КР Министрлер Кабинетинин «Кыргыз Республикасынын Өкмөтүнүн 2014-жылдын 12-февралындагы № 89 „Кыргыз Республикасынын Өкмөтүнүн Соттук өкүлчүлүк борборун түзүү жөнүндө“ токтомуна өзгөртүүлөрдү киргизүү тууралуу» Токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2021-жылдын 13-июлу № 73

Кыргыз Республикасынын Өкмөтүнүн 2014-жылдын 12-февралындагы № 89 "Кыргыз Республикасынын Өкмөтүнүн Соттук өкүлчүлүк борборун түзүү жөнүндө" токтомуна өзгөртүүлөрдү киргизүү тууралуу

Кыргыз Республикасынын Президентинин 2021-жылдын 5-майындагы № 114 "Кыргыз Республикасынын Министрлер Кабинети жөнүндө" Жарлыгын ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын Конституциялык Мыйзамынын 10 жана 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2014-жылдын 12-февралындагы № 89 "Кыргыз Республикасынын Өкмөтүнүн Соттук өкүлчүлүк борборун түзүү жөнүндө" токтомуна төмөнкүдөй өзгөртүүлөр киргизилсин:

1) аталышындагы "Өкмөтүнүн" деген сөз "Министрлер Кабинетинин" деген сөздөр менен алмаштырылсын;

2) преамбуласындагы "Өкмөтүнүн" деген сөз "Министрлер Кабинетинин" деген сөздөр менен, "Жогорку сотунун Конституциялык палатасында" деген сөздөр "Конституциялык сотунда" деген сөздөр менен алмаштырылсын;

3) 1-пункту төмөнкүдөй редакцияда баяндалсын:

"1. Кыргыз Республикасынын Министрлер Кабинетинин Соттук өкүлчүлүк борбору (мындан ары - Борбор) түзүлсүн.";

4) 2-пунктунда:

экинчи абзацындагы "Өкмөтүнүн" деген сөз "Министрлер Кабинетинин" деген сөздөр менен, "Жогорку сотунун Конституциялык палатасында" деген сөздөр "Конституциялык сотунда" деген сөздөр менен алмаштырылсын; үчүнчү абзацындагы "Өкмөтүнүн" деген сөз "Министрлер Кабинетинин" деген сөздөр менен, "Жогорку сотунун Конституциялык палатасында" деген сөздөр "Конституциялык сотунда" деген сөздөр менен алмаштырылсын; төртүнчү абзацындагы "Жогорку сотунун Конституциялык палатасында" деген сөздөр "Конституциялык сотунда" деген сөздөр менен алмаштырылсын; жетинчи абзацындагы "Өкмөтүнүн" деген сөз "Министрлер Кабинетинин" деген сөздөр менен, "Жогорку сотунун Конституциялык палатасында" деген сөздөр "Конституциялык сотунда" деген сөздөр менен алмаштырылсын; тогузунчу абзацындагы "Өкмөтүнө" деген сөз "Министрлер Кабинетине" деген сөздөр менен алмаштырылсын; онунчу абзацындагы "Өкмөтүнүн Аппараты" деген сөздөр "Президентинин Администрациясы" деген сөздөр менен алмаштырылсын;

5) жогоруда аталган токтом менен бекитилген Борбор жөнүндө жобо ушул токтомдун 1-тиркемесине ылайык редакцияда баяндалсын;

6) жогоруда аталган токтом менен бекитилген Борбордун мамлекеттик органдар менен өз ара байланышта иштешүүсүнүн регламенти ушул токтомдун 2-тиркемесине ылайык редакцияда баяндалсын;

7) 8-пунктунда:

биринчи абзацындагы "Өкмөтүнүн" деген сөз "Министрлер Кабинетинин" деген сөздөр менен алмаштырылсын; экинчи абзацындагы "Өкмөтүнүн" деген сөз "Министрлер Кабинетинин" деген сөздөр менен алмаштырылсын.

2. Бул токтом расмий жарыяланган күндөн тартып жети күн өткөндөн кийин күчүнө кирет.

"Эркин Тоо" газетасынын 2021-жылдын 16-июлундагы N 80 жарыяланды

Кыргыз Республикасынын Министрлер Кабинетинин Төрагасы

У.Марипов

1-тиркеме

"Кыргыз Республикасынын Министрлер Кабинетинин Соттук өкүлчүлүк борбору жөнүндө ЖОБО

Кыргыз Республикасынын Министрлер Кабинетинин Соттук өкүлчүлүк борбору (мындан ары - Борбор) Кыргыз Республикасынын Министрлер Кабинетинин, ошондой эле Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында, ошондой эле Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргоого арналган.

1. Жалпы жоболор

1. Борбор өз ишинде Кыргыз Республикасынын Конституциясын, Кыргыз Республикасы катышкан, мыйзам менен белгиленген тартипте күчүнө кирген эл аралык келишимдерди, Кыргыз Республикасынын башка ченемдик укуктук актыларын, ошондой эле ушул Жобону жетекчиликке алат.

2. Борбордун уюштуруу документи болуп Жобо эсептелет.

3. Борбордун толук аталышы:

- мамлекеттик тилде: "Кыргыз Республикасынын Министрлер Кабинетинин Соттук өкүлчүлүк борбору";

- расмий тилде: "Центр судебного представительства Кабинета Министров Кыргызской Республики".

4. Борбор ыкчам башкаруу укугунда негизделген, мекеменин уюштуруучулук-укуктук формасында иштеген юридикалык жак болуп саналат.

Борбор ыкмам башкарууга берилген мамлекеттик мүлктүн сакталышын камсыз кылууга милдеттүү. Борбордун негизги жана жүгүртүүдөгү каражаттