографтын өзүндө төмөнкүдөй маалыматтар чагылдырылган табличка орнотулат:

1) сервистик борбордун аталышы жана жайгашкан жери;

2) транспорт каражатынын коэффициенти жөнүндө маалыматтар төмөнкүдөй форма боюнча: "w = ... об/км" же "w = ... имп/км";

3) дөңгөлөктөрдүн шиналарынын натыйжалуу айланасы жөнүндө маалыматтар төмөнкүдөй форма боюнча: "1 = ... мм";

4) туруктуу электрондук (санариптик) тахографтар жөнүндө маалыматтар төмөнкүдөй форма боюнча: "k = ... об/км" же "к - ...имп/км";

5) транспорт каражатынын коэффициентин аныктоо жана дөңгөлөктөрдүн шиналарынын натыйжалуу айланасын өлчөө датасы;

6) транспорт каражатынын шассисинин номери;

7) электрондук (санариптик) тахографтын номери.

26. Табличка металлдан, полимер материалдарынан же кагаздан жасалат. Табличканы бекитүү үчүн ажырагыс бириктирүүчү колдонулат. Табличкага маалыматтарды киргизүү ыкмасы транспорт каражатынын параметрлерин кийинки жолу орноткон учурга чейин маалыматтын так берилишине жана сакталышына таасирин тийгизбейт. Маалыматтар типографиялык шрифт менен атайын жабдууда (принтерде) түшүрүлөт.

27. Электрондук (санариптик) тахографтарды орноткондо же алмаштырганда электрондук (санариптик) тахографка сервистик борбордун кызматкери тарабынан киргизилген транспорт каражатына орнотулган параметрлер даярдоочу заводдордун документтерине ылайык максималдуу жол берилген четтөөлөр боюнча талаптарга ылайык келүүгө тийиш.

28. Электрондук (санариптик) тахографтын энергияга көз каранды эске тутуусуна сервистик борбордун кызматкери тарабынан киргизилген жана сервистик борбордун карточкасы менен катталган транспорт каражатына орнотулуучу параметрлер сервистик борбордун карточкасында сакталуучу маалыматтарды санкцияланбаган кайра көчүрүүдөн жана өчүрүүдөн коргоо максатында дайыма компьютерге жүктөлүп турат.

29. Электрондук (санариптик) тахографтар ишке багытталгандан кийин жана электрондук (санариптик) тахографтын транспорт каражатынын параметрлери киргизилгенден кийин электрондук (санариптик) тахограф текшерилүүгө тийиш.

30. Пломбалар төмөнкүдөй элементтерге коюлат (эгерде транспорт каражатынын конструкциясында каралса):

1) орнотуу жөнүндө маалыматтар бар таблицага, буга табличкада көрсөтүлгөн маркировканы бузуусуз (жок кылуусуз) алууга болбой тургандай орнотулган учурлар кирбейт;

2) электрондук (санариптик) тахограф менен транспорт каражатынын ортосун бириктирүүчү түйүндөргө;

3) алдыңкы огунун эки же андан көп өткөрүүчү саны бар транспорт каражаттары үчүн кайра кошуучу механизмге;

4) кайра кошуучу механизмди электрондук (санариптик) тахографтын калган бөлүгү менен бириктирүүчү жерлерге;

5) электрондук (санариптик) тахографтын жана кыймылды (импульстарды) бергич түзүлүштүн корпусуна;

6) башка элементтерге, эгерде электрондук (санариптик) тахографты даярдоочу завод пломбаларды коюуну караштырса.

31. Тахографтарды орнотуу, тейлөө жана оңдоо боюнча ишти жүзөгө ашыруу же токтотуу үчүн уруксат алуу жөнүндө арыз берген жеке жана юридикалык жактардын реестрине киргизилген ар бир сервистик борборго белги ыйгарылат. Белгинин формасына, мазмунуна жана оттискке карата талаптар ушул Тартиптин 2-тиркемесинде келтирилген.

32. Сервистик борбордун белгисинин (клеймо) номери ушул Тартиптин 31-пунктунда көрсөтүлгөн тахографтарды орнотуу, тейлөө жана оңдоо боюнча ишти жүзөгө ашыруу же токтотуу үчүн уруксат берүү жөнүндө арыз берген жеке жана юридикалык жактардын реестрине киргизилишине жараша ырааттуу түрдө көбөйтүлөт.

33. Жеке жана юридикалык жактын арызы, алардын ишин токтотуу жөнүндө соттун чечими боюнча реестрден чыгарууда сервистик борбордун белгисинин (клеймо) номери кеминде эки жылдык мөөнөткө резервге алынат.

34. Реестрден чыгарылган сервистик борбордун штампы менен клеймосу автомобилдик транспорт чөйрөсүндөгү ыйгарым укуктуу мамлекеттик органдын аймактык түзүмдүк бөлүмүнүн кызмат адамынын катышуусунда жок кылынууга тийиш жана жок кылуу тууралуу тийиштүү акт түзүлөт.

35. Сервистик борбордун белгисинин (клеймо) резервге алынган оттиск номери ушул Тартиптин 36-пунктуна ылайык эки жылдык мөөнөт аяктагандан кийин башка сервистик борборго ыйгарылат.

36. Кыргыз Республикасынын аймагында жайгашкан сервистик борбордун белгиси (клеймо) өлкөнүн эл аралык аббревиатурасына жана тейлөө борборунун KG 000 түрүндөгү номерине ээ.

37. Автомобилдик транспорт чөйрөсүндөгү ыйгарым укуктуу мамлекеттик орган сервистик борбордун белгисинин (клеймо) оттиски жөнүндө Транспорт боюнча Европа комиссиясына жана ЕСТР макулдашуусуна мүчө мамлекеттердин компетенттүү органдарына маалымдайт.

38. Мур да башка транспорт каражатында орнотулган электрондук (санариптик) тахографты орнотуунун алдында сервистик борбор электрондук (санариптик) тахографтан маалыматты сервистик борбордун программалык-техникалык каражаттарына же алмаштыруучу маалымат алып жүрүүчүлөргө которот.

39. Электрондук (санариптик) тахографтан маалымат электрондук (санариптик) тахографтан моделине көз карандысыз которулат.

40. Электрондук (санариптик) тахографтан сервистик борбордун программалык-техникалык каражатына которулган маалымат жазуу жүзүндөгү арыз боюнча транспорт каражатынын ээсине же анын жазуу жүзүндөгү макулдугу менен үчүнчү жакка берилет.

41. Электрондук (санариптик) тахографтан маалыматты которуу мүмкүн болбогон учурда транспорт каражатынын ээсине маалыматты которуу мүмкүн эместиги жөнүндө документ эркин формада берилет. Бул документ сервистик борбордун жетекчисинин кол тамгасы жана мөөрү менен күбөлөндүрүлөт.

42. Эгерде маалымат жарым-жартылай которулган болсо, анда аталган документте электрондук (санариптик) тахографтын энергияга көз каранды эмес эске тутуусунан окулбай турган маалымат гана чагылдырылат.

43. Тахографты орнотуу оңдоо жана тейлөө боюнча жүргүзүлгөн бардык иштер ушул Тартиптин 1-тиркемесине ылайык форма боюнча тахографтар менен ишти эсепке алуу журналында белгиленет.

44. Тахографты иштетүү ЕСТР макулдашуусуна, ушул Тартипке жана даярдаган завод тарабынан аныкталган эксплуатациялоо нускамасына ылайык жүргүзүлөт.

4. Тахографтар

45. Автотранспорт каражаттарына сервистик борбор тарабынан орнотулуучу тахографтар төмөнкүдөй талаптарга туура келет:

1) автотранспорт каражаттарына орнотулуучу тахографтардын тиби жана маркасы Өлчөө каражаттарынын жана стандарттуу үлгүлөрдүн мамлекеттик реестрине киргизилет;

2) толуктугу түгөлдөнгөн, текшерилген, оңдолгон жана колдонууга жарактуу.

46. Тахографтарды орнотуу, тейлөө жана оңдоо даярдоочу заводдун техникалык документтерине жана ушул Тартипке ылайык жүзөгө ашырылат.

47. Транспорт каражаттарынын айдоочуларынын эмгек жана эс алуу режимдери жөнүндө маалыматтардын сакталышы аларды электрондук (санариптик) тахографтан же айдоочунун карточкасынан ташуучунун жана/же транспорт ишканасынын программалык-техникалык каражаттарына которуу жолу менен жүзөгө ашырылат.

48. Маалыматты сактоо үчүн ташуучу колдонгон программалык-техникалык каражаттар:

1) маалыматты санкциясыз пайдаланууга жол бербейт;

2) маалыматтын өзгөрүлбөшүн жана сакталышын камсыз кылат;

3) маалыматты алмашылуучу алып жүрүүчүлөргө резервдик көчүрүү үчүн түзүлүш менен жабдылат;

4) катталган маалыматты которуу үчүн электрондук (санариптик) тахографка же айдоочунун карточкасына туташууну камсыз кылат.

49. Ташуучу жана/же транспорт ишканасы транспорт каражаттарынын айдоочуларынын эмгек жана эс алуу режимдери жөнүндө маалыматты ташуучунун жана/же транспорт ишканасынын программалык-техникалык каражаттарына которот.

50. Айдоочунун карточкасынан же электрондук (санариптик) тахографтан транспорт каражаттарынын айдоочуларынын эмгек жана эс алуу режимдери жөнүндө маалыматтарды которуу ташуучунун жана/же транспорт ишканасынын программалык-техникалык каражаттарына төмөнкүдөй жүзөгө ашырылат:

1) мезгил-мезгили менен, транспорт каражатынын айдоочусу ар бир жол баракчасын тапшырган учурда, бирок жыйырма сегиз календардык күндө бир жолудан кем эмес айдоочунун карточкасынан жана токсон календардык күндө бир жолудан кем эмес электрондук (санариптик) тахографтан;

2) транспорт каражатынан ажыроонун алдында;

3) транспорт каражатын ижарага (лизинг) берүүнүн алдында;

4) транспорт каражатын эксплуатациялоодон чыгаруунун алдында;

5) транспорт каражатынын айдоочусунун эмгектик иши токтотулган учурда, бирок бул ташуучунун иштеген акыркы күнүнөн кеч эмес.

51. Электрондук (санариптик) тахографтан маалыматты ташуучунун жана/же транспорт ишканасынын программалык-техникалык каражаттарына которуу мүмкүн болбогон учурда ташуучу жана/же транспорт ишканасы маалыматты которуу мүмкүн болбой жаткандыгы жөнүндө маалымкат алуу үчүн сервистик борборго кайрылат.

52. Транспорт каражаттарынын айдоочуларынын иштөө режимдерин контролдоо транспорт каражаттарынын айдоочуларынын эмгек жана эс алуу режимдери жөнүндө маалыматтар программалык-техникалык каражаттарга которулган күнү жүзөгө ашырылат.

53. Транспорт каражаттарынын айдоочуларынын эмгек жана эс алуу режимдери жөнүндө маалыматтарды резервдик көчүрүү алмашылуучу алып жүрүүчүлөргө айына эки жолудан кем эмес жүзөгө ашырылат.

54. Ташуучу жана/же транспорт ишканасы транспорт каражаттарынын айдоочуларынын эмгек жана эс алуу режимдери жөнүндө маалыматтарды программалык-техникалык каражаттарда сактайт.

55. Транспорт каражаттарынын айдоочуларынын эмгек жана эс алуу режимдери жөнүндө маалыматтар ташуучуда жана/же транспорт ишканасында үч жылдан кем эмес мөөнөткө сакталат.

56. Диаграммалык дисктер ушул Тартиптин 3-тиркемесине ылайык тахографты туура колдонууга тоскоолдук кылбашы керек, диаграммалык дисктердеги жазылгандар өчүрүлбөй тургандай жана оңой окула тургандай болуш керек.

57. Диаграммалык дисктердин өлчөмү жана жазуулары бир жылдан кем эмес убакытта нымдуу менен температура шарттарында сакталат.

58. Иш күнүнүн башында, суткалык иш аяктагандан кийин, ошондой эле автотранспорт каражатын алмаштырган учурда, бир жумуш күндүн ичинде ар бир айдоочу ушул Тартиптин 4-тиркемесине ылайык диаграммалык дискти толтуруу тартиби боюнча тиешелүү жазууларды диаграммалык дискке киргизүүгө тийиш. Диск үчкө чейин транспорт каражатын алмаштырууда айдоочулардын эмгек жана эс алуу режими жөнүндө маалыматтарды жазат.

59. Диаграммалык дисктердеги жазуулардын мүмкүн болгон минималдуу узактыгы алардын формасына карабастан 24 саатты түзөт.

5. Электрондук (санариптик) тахографтарга электрондук карточкаларды даярдоо жана берүү боюнча талаптар

60. Электрондук (санариптик) тахографтарга карточкаларды даярдоочу (мындан ары - карточкаларды даярдоочу) - электрондук (санариптик) тахографтарга карточкаларды даярдоо жана берүү боюнча ишти жүзөгө ашырган жана транспорт жана автомобилдик транспорт чөйрөсүндөгү ыйгарым укуктуу мамлекеттик органга транспорт жана коммуникациялар чөйрөсүндөгү ыйгарым укуктуу мамлекеттик орган тарабынан бекитилген форма боюнча билдирүү берген жеке жана юридикалык жак.

61. Электрондук (санариптик) тахографтарга карточкаларды даярдоо жана берүү боюнча ишти жүзөгө ашырып баштоо жөнүндө билдирүүнү берген жеке жана юридикалык жактардын реестрин (мындан ары - карточкаларды даярдоочулардын реестри) автомобилдик транспорт чөйрөсүндөгү ыйгарым укуктуу мамлекеттик орган жүргүзөт.

62. Карточкаларды даярдоочулардын реестринен чыгаруу жеке ишкердин же юридикалык жактын ишине же иштин айрым түрлөрүнө тыюу салуу жөнүндө субъектинин арызы, соттун чечими боюнча жүзөгө ашырылат.

63. Карточкаларды даярдоочу электрондук (санариптик) тахографтарга карточкаларды даярдоо жана берүү боюнча ишти баштоо жөнүндө билдирүү берген учурда электрондук (санариптик) тахографтарга карточкалардын үлгүлөрүн жана функционалдуулук, коопсуздук жана бири-бирин алмаштыруу сертификаттарын сунуштайт.

64. Карточкаларды даярдоочу:

1) электрондук (санариптик) тахографтарга берилген колдонуудагы, жоголгон жана алмаштырылган электрондук карточкалар жөнүндө маалыматтарды жазат;

2) электрондук (санариптик) тахографтарга карточканын PIN-кодун башка адамдарга жайылтпайт;

3) электрондук (санариптик) тахографтарга карточканын башка адамдар тарабынан колдонуу ыктымалдыгы тууралуу автомобилдик транспорт чөйрөсүндөгү ыйгарым укуктуу мамлекеттик органга маалымдайт;

4) электрондук (санариптик) тахографтарга карточкаларды даярдоо жана берүү боюнча аткарылган жумуштар тууралуу маалыматтарды каттоо жана эсепке алуу журналын жүргүзөт.

65. Карточкаларды даярдоочу программалык-техникалык каражаттардын автомобилдик транспорт чөйрөсүндөгү ыйгарым укуктуу мамлекеттик органдын электрондук (санариптик) тахографтар боюнча маалыматтар базасына кошулуусун камсыздайт.

66. Электрондук (санариптик) тахографтарга карточкалар функциялык мүмкүнчүлүктөрү боюнча төмөнкүдөй түрлөргө бөлүнөт:

1) айдоочунун карточкасы;

2) ташуучунун карточкасы;

3) сервистик борбордун карточкасы;

4) контролдоо карточкасы.

67. Электрондук (санариптик) тахографтарга карточкалардын өңдөрү түрүнө жараша төмөнкүдөй түстөргө ээ:

1) айдоочунун карточкасы - ак түс;

2) ташуучунун карточкасы - сары түс;

3) контролдоо карточкасы - көк түс;

4) сервистик борбордун карточкасы - кызыл түс.

68. Бардык түрдөгү электрондук (санариптик) тахографтарга карточкалардын бланкы төмөнкүлөрдү камтыйт:

1) алдыңкы бетинде:

- карточканын түрүнүн аталышын жана "Кыргыз Республикасы" деген жазууну;

- "Түндүк" символунун сүрөтүн;

- электрондук карточканын кармоочусунун сүрөтүн жана кол тамгасын чагылдыруу үчүн орун (айдоочунун карточкасы үчүн);

- электрондук карточканын кармоочусунун сүрөтүн жана кол тамгасын чагылдыруу үчүн орун (контролдоочу органдын кызматкеринин электрондук карточкасы үчүн);

- фондун гильоширдик сүрөтү;

- сары-жашыл түстүү жылтырак (нурлануучу боек) менен сүйрү чийме жана сүйрү чийменин ичинде жайгашкан "KG" белгиси;

2) айдоочунун карточкасынын арткы бетинде:

- айдоочунун карточкасында чагылдыруу үчүн ушул Тартиптин 5-тиркемесине ылайык тексттик маалымат;

- фондун гильоширдик сүрөтү;

- ЕСТР макулдашуусунун талаптарына ылайык расмий бекитилген белги;

- "Сураныч кайтарып бериңиз" деген жазуу, электрондук (санариптик) тахографка карточканы берген уюмдун аталышы, жайгашкан жери;

- карточканын бланкын даярдоочунун аталышы жана карточканын бланкынын номери;

3) ташуучунун карточкасынын арткы бетинде:

- автомобиль менен ташуучунун карточкасында чагылдыруу үчүн ушул Тартиптин 6-тиркемесине ылайык тексттик маалымат;

- фондун гильоширдик сүрөтү;

- ЕСТР макулдашуусунун талаптарына ылайык расмий бекитүү белгиси;

- "Сураныч кайтарып бериңиз" деген жазуу, карточканы берген уюмдун аталышы, жайгашкан жери;

4) контролдоо карточкасынын арткы бети төмөнкүлөрдү камтыйт:

- контролдоо карточкада чагылдыруу үчүн ушул Тартиптин 7-тиркемесине ылайык тексттик маалымат;

- фондун гильоширдик сүрөтү;

- ЕСТР макулдашуусунун талаптарына ылайык расмий бекитүү белгиси;

- "Сураныч кайтарып бериңиз" деген жазуу, карточканы берген уюмдун аталышы, жайгашкан жери.

5) тейлөө борборунун карточкасынын арткы бетинде:

- сервистик борбордун карточкасында чагылдыруу үчүн ушул Тартиптин 8-тиркемесине ылайык тексттик маалымат;

- фондун улуттук көркөм колоритинин сүрөтү;

- ЕСТР макулдашуусунун талаптарына ылайык расмий бекитүү белгиси;

- "Сураныч кайтарып бериңиз" деген жазуу, карточканы берген уюмдун аталышы, жайгашкан жери;

69. Айдоочунун карточкасынын алдыңкы бетинде айдоочунун карточкасында чагылдыруу үчүн ушул Тартиптин 5-тиркемесине ылайык маалыматтар толтурулат.

70. Айдоочунун карточкасынын алдыңкы бетине карточка ээсинин сүрөтү менен кол тамгасы түшүрүлөт. Сүрөт карточканын улуттук көркөм колоритинин фонунда жайгаштырылат.

71. Ташуучунун карточкасынын алдыңкы бетинде автомобиль менен ташуучунун карточкасында чагылдыруу үчүн ушул Тартиптин 6-тиркемесине ылайык маалыматтар толтурулат.

72. Контролдоо карточкасынын алдыңкы бетинде контролдоо карточкасында чагылдыруу үчүн ушул Тартиптин 7-тиркемесине ылайык маалыматтар толтурулат.

73. Сервистик борбордун карточкасынын алдыңкы бетинде сервистик борбордун карточкасында чагылдыруу үчүн ушул Тартиптин 8-тиркемесине ылайык маалыматтар толтурулат.

74. Контролдоо карточкасынын алдыңкы бетине карточка ээсинин сүрөтү менен кол тамгасы түшүрүлөт. Сүрөт карточканын улуттук көркөм колоритинин фонунда жайгаштырылат.

75. Арыз ээсине карточка алгачкы жолу берилген учурда карточканын номери катар индексине (колдонулган учурда), алмаштыруу индексине жана "0" деп белгиленген жаңыртуу индексине ээ болот.

76. Карточкаларды бир контролдоочу органга, бир сервистик борборго же бир ташуучуга берген учурда карточкалардын номерлеринин биринчи 13 цифралары бирдей, бирок катар индекси башка болот.

77. Колдогу карточканы алмаштыруу тартибинде берилген карточкага 1ге жогорулаган (0, ... 9, А, ... Z тартибинде) алмаштыруу индексинен тышкары ошол эле алмаштырылган карточканын номери коюлат.

78. Колдогу карточканы алмаштыруу тартибинде берилген карточкага ошол эле алмаштырылган карточканын колдонуу мөөнөтү аяктаган дата коюлат.

79. Колдогу карточканы жаңыртуу тартибинде берилген карточкага "0" деп белгиленген алмаштыруу индексинен жана 1ге жогорулаган (0, ... 9, А, ... Z тартибинде) алмаштыруу индексинен тышкары ошол эле жаңыртылган карточканын номери коюлат.

80. Карточканын колдонуу мөөнөтүн өзгөртүү максатында колдогу карточканы алмаштыруу ошол эле ЕСТР макулдашуусунун мүчө мамлекетинде жүргүзүлөт же эгерде ал ЕСТР макулдашуусунун башка мүчө мамлекетинде жүргүзүлсө, карточкаларды биринчи берүү эрежелерине ылайык жүзөгө ашырылат.

81. Сервистик борбордун карточкасы же "card holder surname" (карточка ээсинин фамилиясы) позициясында контролдоо карточкасы берилген учурда сервистик борбордун же контролдоочу органдын аталышы жазылат.

82. Карточкалар төмөнкү учурларда берилет:

1) алгачкы жолу берүүдө - белгилүү мөөнөткө;

2) мурдагы карточканын колдонуу мөөнөтү аяктагандан кийин;

3) мурдагы карточканы алуу да карточкаларды даярдоочуга берилген маалыматтар өзгөргөн учурда;

4) эгерде сервистик борбордун карточкасынын PIN-коду жоголгон же башкаларга белгилүү болгон учурда;

5) эгерде карточка жоголсо, уурдалса же бузулса.

83. Айдоочунун карточкасы Кыргыз Республикасынын жараны болуп саналган транспорт каражаттарын башкарган жеке адамдарга, Кыргыз Республикасынын аймагында календардык жылдын ичинде 185 календардык күндөн кем эмес жашаган чет өлкөлүк жарандарга же жарандыгы жок адамдарга берилет.

84. Транспорт каражатын башкарган жеке адам айдоочунун колдонуудагы бир гана карточкасына ээ боло алат.

85. Айдоочунун карточкасы беш жылдык мөөнөткө берилет.

86. Айдоочунун карточкасын берүү үчүн карточканы даярдоочуга төмөнкүдөй документтер берилет:

1) айдоочунун карточкасын берүүгө ушул Тартиптин 9-тиркемесине ылайык форма боюнча арыз;

2) паспорт же өздүгүн күбөлөндүрүүчү башка документ;

3) айдоочулук күбөлүктүн көчүрмөсү;

4) карточка жоголгон (уурдалган) учурда - жоготуу (уурдатуу) фактысын ырастаган документтер менен чогуу карточканы жоготуу (уурдатуу) же бузуу жагдайын көрсөтүү менен эркин формадагы арыз;

5) карточканы даярдоо үчүн зарыл болгон, ушул Тартиптин 10-тиркемесине ылайык талаптарга ылайык сүрөт;

6) акы төлөнгөндүгүн ырастоочу документ.

87. Ташуучунун карточкасы Кыргыз Республикасында катталган жана электрондук (санариптик) тахографтар менен жабдылган транспорт каражатын колдонгон ташуучуга берилет.

88. Ташуучунун карточкасы беш жылдык мөөнөткө берилет.

89. Ташуучунун карточкасын берүү үчүн карточкаларды даярдоочуга төмөнкүдөй документтер берилет:

1) автомобиль менен ташуучунун карточкасын даярдоого ушул Тартиптин 11-тиркемесине ылайык форма боюнча арыз;

2) карточка жоголгон (уурдалган) учурда - жоготуу (уурдатуу) фактысын ырастаган документтер менен чогуу карточканы жоготуу (уурдатуу) же бузуу жагдайын көрсөтүү менен эркин формадагы арыз;

3) юридикалык жакты же жеке ишкердин мамлекеттик каттоо (кайра каттоо) жөнүндө күбөлүктүн нотариалдык күбөлөндүрүлгөн көчүрмөсү;

4) жетекчинин же ыйгарым укуктуу адамдын өздүгүн күбөлөндүргөн документтин көчүрмөсү;

5) акы төлөнгөндүгүн ырастоочу документ.

90. Сервистик борбордун карточкасы тахографтарды орнотуу, тейлөө жана оңдоо боюнча сервистик борборлордо иштеген жана ушул Тартиптин 91-пунктуна ылайык аларга коюлуучу талаптарды канааттандырган жеке адамдарга берилет.

91. Сервистик борбордун карточкасын берүү үчүн карточкаларды даярдоочуга төмөнкүдөй документтер берилет:

1) сервистик борбордун карточкасын даярдоого ушул Тартиптин 12-тиркемесине ылайык форма боюнча арыз;

2) карточка таризделүүчү сервистик борбордун кызматкеринин өздүгүн күбөлөндүргөн документтин түп нускасы (арыз ээсине кайтарылып берилет) жана көчүрмөсү;

3) юридикалык жакты же жеке ишкердин мамлекеттик каттоо (кайра каттоо) жөнүндө маалымкаттын же күбөлүктүн нотариалдык күбөлөндүрүлгөн көчүрмөсү;

4) карточка жоголгон (уурдалган) учурда - жоготуу (уурдатуу) фактысын ырастаган документтер менен чогуу карточканы жоготуу (уурдатуу) же бузуу жагдайын көрсөтүү менен эркин формадагы арыз;

5) сервистик борбордун кызматкеринин эмгек китепчесинин көчүрмөсү же болбосо кызмат көрсөтүү борборунун карточкасы берилип жаткан кызматкер менен сервистик борбордун ортосундагы эмгек мамилелерин ырастаган, арыз ээсинин колу жана мөөрү менен күбөлөндүрүлгөн башка документтин көчүрмөсү;

6) чет өлкөлүк жарандар жана жарандыгы жок адамдар үчүн - Кыргыз Республикасында убактылуу жашоого уруксаттын же Кыргыз Республикасында жашап турууга уруксаттын нотариалдык күбөлөндүрүлгөн көчүрмөсү;

7) сервистик борбордун кызматкерине электрондук (санариптик) тахографтарды даярдоочу жана ал ыйгарым укук берген уюм тарабынан сервистик борбордун кызматкерлеринин тахографтарды орнотуу, оңдоо жана тейлөө боюнча окуудан өткөндүгүн ырастаган документтин (сертификаттын) нотариалдык күбөлөндүрүлгөн көчүрмөсү.

92. Сервистик борбордун карточкасы бир жылдык мөөнөткө берилет.

93. Контролдоо карточкасы автомобилдик транспорт чөйрөсүндөгү ыйгарым укуктуу мамлекеттик органдын кызматкерлерине берилет.

94. Автомобилдик транспорт чөйрөсүндөгү ыйгарым укуктуу мамлекеттик органдын инспектору колдонуудагы бир гана контролдоо карточкасына ээ боло алат.

95. Контролдоо карточкалары эки жылдык мөөнөткө берилет.

96. Контролдоо карточкасын берүү үчүн карточкаларды даярдоочуга төмөнкүдөй документтер берилет:

1) Контролдоо карточкасын даярдоого ушул Тартиптин 13-тиркемесине ылайык форма боюнча арыз;

2) карточка таризделүүчү кызматкердин паспортунун же өздүгүн күбөлөндүргөн башка документинин көчүрмөсү;

3) карточка жоголгон (уурдалган) учурда - жоготуу (уурдатуу) фактысын ырастаган документтер менен чогуу карточканы жоготуу (уурдатуу) же бузуу жагдайын көрсөтүү менен эркин формадагы арыз;

4) мамлекеттик органдын кызматкерине карточка берүүгө сунуш;

5) ушул Тартиптин 10-тиркемесине ылайык карточканы даярдоо үчүн зарыл болгон талаптарга жооп берген сүрөт.

97. Карточкаларды даярдоочу тиешелүү документтерди бергенден кийин он беш жумуш күндөн кечиктирбестен айдоочунун, ташуучунун, сервистик борбордун карточкасын же контролдоо карточкаларын берет же аларды берүүдөн жүйөлүү баш тартат.

98. Карточканы берүүгө арыз берилген документтерде көрсөтүлгөн маалыматтарга ылайык толтурулат.

99. Арыз баш басма тамгалары жана араб цифралары, сыя калем сабы же компьютердик техниканы колдонуу менен толтурулат. Тамгалар менен цифралар ал ар үчүн дайындалган орундарга так жазылат. Арыз сыя калем сабы менен толтурулган учурда көк же кара сыя колдонулат.

100. Арыз ээси толук байланыш маалыматтарын камтыган документтерди (байланыш адамынын аты-жөнү, толук почта дареги, байланыш телефону, электрондук почта дареги) жана мурда берилген документтер жөнүндө толук маалыматты (документтерди кабыл алуудан баш тарткандыгы үчүн аларды кайталап берген учурда) тапшырат.

101. Электрондук (санариптик) тахографтарга карточка берүүгө арыз, эгерде мурунку карточканы берүүдө карточкаларды даярдоочуга берилген маалыматтар өзгөрсө, тиешелүү өзгөртүүлөр киргизилген учурдан тартып он беш календардык күндөн кечиктирбестен берилет.

102. Сүрөт ушул Тартиптин 10-тиркемесине ылайык талаптарга ылайык келүүгө тийиш.

103. Карточкаларды даярдоочу ушул Тартиптин 96, 100 жана 102-пункттарында көрсөтүлгөн, арыз ээси берген документтердеги маалыматтарды каттайт.

104. Берилген карточкалар жана карточкаларды берүүгө арыздар карточкаларды даярдоочу тарабынан атайын журналда катталат.

105. Карточкаларды даярдоочу автомобилдик транспорт чөйрөсүндөгү ыйгарым укуктуу мамлекеттик органга карточкаларды берүүгө жазылган бардык өтүнмөлөр боюнча катталган маалыматтарды берет.

106. Электрондук карточкаларды берүү ушул Тартипте каралган карточканы алуу үчүн бардык шарттар камсыздалган учурда жүргүзүлөт.

107. Электрондук (санариптик) тахографтарга карточканы берүүдөн баш тартууга негиз болуп төмөнкүлөр эсептелет:

1) карточканы даярдоого акы төлөнгөн эмес;

2) ЕСТР макулдашуусунун 2-беренесинин 2-пунктунда көрсөтүлгөн автотранспорт каражатты менен ташууларды жүргүзүүдө;

3) арыз ээсинин жарактуу мөөнөтү бир айдан ашкан колдонуудагы карточкасы болгон учурда.

108. Берилген карточкалар боюнча документтер карточкалардын жарактуу мөөнөтү аяктаганга чейин карточкаларды даярдоочуда сакталат.

109. Карточкаларды даярдоочу карточканы жокко чыгаруу же жокко чыгаруудан баш тартуу жөнүндө чечим кабыл алууда ал тууралуу автомобилдик транспорт чөйрөсүндөгү ыйгарым укуктуу мамлекеттик органга жана карточка ээсине маалымдайт.

110. Карточкаларды даярдоочу берилген жана жокко чыгарылган карточкалар жөнүндө маалыматты автомобилдик транспорт чөйрөсүндөгү ыйгарым укуктуу органдын электрондук (санариптик) тахографтар боюнча маалыматтар базасына киргизет.

111. Карточкаларды даярдоочунун карточканы даярдоодон баш тартуу, аны жокко чыгаруу же аны жокко чыгаруудан баш тартуу чечими кабыл алынгандыгы жөнүндө билдирүүсү мындай чечимди кабыл алуу себептерин баяндоо менен коштолот.

112. Карточка жокко чыгарылган учурда карточка ээси аны жоготуп же уурдатып алган учурдан тышкары он беш календардык күндүн ичинде карточкаларды даярдоочуга кайтарып берет.

113. Электрондук (санариптик) тахохрафтарга карточка төмөнкү учурларда жараксыз деп таанылат:

1) анын колдонуу мөөнөтү аяктаганда;

2) электрондук (санариптик) тахографтарга карточканы берүүдө карточканы даярдоочуга берилген маалыматтар өзгөргөндө;

3) ал катталган сервистик борбордун кызматкери менен эмгек мамилелерин токтоткондо;

4) эгерде сервистик борбордун карточкасынын PIN-коду жоголсо же үчүнчү жактарга белгилүү болуп калса;

5) аны жокко чыгаруу жөнүндө чечим кабыл алынганда.

114. Автомобилдик транспорт чөйрөсүндөгү ыйгарым укуктуу мамлекеттик орган төмөнкү учурларда карточканы жокко чыгаруу жөнүндө чечим кабыл алат:

1) эгерде карточканын чындыкка шайкеш келбеген маалыматтардын негизинде берилгендиги белгиленсе;

2) эгерде карточкага анын ээси же башка адамдар тарабынан санкцияланбаган өзгөртүүлөр киргизилсе;

3) эгерде карточканы анын ээси болуп саналбаган адам пайдаланса;

4) карточка ээси каза болгон учурда, ташуучу, тейлөө борбору же автомобилдик транспорт чөйрөсүндөгү ыйгарым укуктуу орган жоюлган (иши токтотулган) учурда;

5) реестрден чыгарылган учурда;

6) эгерде карточка ээси тарабынан карточканын бузулгандыгы, уурдалгандыгы же жоголгондугу же болбосо аны жокко чыгаруунун башка зарылдыгы пайда болгондугу тууралуу расмий билдирүү келип түшсө;

7) эгерде арыз берүүчү арыз берген күндөн тартып алты айдын ичинде карточканы алуу үчүн кайрылбаса.

115. Карточка жокко чыгарылган учурда арыз берүүчү карточкаларды даярдоочуга карточка алуу үчүн кайрыла алат.

116. Карточка ээси:

1) ушул Тартипке жана ЕСТР макулдашуусуна ылайык карточканы пайдалануу тартибин сактайт;

2) карточканы арналган багыты боюнча гана пайдаланат;

3) өзүнүн карточкасын гана пайдаланат;

4) карточканы үчүнчү жакка пайдаланууга бербейт;

5) карточканы жаан-чачындан, механикалык жана башка бузулуулардан, күчтүү электр магниттик талаанын, жылуулуктун таасирлеринен коргоону камсыз кылган шартта пайдаланат;

6) сервистик борбордун карточкасынын PIN-кодун үчүнчү жакка бербейт;

7) карточкаларды даярдоочуга жаңы карточканы алууга арыз менен кайрылат, эгерде карточканын PIN-коду жоголгон же үчүнчү жактарга белгилүү болгон болсо, карточканы жокко чыгарууга эркин формада жазуу жүзүндө арыз берет;

8) карточканын бузулган, уурдалган же жоголгон фактысы ырасталгандан кийин автомобилдик транспорт чөйрөсүндөгү ыйгарым укуктуу мамлекеттик органга жети календардык күндүн ичинде карточканын (сервистик борбордун карточкасынан башка) бузулган, жоголгон (уурдалган) жерин жана убактысын көрсөтүү менен жазуу жүзүндө кабарлайт;

9) эгерде ушул Тартиптин 4-7-тиркемелеринде көрсөтүлгөн маалыматтар өзгөрүлсө, он беш календардык күндөн кечиктирбестен, карточкаларды даярдоочуга жаңы карточканы алууга документ тапшырат же карточканы жокко чыгарууга эркин формада жазуу жүзүндө арыз берет;

10) эгерде карточка жараксыз болуп саналса, аны колдонууну токтотот.

117. Электрондук (санариптик) тахографтар боюнча маалыматтар базасы автомобилдик транспорт чөйрөсүндөгү ыйгарым укуктуу мамлекеттик органдын карамагында болот.

118. Электрондук (санариптик) тахографтар боюнча маалымат базасында электрондук (санариптик) тахографтарга берилген, колдонулуп жаткан, жоголгон жана алмаштырылган бардык карточкалар жана сервистик борборлор тарабынан транспорт каражаттарына орнотулган электрондук (санариптик) тахографтар эсепке алынат.

119. Транспорттук контролду жүзөгө ашырууда аныкталган айдоочулардын эмгек жана эс алуу режимин бузуулар электрондук (санариптик) тахографтар боюнча маалымат базасында катталат.

120. Карточканы даярдоого арыз берүүдө арыз берүүчүнүн карточкасынын бар же жок экендиги электрондук (санариптик) тахографтар боюнча маалымат базасынан текшерилет.

121. Электрондук (санариптик) тахографтар боюнча маалымат базасына бардык маалыматтар автомобилдик транспорт чөйрөсүндөгү ыйгарым укуктуу мамлекеттик орган аныктаган оператор тарабынан киргизилет.

6. Тахографтарды орнотууну, ондоону жана тейлөөнү жүзөгө ашыруучу сервистик борборго карата талаптар

122. ЕСТР макулдашуусунун талаптарына шайкеш келген санариптик тахографтарды орнотуу, тейлөө жана оңдоо боюнча кызматтарды көрсөтүү (жумуштарды аткаруу) автомобилдик транспорт чөйрөсүндөгү ыйгарым укуктуу мамлекеттик органга тахографты орнотуу, тейлөө жана оңдоо боюнча ишти жүзөгө ашырууну баштоо жөнүндө билдирүү берген сервистик борбор тарабынан жүзөгө ашырылат.

Санариптик тахографтарды орнотуу, тейлөө жана оңдоо боюнча кызматтарды көрсөтүү (жумуштарды аткаруу) билдирүүдө көрсөтүлгөн жерде жана ЕСТР макулдашуусунун талаптарына шайкеш келген бекитилген техникалык процесстерге, санариптик тахографтарды даярдоочу заводдун техникалык жана технологиялык документтерине ылайык аткарылат.

123. Сервистик борбордун аймагынын өлчөмү анда төмөнкү элементтердин жайгашуусун карайт:

1) өндүрүштүк жайдын;

2) интернетке чыгуу жабдуусун;

3) транспорт каражатынын параметрлерин орнотуу үчүн жыйырма метрден кем болбогон атайын ролик тилкесинин же жердин тегиз участогунун;

4) өндүрүштүк жайга кирүүчү жолдордун;

5) транспорт каражаттары үчүн токтотмо жайдын.

124. Сервистик борбордун аймагын пландоодо төмөнкү талаптар эске алынат:

1) сервистик борбордун өзүнүн аймагы сыяктуу эле ага кирүү (чыгуу) жолдорунда сутканын караңгы мезгилинде жасалма жарык кылуучу шам чырактардын болушу;

2) транспорт каражаттары үчүн кире турган жолдордун, токтотмо жайдын үстүнкү бетинин тегиз жана катуу болушу;

3) токтотмо жайдын аймагынын тосулушу.

125. Транспорт каражатына тахографты орнотуу боюнча иштер аны астынан карай турган чуңкур же көтөрүүчү механизмдер болгондо жүргүзүлөт.

126. Карай турган чуңкурдун өлчөмү тейленүүчү транспорт каражатынын типтеринин узундугун жана ага кирүү мүмкүнчүлүгүн эске алуу менен аныкталат.

127. Кыймылдаткычы иштеп турган транспорт каражатына параметрлерди орнотуучу жумуш орду транспорт каражатынын түтүгүнөн чыгуучу иштетилген газды жок кылуу жана тазалоо системалары менен жабдылат.

128. Өндүрүш аянттары тахографтарды орнотуу жана тейлөөнү, программалык-техникалык каражаттарды жайгаштырууну, электрондук (санариптик) тахографтын энергияга көз карандысыз эске тутуусунан же сервистик борбордун карточкасынан (устаканадан) көчүрүлгөн маалыматтарды сактоону, документтерди тариздөөнү жүзөгө ашыруу үчүн арналган өзүнчө жайларды камтыйт.

129. Өндүрүш жайы аба агымын соруп алуучу жалпы желдетүүчү, жарык кылуучу, жылуулук берүүчү системалар, өрт өчүрүү каражаттары, ошондой эле сервистик борбордун карточкаларын жана алмашылуучу каражаттардагы маалыматтардын резервдик көчүрмөлөрүн сактоо үчүн сейф же темир ящик менен жабдылат.

130. Тахографтарды орнотуу жана тейлөө учурунда колдонулуучу өлчөө каражаттары Өлчөө каражаттарынын мамлекеттик реестрине киргизилген, белгиленген үлгүдө жана текшерилген стандарттык үлгүдө болууга тийиш.

131. Сервистик борбор зарыл болгон технологиялык жабдуулар менен камсыздалат, алардын номенклатурасы тахографтарды даярдоочу заводдун техникалык документтери менен аныкталат.

132. Сервистик борбор электрондук (санариптик) тахографтын энергияга көз карандысыз эске тутуусунан маалыматтарды окуганга, электрондук (санариптик) тахографтардын иштөө жөндөмдүүлүгүн текшерүүгө, ошондой эле аны программалоого мүмкүндүк берген техникалык каражаттар жана программалык камсыздоо менен жабдылат.

133. Тахографтарды орнотуу, тейлөө жана оңдоо боюнча иштерди сервистик борбордун тахографтарды даярдоочу тийиштүү заводдо же алар ыйгарым укук берген уюмдарда окутуудан өткөн кызматкерлери аткарат.

134. Сервистик борбордун кызматкери анын атына берилген сервистик борбордун карточкасын тахографтарды орнотуу, тейлөө жана оңдоо процессинде гана колдонот.

135. Тахографтарды орнотуу, тейлөө жана оңдоо боюнча иштерди жүзөгө ашырган сервистик борбордун кызматкери:

1) транспорт каражатынын параметрлерин орнотуу боюнча маалыматтарды сервистик борбордун карточкасына жазат;

2) сервистик борбордун карточкасынын жоголушу, уурдалышы же бузулушу жөнүндө тейлөө борборунун жетекчисине дароо билдирет;

3) сервистик борбордун карточкасынын PIN-кодун башка адамдарга билдирбейт;

4) сервистик борбордун карточкасынын PIN-коду башка адамдарга белгилүү болуп калгандыгы тууралуу сервистик борбордун жетекчисине дароо билдирет;

5) сервистик борбордун карточкасынын башка адамдар тарабынан колдонуу ыктымалдыгы тууралуу билдирет;

6) сервистик борбордун карточкасын сервистик борбордун аймагында гана колдонот;

7) сервистик борбордун карточкасынан сервистик борбордун маалыматтар базасына маалыматтардын үзгүлтүксүз, бирок 28 календардык күндүн ичинде бир жолудан кем эмес көчүрүлүшүн камсыз кылат;

8) тахографтарды орнотуу, тейлөө жана оңдоо боюнча аткарылган жумуштар тууралуу маалыматтарды каттоо жана эсепке алуу журналын жүргүзөт.

136. Сервистик борбордун программалык-техникалык каражаттары:

1) катталган маалыматтарды көчүрүү үчүн электрондук (санариптик) тахографтарга туташууну камсыз кылат;

2) карточкада катталган маалыматтарды көчүрүү үчүн сервистик борбордун карточкаларынын туташуусун камсыз кылат;

3) маалыматтарды алмашылуучу алып жүрүүчүлөргө резервдик көчүрүү үчүн түзүлүш менен жабдылат.

137. Электрондук (санариптик) тахографтардын энергияга көз карандысыз эске тутуусунан жана сервистик борбордун карточкасынан көчүрүлгөн маалыматтар үчүн чү жактардын пайдалануусуна жол бербөө шартында сакталат.

138. Электрондук (санариптик) тахографтардан көчүрүлгөн маалыматтарды сактоо мөөнөтү он эки айдан кем эмес, сервистик борбордун карточкасынан - жыйырма төрт айдан кем эмес убакытты түзөт.

139. Көчүрүлгөн маалыматтардын резервдик көчүрмөсү сервистик борбордун сейфинде же темир ящиктерде жыйырма төрт айдан кем эмес убакыт сакталат.

140. Сервистик борбор өзүнүн программалык-техникалык каражатын электрондук (санариптик) тахографтар боюнча маалымат базасына туташуусун камсыздайт.

7. Транспорттук ишканалардын, ташуучулардын жана айдоочулардын милдеттери

141. Транспорттук ишканалар жана ташуучулар:

1) сервистик борборлордо (устаканаларда) транспорт каражаттарына орнотулуучу тахографтарды орнотуу, текшерүү, техникалык тейлөө жана оңдоо боюнча иштерди ишке ашырат, алар жөнүндө маалыматтар автомобилдик транспорт чөйрөсүндөгү ыйгарым укуктуу орган тарабынан сервистик борбордун (устаканалардын) тизмегинде эске алынат;

2) тахографты эксплуатациялоо боюнча даярдоочу заводдун колдонмосунун талаптарына ылайык тахографты эксплуатациялоону камсыз кылат;

3) тахографтардын өз убагында техникалык жактан тейленишин жана анын иштешин текшерүүнү камсыз кылат;

4) айдоочуну зарыл болгон чыгымдалуучу материалдар менен камсыз кылат (принтер үчүн кагаз менен);

5) айдоочунун карточкасынан маалыматтарды ар бир 28 күн сайын көчүрүп турат;

6) төмөнкүлөрдү текшерүү үчүн сактайт жана пайдалануу мүмкүнчүлүгүн камсыз кылат:

- айдоочунун карточкасынан жүктөлүп алынган маалыматтарды ишкананын маалымат базасында бир жыл бою сакталышын;

- ар бир айдоочунун акыркы маалыматтар жазылган күндөн тартып кеминде он эки ай аралыгындагы толтурулган диаграммалык дисктерин;

- тахографтын тибинин бекитилгендиги же таанылгандыгы жөнүндө сертификат, тахографты текшерүү жана мезгил-мезгили менен текшерүү жөнүндө күбөлүк - алар берилген учурдан тартып бир жыл бою;

7) тахограф эксплуатациядан чыкканда анын бир жыл бою сакталышын камсыз кылат;

8) бузулган же үзгүлтүккө учурап иштеген тахографты тейлөө борборуна (устаканага) оңдоого берет;

9) автомобилдик транспорт чөйрөсүндөгү ыйгарым укуктуу органга жок кылынган тахографтар жөнүндө маалыматтарды жөнөтөт;

10) тахографты жок кылуунун алдында тахографта сакталган жазууларды транспорт ишканасынын маалымат базасына көчүрүүнү жана анын бир жыл бою сакталышын камсыз кылат;

11) транспорт каражатында тахографты эксплуатациялоо боюнча колдонмонун болушун камсыз кылат;

12) колдонуунун узактыгын жана бузулган учурда алмаштыруу мүмкүнчүлүгүн же автомобилдик транспорт чөйрөсүндөгү ыйгарым укуктуу орган тарабынан алып коюну эске алуу менен айдоочуларга зарыл болгон сандагы диаграммалык дисктерди берет;

13) айдоочулардын эмгек жана эс алуу режимдери жөнүндө алардын карамагындагы маалыматтарды колдонуу менен айдоочулар тарабынан жумуш убактысынын жана эс алуу убактысынын сакталышын камсыз кылат, аларды талдайт, бузуулар аныкталган учурда аларды четтетүү боюнча чараларды көрөт;

14) автомобилдик транспорт чөйрөсүндөгү ыйгарым укуктуу органдын кызматкерлерине ушул пункттун 6-пунктчасында аталган документтерди көрсөтөт;

15) автомобилдик ташууларды уюштурат жана экипаждын мүчөлөрүнө ЕСТР макулдашуусунун жана ушул Тартиптин жоболорун сактоого көрсөтмө берет;

16) жеке контролдоо китепчесин колдонуу менен башкаруу убактысын, башка жумуштун сааттарын жана эс алуу убактыларын дайыма контролдойт. ЕСТР макулдашуусунун жана ушул Тартиптин жоболорунун бузулгандыгы аныкталган учурда алар аны четтетүү жана келечекте аларды болтурбоо боюнча чараларды көрүүгө тийиш;

17) ташуулардын макулдашылган келишимдик графиктерин түзүүдө ЕСТР макулдашуусунун жана ушул Тартиптин жоболорунун сакталышын камсыз кылат.

142. Транспорт каражаттарынын айдоочулары төмөнкүлөргө милдеттүү:

1) транспорт каражатынын кыймылынын башталышында (нөөмөт, иш күнүнүн башталышында) айдоочунун карточкасын тахографтын сол тараптагы жылчыгына салууга (экипаж учурунда экинчи айдоочу айдоочунун карточкасын тахографтын оң тараптагы жылчыгына салат);

2) тахографтын суроо-талабы боюнча күнүмдүк иш убактысы баштала турган жерди көрсөтүү менен өзүнүн иши жөнүндө маалыматтарды кол менен киргизүүгө же тахографтын мындай суроо-талабын аткарбоого (тахографтын суроо-талабы аткарылбаган учурда күнүмдүк иш убактысы баштала турган жер менен айдоочунун ишинин түрү (экипаж учурунда - экинчи айдоочу) автоматтык түрдө аныкталат жана катталат);

3) күнүмдүк иш мезгили аяктаганда (нөөмөт, иш күнү аяктаганда) тийиштүү иш убактысы аяктагандыгы жана күнүмдүк иш мезгили аяктаган жерди ырастоо же киргизүү жөнүндө тахографтын суроо-талабынан кийин айдоочунун карточкасын тахографтын жылчыгынан алып чыгууга;

4) автомобилдик транспорт чөйрөсүндөгү ыйгарым укуктуу органдын кызмат адамынын талабы боюнча тахографка жана айдоочунун карточкасына кирүү мүмкүнчүлүгүн берүүгө, ошондой эле алардын талабы боюнча тиешелүү басып чыгарылган кагаздар түрүндө маалыматтарды басып чыгарууга;

5) маалыматтарды басып чыгарууга;

6) булганган же бузулган каттоо баракчаларын же айдоочунун карточкасын колдонбоого;

7) каттоо баракчаларын же айдоочунун карточкасын адекваттуу коргоону камсыз кылууга.

Катталган маалыматтар камтылган каттоо баракчасы же айдоочунун карточкасы бузулган учурда, айдоочулар бузулган каттоо баракчасын же бузулган айдоочунун карточкасын алмаштыруу үчүн колдонулуучу убактылуу запастык каттоо баракчасына тиркейт. Эгерде айдоочу өзүнүн айдоочулук карточкасынын колдонулушун кайра жаңырткысы келсе, анда ал карточканын жарактуулук мөөнөтү аяктаган датага чейин он беш жумуш күндөн кечиктирбестен электрондук (санариптик) тахографтарга карточкаларды даярдоочуга кайрылуусу керек;

8) башка жоболорго ылайык карточканы чыгарып салууга жол берилген учурларды кошпогондо, карточканы ар күндүк иш мезгили аяктаганга чейин чыгарбоого;

9) каттоо баракчасын жана айдоочунун карточкасын алар арналган мезгилден узак мезгил ичинде колдонбоого;

10) транспорт каражатында орнотулган тахографты ЕСТР макулдашууга, аны эксплуатациялоо боюнча колдонмого жана ушул Тартипке ылайык эксплуатациялоону камсыз кылууга;

11) диаграммалык дисктерди өз убагында орнотууну, алмаштырууну жана талаптагыдай толтурууну аткарууга, ошондой эле алардын сакталышын камсыз кылууга;

12) транспорт каражатын өз жоопкерчилигине кабыл алган учурдан тартып алар транспорт каражатын башкарганда күн сайын диаграммалык дисктерди же айдоочунун карточкасын колдонууга;

13) тахограф иштен чыккан учурда өзүнүн диаграммалык дисктеринин артына (тахографтан басып чыгарылган кагазга) ага тиешелүү графикалык белгилери бар түшүрүлгөн торчолорду колдонуп, кол менен эмгек жана эс алуу режимин жазууну жүргүзүүгө жана жүрүү маршруту боюнча жакынкы сервистик борборго кайрылуу менен бузулууларды четтетүү боюнча чараларды көрүүгө. Айдоочулар транспорт каражатынан тышкары болгон жана контролдоочу түзүлүштү колдонбогон учурда, алар өзүнүн диаграммалык дискине өз иши жана эс алуусу жөнүндө маалыматтарды да кол менен киргизет;

14) автомобилдик транспорт жаатындагы ыйгарым укуктуу мамлекеттик органдын кызматкерлерине мурунку жуманын өтүп кеткен жыйырма сегиз календардык күнү үчүн толтурулган диаграммалык дисктерди, тахографты текшерүү жөнүндө сертификатты, ошондой эле тахографты мезгилдүү текшерүү жөнүндө күбөлүктү берүүгө;

15) эгерде айдоочу ооругандыгына байланыштуу өргүүдө же жылдык өргүүдө болгон учурда же эгерде ал ЕСТР макулдашуусунун 2-беренесинин жоболорунун колдонулушу жайылтылбаган транспорт каражатын башкарган учурда, ушул Тартиптин 14-тиркемесине ылайык форма боюнча ишти ырастаган бланкты пайдалануу боюнча көрсөтмөгө ылайык ишти ырастаган бланкты пайдаланууга.

143. Айдоочуларга транспорт каражаты менен ташууну жүргүзүүгө төмөнкүдөй учурларда тыюу салынат:

1) тахографы жок;

2) иштеген бирок өчүрүлгөн тахограф менен;

3) толтурулбаган диаграммалык дисктер менен;

4) мурда колдонулган диаграммалык дисктерди колдонуу менен;

5) электрондук (санариптик) тахографтарды колдонгон учурда электрондук карточкаларды колдонбостон;

6) айдоочулардын эмгек жана эс алуу режиминин ар күндүк каттоо баракчаларын жүргүзбөгөн учурда (тахограф бузулган учурда);

7) айдоочулардын эмгек жана эс алуу режиминин ар күндүк каттоо баракчалары жок болгон учурда (тахограф бузулган учурда);

8) тахограф каттаган маалыматтарды тосмолоо, түзөтүү, модификациялоо же бурмалоо;

9) тахографта жана айдоочунун карточкасында сакталган маалыматтарды, ошондой эле тахографтын басылып чыгарылган кагаздарын жок кылуу;

10) ушул тахограф үчүн өлчөө каражатынын тибинин сыпаттамасына ылайык түшүрүлгөн өлчөө каражатынын тибин бекитүү белгиси жана текшерүү белгиси жана (же) текшерүү жөнүндө таризделген күбөлүк жана (же) текшерүү белгиси жана текшерүүчүнүн кол тамгасы менен күбөлөндүрүлгөн тахографтын паспортундагы (формулярындагы) жазуулары жок, колдонуу мөөнөтү аяктаган тахографты колдонуу.

Айдоочулар ушул Тартиптин 143-пунктундагы талаптарды сактабаган учурда, автомобилдик транспорт чөйрөсүн жөнгө салган Кыргыз Республикасынын мыйзамдарына жана Кыргыз Республикасынын Укук бузуулар жөнүндө кодексине ылайык жоопкерчилик тартат.

144. Айдоочунун карточкасы бузулган, ал туура эмес иштеген, ошондой эле аны жоготкон (уурдаткан) учурда, айдоочу жети календардык күндүн ичинде карточканы берген уюмга жаңы карточканы берүү жөнүндө арызы менен кайрылууга тийиш.

145. Тахографтын басылып чыккан кагазына айдоочу кол тамга менен күбөлөндүрүлгөн маалыматтарды киргизиши мүмкүн.

8. Автомобилдик транспорт чөйрөсүндөгү ыйгарым укуктуу мамлекеттик органдын компетенциясы

146. Автомобилдик транспорт чөйрөсүндөгү ыйгарым укуктуу мамлекеттик орган төмөнкүлөрдү жүзөгө ашырат:

1) тизмектерде маалыматтарды эсепке алууну:

- карточкалардын бекитилген моделдери жөнүндө;

- карточкаларды даярдаган уюмдар тарабынан берилген, жокко чыгарылган карточканын ар бир нускасы жөнүндө;

- тахографтарды орнотуу, текшерүү, техникалык тейлөө жана оңдоо боюнча иш жүргүзгөн сервистик борборлор жөнүндө;

2) карточкаларды берүү, алмаштыруу, жаңыртуу, карточкаларды өткөрүп берүү жөнүндө арыздарды кабыл алууну, эсепке алууну жана каттоону уюштуруу;

3) карточкаларды чыгарууда жана өткөрүп берүүдө маалымат алмашууну уюштуруу;

4) тахографтардын карточкаларын даярдоочу уюмдарга функциялуулук сертификатын жана типти бекиткен күбөлүктү берүү.

Функциялуулук сертификаты карточкаларды даярдоочу уюмга коопсуздук сертификатынын жана карточкаларды тестирлөөнүн функциялуулугу жөнүндө отчеттун (протоколдун) негизинде берилет. Типти бекиткен күбөлүк карточкаларды даярдоочу уюмга коопсуздук сертификатынын, функциялуулук сертификатынын жана эксплуатациялык шайкештик сертификатынын негизинде берилет.

147. Автомобилдик транспорт чөйрөсүндөгү ыйгарым укуктуу мамлекеттик органдын аймактык бөлүмдөрү тахографтарды орнотуу, тейлөө жана оңдоо боюнча ишти жүргүзүп баштагандыгы жөнүндө кабарламаны берген жеке жана юридикалык жактардын реестрин жүргүзөт.

148. Жеке же юридикалык жактар тахографтарды орнотуу, тейлөө жана оңдоо боюнча ишти жүргүзүп баштардын алдында транспорт жана коммуникациялар чөйрөсүндөгү ыйгарым укуктуу мамлекеттик орган тарабынан бекитилген форма боюнча кабарламаны автомобилдик транспорт чөйрөсүндөгү ыйгарым укуктуу мамлекеттик органга жөнөтөт.

149. Жеке адамдын жашаган жеринин, юридикалык жактын жайгашкан жеринин даректери, кабарламада көрсөтүлгөн ишти же иш-аракеттерди жүзөгө ашыруу даректери, ошондой эле маалыматтары кабарламада толтуруу үчүн милдеттүү болуп саналган каттоо маалыматтары өзгөргөн учурда, субъект он жумуш күндүн ичинде өзгөртүүлөр тууралуу автомобилдик транспорт чөйрөсүндөгү ыйгарым укуктуу мамлекеттик органдын аймактык бөлүмүнө кабарлайт.

150. Реестрден чыгаруу субъекттин арызы, жеке ишкердин же юридикалык жактын ишине же ишинин айрым түрлөрүнө тыюу салуу жөнүндө соттун чечими боюнча жүзөгө ашырылат.

9. Айдоочулардын эмгек жана эс алуу режими

151. Ар күндүк башкаруунун узактыгы 9 сааттан ашпоого тийиш. Ал бир жуманын ичинде эки жолудан көп эмес 9 саатка чейин узартылышы мүмкүн.

152. Ар жумалык башкаруунун узактыгы 56 сааттан ашпоого тийиш.

153. Катары менен келген каалаган эки жуманын ичинде башкаруунун жалпы жыйынтыкталган узактыгы 90 сааттан ашпоого тийиш.

154. Башкаруу мезгилдери ЕСТР макулдашуусуна катышкан мамлекеттердин жана ЕСТР макулдашуусунун катышуучусу болуп саналбаган мамлекеттердин аймагындагы башкаруунун кандай гана болбосун убактысын камтыйт.

155. Айдоочу ушул Тартиптин 2-пунктунун бешинчи абзацына ылайык өткөргөн кандай гана болбосун убакытты, ошондой эле ЕСТР макулдашуусун колдонуу жаатындагы аракеттерге кирбеген коммерциялык операциялар үчүн пайдаланылган транспорт каражатын башкарууга кеткен кандай гана болбосун убакытты башка жумуш катары каттайт жана өзү болгон каалаган мезгилди ЕСТР макулдашуусунун тиркемесинин 12.3-беренесинде каралгандай каттоодон өткөрөт. Мындай маалыматтар кол жазма менен каттоо баракчасына же басып чыгарылган баракка же кол менен жаздыруучу түзүлүштөрдү колдонуу аркылуу жазылат,

156. Айдоочу 4,5 саат бою башкарган мезгилден кийин, эгерде эс алуу мезгили келе элек болсо, кеминде 45 мүнөт тыныгуу жасоого тийиш.

157. Бул тыныгуу андан кийин 30 мүнөттөн кем эмес узактыктагы тыныгуу болгон 15 мүнөттөн кем эмес узактыктагы тыныгууга алмаштырылат, ал башкаруу мезгили бою же дароо бул мезгилден кийин ушул Тартиптин 156-пунктунун жоболоруна ылайык келе тургандай түрдө бөлүштүрүлөт.

158. Тыныгуулардын ичинде айдоочу эч кандай башка жумуштарды аткарбоого тийиш. Ушул Тартиптин 156 жана 157-пункттарынын максаттары үчүн күтүү убактысы жана башкаруу үчүн пайдаланылбаган жана жүрүп жаткан транспорттук каражатта, паромдо же поездде өткөргөн убакыт "башка жумуш" катары каралбайт.

159. Ушул Тартиптин 156 жана 157-пункттарынын негизинде сакталуучу тыныгуулар ар күндүк эс алуу мезгилдери катары каралбайт.

160. Айдоочу ар күндүк жана ар жумалык эс алуу мезгилдерин колдонот.

161. Мурунку ар күндүк эс алуу мезгили же ар жумалык эс алуу мезгили аяктагандан кийин ар бир жыйырма төрт сааттык мезгилдин ичинде айдоочу жаңы ар күндүк эс алуу мезгилин колдонот.

Эгерде ар күндүк эс алуу мезгилинин ушул жыйырма төрт сааттык мезгилге туура келген бөлүгү эң аз дегенде 9 сааттан, бирок 11 сааттан аз болсо, анда ушул ар күндүк эс алуу мезгили кыскартылган ар күндүк эс алуу мезгили катары каралат.

162. Ушул Тартиптин 161-пунктунан четтөөдө, ар күндүк же ар жумалык эс алуу мезгили аяктагандан кийин 30 сааттын ичинде бир нече адамдан турган экипаждын курамына кирген айдоочу эң аз дегенде 9 саат узактыктагы жаңы ар күндүк эс алуу мезгилине ээ болот.

163. Ар күндүк эс алуу мезгили кадимки ар жумалык эс алуу мезгилине же кыскартылган ар жумалык эс алуу мезгилине чейин узартылышы мүмкүн.

164. Айдоочу каалаган эки ар жумалык эс алуу мезгилинин ортосунда үчтөн көп эмес кыскартылган ар күндүк эс алуу мезгилине ээ болот.

165. Катары менен келген каалаган эки жумада айдоочу кеминде нормалдуу эки ар жумалык эс алуу мезгилин же нормалдуу бир ар жумалык эс алуу мезгилин жана 24 сааттан кем эмес узактыктагы бир кыскартылган ар жумалык эс алуу мезгилин колдонот. Бирок бул кыскартуу ошол жумадан кийинки үчүнчү жуманын аягына чейин толугу менен колдонулган эквиваленттүү эс алуу мезгили менен компенсацияланышы керек.

Ар жумалык эс алуу мезгили мурунку ар жумалык эс алуу мезгили аяктагандан кийин башталуучу алты жолку жыйырма төрт сааттык мезгил аяктагандан кийин башталат.

166. Ушул Тартиптин 165-пунктунун жоболорунан четтөөдө, бир жолку эл аралык жүргүнчүлөрдү ташууну жүзөгө ашырган айдоочу үзгүлтүксүз линияларда ташууларды кошпогондо, мурунку нормалдуу ар жумалык эс алуу мезгилинен кийин келүүчү он экиден ашпаган катары менен келген жыйырма төрт сааттык мезгилге ар жумалык эс алууну калтыра алат, төмөнкүдөй шарттарда:

1) жол жүрүү ЕСТР макулдашуусуна катышкан мамлекеттердин аймагында же жол жүрүү башталган өлкөдөн башка үчүнчү өлкөнүн аймагында катары менен жыйырма төрт сааттан кем эмес убакытка созулса жана бул четтөөнү колдонгондон кийин айдоочу нормалдуу эки ар жумалык эс алуу мезгилин же нормалдуу бир ар жумалык эс алуу мезгилин жана 24 сааттан кем эмес узактыктагы бир кыскартылган ар жумалык эс алуу мезгилин колдонот. Бирок бул кыскартуу эс алуунун эквиваленттүү мезгили менен компенсацияланууга тийиш, эгерде ал четтөө мезгили аяктагандан кийинки үчүнчү жуманын аягына чейин толугу менен пайдаланылса;

2) ушул Тартиптин 167-пунктундагы жоболордон четтөөдө бир нече адамдан турган экипаждын айдоочулары жума сайын 45 сааттан кем эмес нормалдуу ар жумалык эс алуу мезгилине ээ болууга тийиш. Бул мезгил 24 сааттан ашык эмес саатка кыскартылышы мүмкүн (кыскартылган ар жумалык эс алуу мезгили). Бирок ар бир кыскартуу каралып жаткан жумадан кийинки үчүнчү жуманын аягына чейин толугу менен колдонулса, эквиваленттүү эс алуу мезгили менен компенсацияланууга тийиш. Ар жумалык эс алуу мезгили мурунку ар жумалык эс алуу мезгили аяктагандан кийин баштала турган алты жолку жыйырма төрт сааттык мезгил аяктагандан кийин гана башталууга тийиш.

167. Ар жумалык эс алуу мезгилин кыскартуу үчүн компенсация катары пайдаланыла турган кандай гана болбосун эс алуу узактыгы 9 сааттан кем эмес болгон башка эс алуу мезгилине кошулууга тийиш.

168. Айдоочунун ыктыяры боюнча эгерде транспорт каражатында транспорт каражатынын конструкциясында каралган ар бир айдоочу үчүн атайын орнотулган уктоочу жай болсо жана эгерде бул транспорт каражаты токтотуучу жайда турган болсо, кошумча жазуудагы жерлердин тышындагы ар күндүк эс алуу мезгили жана кыскартылган ар жумалык эс алуу мезгили транспорт каражатында пайдаланылышы мүмкүн.

169. Эки жумага туш келген ар жумалык эс алуу мезгили бул жумалардын кайсы бирине тиешелүү болушу мүмкүн, бирок дароо экөөнө тең тиешелүү болушу мүмкүн эмес.

170. Ушул Тартиптин 159-169-пункттарынан четтөөдө, эгерде айдоочу паромдо же поездде ташылуучу транспорт каражатын коштоп жүрсө жана нормалдуу ар күндүк эс алуу мезгилин пайдаланса, бул мезгил иштин башка түрлөрү менен эки жолудан көп эмес үзгүлтүккө учурашы мүмкүн, эгерде төмөнкүдөй шарттар сакталса:

1) кургак жерде өткөрүлө турган ар күндүк эс алуу мезгилинин бир бөлүгү паромдун бортунда же поездде өткөрүлө турган ар күндүк эс алуу мезгилинин ошол бөлүгүнө чейин же андан кийин колдонулууга тийиш;

2) ар күндүк эс алуу аралыктарынын ортосундагы мезгил мүмкүн болушунча кыска жана эч бир учурда жүктөгөнгө чейинки же жүктү түшүргөндөн кийинки жалпы 1 сааттан ашпоого тийиш, бирок бажы формалдуулугу жүктөө же жүктү түшүрүү боюнча операцияларга киргизилүүгө тийиш.

Ар күндүк эс алуу мезгилинин бардык бул аралыктарынын ичинде айдоочунун уктай турган жайы болууга тийиш.

171. ЕСТР макулдашуусунун колдонулушу жайылтылган транспорт каражаты турган жерге, аны өз жоопкерчилигине алуу үчүн же артка кайткан жолдо транспорт каражаты айдоочунун жашаган жеринде да, айдоочунун кошумча жазуудагы жери жайгашкан жердеги иш берүүчүнүн операциялык борборунда да болбогон учурда которулуп барган кандай гана болбосун убакыт эс алуу же тыныгуу катары каралбайт, буга айдоочу паромдо же поездде болгон жана ылайыктуу уктоочу жай жеткиликтүү болгон учурлар кошулбайт.

172. ЕСТР макулдашуусунун колдонулушу жайылтылбаган транспорт каражатын башкарууга, ЕСТР макулдашуусунун колдонулушу жайылтылган транспорт каражаты турган жерге же айдоочунун жашаган жери же кошумча жазуудагы жери жайгашкан жердеги иш берүүчүнүн операциялык борбору болуп саналбаган ошол жерден которулууга короткон айдоочунун кандай гана болбосун убактысы "башка иш" катары каралат.

173. Жол кыймылынын коопсуздугуна коркунуч келтирбөө жана токтотуучу жайга жетүү үчүн айдоочу транспорт каражатында болгон адамдардын, транспорт каражатынын же анда болгон жүктүн коопсуздугун камсыз кылуу үчүн зарыл болгон өлчөмдө ЕСТР макулдашуусунун жана ушул Тартиптин жоболорунан четтейт. Айдоочу бул жоболордон четтөө мүнөзүн жана себебин каттоо баракчасында, диаграммалык дискте же контролдук түзүлүштүн басып чыгарылган кагазында же өзүнүн ведомостунда ылайыктуу токтотуучу жайга келген учурдан кечиктирбестен көрсөтөт.

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 1-тиркеме

Форма Тахографтар менен иштөөнү эсепке алуу ЖУРНАЛЫ

№

Дата

Кызматкердин Ф.А.А.

Транспорт каражатынын каттоо номери

Транспорт каражаттарынын ээсинин аталышы

Иштин тиби

Пломбанын бузулушу

Маалыматтын шайкеш келбестиги

Параметрлер

Дөңгөлөктөрдүн өлчөмү

Корутунду берилди

Эскертүү

Кызматкердин колу

Транспорт каражаттарынын мүнөздүү коэффициент айл./км

Туруктуу санариптик тахограф, айл./км

Дөңгөлөктөрдүн натыйжалуу айланасы, мм

1

2

3

4

5

6

7

8

9

10

11

12

13

14

15

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 2-тиркеме

Тахографтарды орнотуу, тейлөө жана оңдоо боюнча ишти жүзөгө ашыруу же токтотуу үчүн уруксат берүү жөнүндө арызды берген жеке жана юридикалык жактардын реестрине киргизилген сервистик борборлорго ыйгарылуучу белгинин формасына, мазмунуна жана оттискине карата ТАЛАПТАР

1. Белгинин формасы - төрт бурчтуу:

1) узундугу 2,5 сантиметр;

2) туурасы 1,5 сантиметр;

3) тахографтарды орнотуу, тейлөө жана оңдоо боюнча ишти баштоо же токтотуу жөнүндө кабарлоону берген жеке жана юридикалык жактардын реестрине киргизилген жеке жана юридикалык жактардын аталышын (мындан ары - тейлөө борбору), төрт бурчтуктун жогорку бөлүгүндө 7 миллиметр интервалда көргөзүү зарыл;

4) өлкөнүн эл аралык аббревиатурасын жана сервистик борбордун номерин төрт бурчтуктун төмөнкү бөлүгүндө 8 миллиметр интервалда көргөзүү зарыл.

2. Белгинин мазмуну: сервистик борбордун аталышы көрсөтүлөт.

3. Белгинин оттиски: өлкөнүн эл аралык аббревиатурасы жана сервистик борбордун номери - KG 000.

4. Белгинин формасынын, мазумунунун жана оттискинин үлгүсү сүрөттө көрсөтүлгөн.

Сүрөт Графикалык көчүрмөнү караңыз.

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 3-тиркеме

ДИАГРАММАЛЫК ДИСК Графикалык көчүрмөнү караңыз.

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 4-тиркеме

Диаграммалык дискти толтуруунун ТАРТИБИ

1. Жумуш күнүнүн башында ар бир айдоочу жаңы диаграммалык дисктин ортоңку бөлүгүн алдын ала кол менен толтурат:

1)

[символ]

- аты-жөнү;

2)

[символ]

- жөнөтүү пункту;

3)

Dat.

- диск орнотулган дата (сызыктын үстүнө);

4)

NO

- автотранспорт каражатынын каттоо номери;

5)

[символ]

- жүрүүнү эсептегичтин баштапкы көрсөтмөсү.

2. Суткалык иш аяктагандан кийин, диаграммалык дискти контролдоочу түзүлүштөн чыгаруу керек жана төмөндөгү жазуулар менен толуктоо керек:

1)

[символ]

- келген пункту;

2)

Dat.

- диск чечип алынган дата (сызыктын астына);

3)

[символ]

- жүрүүнү эсептегичтин акыркы көрсөтмөсү;

4)

КМ

- сапардагы жүргөн жолу.

3. Автотранспорт каражатын алмаштырган учурда бир жумуш күндүн ичинде диаграммалык дисктин арткы тарабынын ортоңку бөлүгү кол менен толтурулат:

1)

[символ]

- автотранспорт каражатын алмаштырган убакыт;

2)

NO

- жаңы автотранспорт каражатынын каттоо номери;

3)

[символ]

- жүрүүнү эсептегичтин баштапкы көрсөтмөсү.

Мындай жол менен толтурулган диаграммалык диск башка автотранспорт каражатынын контролдоочу түзүлүшүнө которулат. Сапар аяктагандан кийин дискти төмөнкү маалыматтар менен толуктоо керек:

4)

[символ]

- жүрүүнү эсептегичтин акыркы көрсөтмөсү;

5)

КМ

- сапардагы жүргөн жолу.

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 5-тиркеме

Айдоочунун карточкасына чагылдыруу үчүн МААЛЫМАТ Аты-жөнү Туулган датасы Карточканы колдонуу мөөнөтү башталган дата Карточканы колдонуу мөөнөтү аяктаган дата Карточканы берген уюмдун аталышы Айдоочулук күбөлүктүн номери Карточканын номери Айдоочунун сүрөтү Айдоочунун колу

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 6-тиркеме

Ташуучунун карточкасында чагылдыруу үчүн МААЛЫМАТ Ташуучунун аталышы Карточканы колдонуу мөөнөтү башталган дата Карточканы колдонуу мөөнөтү аяктаган дата Карточканы берген уюмдун аталышы Карточканын номери Ташуучунун жайгашкан жери

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 7-тиркеме

Контролдук карточкага чагылдыруу үчүн МААЛЫМАТ Контролдоочу органдын аталышы Карточканы колдонуу мөөнөтү башталган дата Карточканы колдонуу мөөнөтү аяктаган дата Карточканы берген уюмдун аталышы Карточканын номери Контролдоочу органдын кызматкеринин сүрөтү Контролдоочу органдын жайгашкан жери

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 8-тиркеме

Сервистик борбордун (устакананын) карточкасына чагылдыруу үчүн МААЛЫМАТ Тейлөө борборунун аталышы Аты-жөнү Карточканы колдонуу мөөнөтү башталган дата Карточканы колдонуу мөөнөтү аяктаган дата Карточканы берген уюмдун аталышы Карточканын номери Сервистик борбордун кызматкеринин колу Сервистик борбордун жайгашкан жери

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 9-тиркеме

Форма

АК

Айдоочунун карточкасын берүүгө АРЫЗ

Сүрөт үчүн

Айдоочунун колу

Кабыл алынды ____________________________________ (аты-жөнү) ____________________________________ (өзгөчө белгилер)

Катталган датасы

-

-

Арыздын номери

1. Айдоочу жөнүндө маалымат (Кыргыз Республикасынын жаранынын паспортуна же ким экенин күбөлөндүргөн башка документке ылайык)

Фамилиясы

Surname

Аты

Given names

Атасынын аты

Туулган датасы

-

-

Туулган жери

Кыргыз Республикасынын жаранынын паспорту, ким экенин күбөлөндүргөн башка документи (сериясы, номери)

Идентификациялык номери (болсо)

Берилген датасы (күнү, айы, жылы)

-

-

Берген мамлекеттик органдын аталышы

Жумуш телефону

Үй телефону

Мобилдик телефону

2. Жашаган жери

2а. Жашаган өлкөсү

Почта индекси

Облусу

Району

Калктуу пункт

Көчөсү

Үй

Корпус

Батир

3. Айдоочунун күбөлүгү

Категориясы

Айдоочунун күбөлүгүнүн сериясы, номери

Берилген датасы (күнү, айы, жылы)

-

-

Чейин жарактуу (күнү, айы, жылы)

-

-

Айдоочулук күбөлүктү берген орган

4. Мурда берилген карточка жөнүндө маалымат

Айдоочулук карточканын ээси болуп саналасызбы (ээси болгонсузбу)

Ооба

Жок

Эгерде "Ооба" болсо, айдоочунун мурдагы карточкасын берген органды жана берген өлкөнү көрсөтүңүз

Карточка берилген дата (күнү, айы, жылы)

-

-

Карточканы колдонуу мөөнөтү (күнү, айы, жылы)

-

-

Карточканын номери

Мурдагы карточканын статусу

Жарактуу

Жараксыз

Уурдалган/жоголгон

5. Карточканы алуу:

Биринчи жолу

Кайрадан

Себеби:

6. Арыз берүүдө тапшырылган документтер жана анын көчүрмөлөрү

1. Кыргыз Республикасынын жаранынын паспорту же арыз берүүчүнүн өздүгүн күбөлөндүргөн башка документ (арыз берүүчүгө кайтарылды)

2. Ишеним кат (арыз берүүчүнүн өкүлү үчүн)

3. Кыргыз Республикасында берилген айдоочулук күбөлүгү (арыз берүүчүгө кайтарылды)

4. Карточканын жоголгон (уурдалган) жагдайларын (эгерде карточка жоголгон (уурдалган) болсо) көрсөтүү менен арыз

5. Сүрөт (1 даана)

6. Төлөнгөнүн ырастаган документ

Төмөнкүнү ырастайм: карточканы колдонуунун, андагы маалыматтарды эсепке алуунун жана сактоонун тартиби менен тааныштым жана макулмун; ушул арызда өзүм берген жана тиркеген документтердеги маалыматтар чындыкка дал келет; карточканы берген орган өзүм бул арызда көрсөткөн маалыматтарды жана тиркелген документтерди өз ишинде колдоно ала тургандыгы менен тааныштым жана макулмун.

Датасы (күнү, айы, жылы)

-

-

Айдоочунун колу

Өкүлдүн аты-жөнү

___________________________________

Өкүлдүн колу

Кесүү сызыгы

----------------------------------------------------------------------------------------------------------------------------------------------------------------------------------------------------------
----------------------------------------------------------------------------------------------------------------------------------------------------------------------------------------------------------

Арыздын кабыл алынгандыгы жөнүндө белги

Арыздын номери

Кабыл алдым (фамилиясы, инициалдары)

Датасы (күнү, айы, жылы)

-

-

Колу

Эскертүүлөр:

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 10-тиркеме

Бардык түрдөгү электрондук (санариптик) тахографтарга карточка даярдоо үчүн зарыл болгон сүрөткө ТАЛАПТАР Айдоочунун/контролдоочу органдын кызматкеринин сүрөтү төмөнкүдөй талаптарга ылайык келүүгө тийиш:

1. Өлчөмү: 45 х 35 мм ± 1 мм, ак түстөгү бурчтарсыз.

2. Сүрөттөгү жүздүн өлчөмү:

- көздөрдүн каректеринин ортосундагы аралык - 6 ± 3 мм;

- көздөрдүн ортосундагы сызыктан ээктин сызыгына чейинки аралык (четки чекиттер) 15 ± 2 мм;

- баштан тартып сүрөттүн жогорку четине чейинки аралык 6 ± 2 мм.

3. Сүрөт түстүү болушу керек.

4. Сүрөттүн кагазы жылмакай, жалтырак же жарым жалтырак.

5. Сүрөттүн фону бир түстө болушу керек.

6. Жүздүн эки тарабынан тең жарык бирдей берилиши керек.

7. Сүрөт ачык, чийиксиз жана тытылбаган болушу керек.

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 11-тиркеме

Форма

ТК

Ташуучунун карточкасын берүүгө АРЫЗ

Кабыл алынды ____________________________________ (аты-жөнү) ____________________________________ (өзгөчө белгилер)

Катталган датасы

-

-

Арыздын номери

1. Ташуучу жөнүндө маалымат

Ташуучунун аталышы

Ташуучунун жайгашкан жери (юридикалык дареги)

Ташуучунун почта дареги

Телефон

Факс

Алыш-бериш эсеби, тейлөөчү банктын аталышы, анын жайгашкан жери, коду

ИСН

Мамлекеттик каттоо жөнүндө күбөлүк

Номер

Берилген датасы (күнү, айы, жылы)

-

-

Ким тарабынан берилген

Санариптик тахографтар менен жабдылган транспорт каражаттарынын саны

Автомобилдик ташуучунун жетекчиси жөнүндө маалыматтар

Фамилиясы

Аты

Атасынын аты

2. Мурда берилген карточка жөнүндө маалыматтар

Автомобилдик ташуучу автомобилдик ташуучунун карточкаларынын ээси болуп саналабы

Ооба

Жок

Болгон жарактуу карточкалардын саны

3. Карточканы алуу:

Биринчи жолу

Кайрадан

Себеби:

Зарыл болгон карточкалардын саны

4. Берилген документтер жана алардын көчүрмөлөрү

1. Карточканын жоголгон (уурдалган) жагдайларын көрсөтүү менен (карточка жоголгон (уурдалган) учурда) түшүндүрмө

2. Төлөмдү ырастаган документ

3. Ишеним кат (юридикалык жактын жетекчисинен башка өкүлү үчүн)

Төмөнкүнү ырастайм: карточканы колдонуунун, андагы маалыматтарды эсепке алуунун жана сактоонун тартиби менен тааныштым жана макулмун; ушул арызда жана тиркелген документтерде көрсөтүлгөн маалыматтар чындыкка дал келет; ушул арызда жана тиркелген документтерде көрсөтүлгөн маалыматтар менен тааныштым жана карточканы берген орган аларды өз ишинде колдоноруна макулмун.

Датасы (күнү, айы, жылы)

-

-

Айдоочунун колу

Ташуучунун аты-жөнү

___________________________________

Кесүү линиясы

---------------------------------------------------------------------------------------------------------------------------------------------------------------------------------------------------------
---------------------------------------------------------------------------------------------------------------------------------------------------------------------------------------------------------

Арыздын кабыл алынгандыгы жөнүндө белги

Арыздын номери

Кабыл алдым (фамилиясы, инициалдары)

Датасы (күнү, айы, жылы)

-

-

Колу

Эскертүүлөр:

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 12-тиркеме

Форма

ТБК

Сервистик борбордун карточкасын берүүгө АРЫЗ

Кабыл алынды ____________________________________ (аты-жөнү) ____________________________________ (өзгөчө белгилер)

Катталган дата

-

-

Арыздын номери

1. Электрондук (санариптик) тахографтарды орнотуу, тейлөө жана оңдоо боюнча кызматтарды көрсөтүүгө (иштерди аткарууга) уруксаты бар юридикалык жак (жеке ишкер) жөнүндө маалыматтар

Толук аталышы

Сервистик борбордун жайгашкан жери (юридикалык дареги)

Сервистик борбордун почталык дареги

Телефону

Факсы

Алыш-бериш эсеби, тейлөөчү банктын аталышы, анын жайгашкан жери, коду

ИСН

Мамлекеттик каттоо жөнүндө күбөлүгү

Номери

Берилген датасы (күнү, айы, жылы)

-

-

Ким тарабынан берилген

Ченөө каражаттарын оңдоо боюнча кызматтарды көрсөтүүгө шайкештик сертификаты (бар болсо)

Номер

Берилген датасы (күнү, айы, жылы)

-

-

Ким тарабынан берилген

Иштин түрү

Ченөө каражаттарын оңдоо боюнча кызматтарды көрсөтүүгө шайкештик сертификаты (бар болсо)

Номер

Берилген датасы (күнү, айы, жылы)

-

-

Жетекчиси жөнүндө маалымат

Фамилиясы

Аты

Атасынын аты

2. Сервистик борбор жөнүндө маалымат

Санариптик тахографтарды орнотуу, активдештирүү жана оңдоо боюнча кызматтарды көрсөтүүгө (иштерди аткарууга) уруксатта көрсөтүлгөн сервистик борбордун жайгашкан жери

Сервистик борбордун кызматкеринин жеке маалыматы

Фамилиясы

Surname

Аты

Given names

Атасынын аты

Туулган датасы

-

-

Туулган жери

Кыргыз Республикасынын жаранынын паспорту же өздүгүн күбөлөндүргөн башка документи (сериясы, номери)

Идентификациялык номери (бар болсо)

Берилген датасы (күнү, айы, жылы)

-

-

Берген мамлекеттик органдын аталышы

Жумуш телефону

Үй телефону

Уюлдук телефону

Соттуулугу

Ооба

Жок

3. Мурда берилген карточка жөнүндө маалымат

Сиз карточканын ээси болосузбу?

Ооба

Жок

Эгерде "Ооба" болсо, мурдагы карточканы берген органды көрсөтүңүз

Берилген датасы (күнү, айы, жылы)

-

-

Чейин жарактуу (күнү, айы, жылы)

-

-

Карточканын номери

Карточканын статусу

Жарактуу

Жараксыз

Уурдалган/жоголгон

4. Карточканы алуу:

Алгачкы жолу

Кайрадан

Себеби:

5. Берилген документтер жана алардын көчүрмөлөрү:

1. Кыргыз Республикасынын жаранынын паспорту же сервистик борбордун кызматкеринин өздүгүн күбөлөндүргөн башка документи (арыз ээсине кайтарылды) жана анын көчүрмөсү

2. Кызматкерине карточка берүүгө сервистик борбордун сунушу

3. Сервистик борбордун кызматкеринин эмгек китепчесинин көчүрмөсү же кызматкер менен сервистик борбордун ортосундагы эмгек мамилелерин ырастаган башка документтин көчүрмөсү

4. Сервистик борбордун кызматкерине санариптик тахографты даярдоочу (анын өкүлү) же транспорт жана коммуникациялар чөйрөсүндөгү ыйгарым укуктуу мамлекеттик орган тарабынан ыйгарым укук берилген сервистик борбордун кызматкери тиешелүү окуудан өткөндүгүн ырастоочу документ (күбөлүк) (арыз ээсине кайтарылган) жана анын көчүрмөсү

5. Ченөө каражаттарын оңдоо боюнча кызматтарды көрсөтүүгө шайкештик сертификатынын көчүрмөсү (бар болсо)

6. Карточканын жоголгон (уурдалган) жагдайларды көрсөтүү менен түшүндүрмө

7. Акы төлөнгөндүгүн ырастаган документ

Төмөнкүнү ырастайм: карточканы пайдалануу, андагы маалыматты эсепке алуу жана сактоо тартиби менен тааныштым жана макулмун; ушул арызда жана тиркелген документтерде көрсөтүлгөн маалыматтар чындыкка дал келет; карточканы берген орган ушул арызда жана тиркелген документтерде мен көрсөткөн маалыматтарды өз ишинде колдоно ала тургандыгы менен тааныштым.

Датасы (күнү, айы, жылы)

-

-

Колу

Ыйгарым укуктуу адамдын аты-жөнү

___________________________________

________________________________________________________________________________________________________________________

Ыйгарым укуктуу адамдын колу

Кесүү линиясы

---------------------------------------------------------------------------------------------------------------------------------------------------------------------------------------------------------
---------------------------------------------------------------------------------------------------------------------------------------------------------------------------------------------------------

Арыздын кабыл алынгандыгы жөнүндө белги

Арыздын номери

Кабыл алдым (фамилиясы, инициалдары)

Датасы (күнү, айы, жылы)

-

-

Колу

Эскертүүлөр:

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 13-тиркеме

Форма

КК

Контролдук карточканы даярдоого АРЫЗ

Кабыл алынды ____________________________________ (аты-җөнү) ____________________________________ (өзгөчө белгилер)

Катталган датасы

-

-

Арыздын номери

1. Мамлекеттик орган жөнүндө маалымат:

Толук аталышы

Жайгашкан жери

Толук дареги

Телефону

Факсы

Алыш-бериш эсеби, тейлөөчү банктын аталышы, анын жайгашкан жери, коду

ИСН

Жетекчи жөнүндө маалымат

Фамилиясы

Аты

Атасынын аты

2. Мурда берилген карточка жөнүндө маалымат

Сиз карточканын ээси болуп саналасызбы

Ооба

Жок

Болгон жарактуу карточкалардын саны

3. Карточканы алуу:

Биринчи жолу

Кайрадан

Себеби:

Карточкалардын керектүү саны

4. Арыз берүүдө тапшырылган документтер жана алардын көчүрмөлөрү

1. Кызматкердин сүрөтүн тиркөө менен мамлекеттик органдын кызматкерине карточка берүүгө сунуштама (1 даана)

2. Карточканын жоголгон (уурдалган) жагдайларын көрсөтүү менен (карточка жоголгон (уурдалган) учурда) түшүндүрмө

3. Төлөмдүн төлөнгөндүгүн ырастаган документ

Төмөнкүнү ырастайм: карточканы колдонуунун, андагы маалыматтарды эсепке алуунун жана сактоонун тартиби менен тааныштым; ушул арызда жана тиркелген документтерде көрсөтүлгөн маалыматтар чындыкка дал келет; карточканы берген орган ушул арызда жана тиркелген документтерде көрсөтүлгөн маалыматтарды өз ишинде колдоно ала тургандыгы менен тааныштым.

Датасы (күнү, айы, жылы)

-

-

Колу

Ыйгарым укуктуу адамдын аты-жөнү

___________________________________

________________________________________________________________________________________________________________________

Кесүү линиясы

---------------------------------------------------------------------------------------------------------------------------------------------------------------------------------------------------------
---------------------------------------------------------------------------------------------------------------------------------------------------------------------------------------------------------

Арыздын кабыл алынгандыгы жөнүндө белги

Арыздын номери

Кабыл алдым (фамилиясы, инициалдары)

Датасы (күнү, айы, жылы)

-

-

Колу

Эскертүүлөр:

Автотранспорт каражаттарын айдоочулардын эмгек жана эс алуу режимин каттоочу контролдук түзүлүштөр (тахографтар) менен жабдуу тартибине 14-тиркеме

ATTESTATION OF ACTTVITIES/FORMULAIRE D’ATTESTATION D’ACTIVITES ИШТИ ЫРАСТООЧУ БЛАНК ((ЕБ) 561/2006 регламенти же ЕСТР макулдашуусу)/ (REGULATION (ЕС) 561/2006 OR THE AETR) Басма латын тамгалары менен толтурулат жана каттамга чейин кол коюлат/То be filled in by typing in Latin characters and signed before a journey Сакталууга тийиш болгон контролдук түзүлүштүн жазууларына тиркелет/То be kept with the original control device records wherever they are required to be kept Ырастоо бланкын окшотуп жасоо - укук бузуу болуп caналат/False attestations constitute an infringement

Ишкана тарабынан толтурулууга тийиш болгон бөлүк (Part to be filled in by the undertaking)

1. Ишкананын аталышы/ Name of the undertakin: ...........................................................................................

..................................................................................................................................................................................

2. Көчө, почта индекси, шаар/Street address, postal code, city: ...................................................................

.................................................................................................................................................................................. Өлкө/Country:

3. Телефон номери (эл аралык кодду кошо алганда)/Теlерһоne number (including international prefix):

..................................................................................................................................................................................

4. Факстын номери (эл аралык кодду кошо алганда)/Fах number (including international prefix):

..................................................................................................................................................................................

5. Электрондук почтанын дареги/e-mail address: ..........................................................................................

.................................................................................................................................................................................. Мен, төмөндө кол койгон (I, the undersigned):

6. Фамилиясы жана aты/Name and first name: ...............................................................................................

..................................................................................................................................................................................

7. Ишканадагы кызмат орду/Position in the undertaking: ..............................................................................

.................................................................................................................................................................................. айдоочу тууралуу билдирем/ declare that the driver:

8. Фамилиясы жана аты/Name and first name: ..............................................................................................

..................................................................................................................................................................................

9. Туулган датасы: (күнү/айы/жылы)Date of birth (day/month/year):

..................................................................................................................................................................................

10. Айдоочу күбөлүгүнүн же ким экендигин ырастаган күбөлүгүнүн же паспортунун номери/

riving licence or identity card or passport number: ..................................................................................................................................................................................

11. Ишканада (күнү/айы/жылы) тартып иштеп баштаган/who has started to work at the undertaking

on (day/month/year) мезгил аралыгында/for the period: ..................................................................................................................................................................................

12. (сааты/күнү/айы/жылы) тартып/from (day/month/year): ..........................................................................

..................................................................................................................................................................................

13. (сааты/күнү/айы/жылы) чейин/to (day/month/year): ................................................................................

..................................................................................................................................................................................

14. ⎕ ооругандыгына байланыштуу өргүүдө болду/was on sick leave

15. ⎕ жылдык өргүүдө болду/was on annual leave)

16. ⎕ өргүүдө же эс алууда болду/was on leave or rest

17. ⎕ (ЕБ) 561/2006 регламентинин же ЕСТР макулдашуусунун жоболорунун колдонулушу

жайылтылбаган транспорт каражатын башкарды/drove a vehicle exempted from the scope of the Regulation(EC) 561/2006 or the AETR

18. ⎕ транспорт каражатын башкаруудан айырмаланган башка ишти аткарды, ***/was performing

any work other than driving of a vehicle

19. ⎕ күтүүдө болду***/was available

20. Жери/Place: ................................................................ Датасы/date: ........................................................

Колу/signature ...................................................................................................................................................

21. Мен, төмөндө кол койгон айдоочу жогоруда көрсөтүлгөн мезгил аралыгында (ЕБ) 561/2006 регламентинин же ЕСТР макулдашуусунун жоболорунун колдонулушу жайылтылган транспорт каражатын башкарбагандыгымды ырастайм.

(I, the driver, confirm that I have not been driving a vehicle falling under the scope of the (EC) Regulation 561/2006 or AETR during the period mentioned above).

22. Жери/Place: ................................ Датасы/date: .....................................

Айдоочунун колу/signature of the driver ______________________________________

*** Бир гана позиция тандалат/ Choose only one box.

Пайдалануу боюнча көрсөтмө. (Мүмкүн болушунча бланктын арткы бетине баяндаңыз):

а) ушул бланктын бардык позициялары транспорттук ишкананын рейсине чыкканга чейин жана тиешелүү айдоочу тарабынан толтурулууга тийиш;

б) бланктын текстин өзгөртүүгө жол берилбейт;

в) эгерде ага транспорттук ишкананын ыйгарым укуктуу өкүлү да, айдоочунун өзү да кол койгон болсо, бланк жарактуу деп эсептелет. Жеке ишканалар болгон учурда, айдоочу бланкка ишкананын атынан бир жолу жана айдоочу катары бир жолу кол коет. Бул документтин кол коюлган түп нускасы гана жарактуу деп эсептелет;

г) бланктын басып чыгарылган кагазында ишкананын логотиби камтылышы мүмкүн. 1-5-позициялары күн мурун басып чыгарылышы мүмкүн. Ишкананын мөөрү бланкка кол коюуга тийиш болгон адамдын колун алмаштыра албайт, бирок анын колу мөөр менен бекемделиши мүмкүн;

д) бланктын арткы бетинде кошумча улуттук же региондук маалымат көрсөтүлүүгө тийиш;

е) эгерде ушул бланк англис же француз тилдеринен башка тилде түзүлсө, анда анын улуттук тилдеги аталышы бланкта сакталууга тийиш болгон англис жана француз тилдериндеги аталыштарынын астында көрсөтүлүүгө тийиш. Эгерде бланк англис тилинен башка тилде жазылган болсо, анда бланктын өзүндөгү бөлүмдөрдүн аталыштары англис тилинде кайталанышы керек (жогорудагы үлгүнү караңыз).

2. (башка мүмкүн болгон форма үчүн резервге калтырылган).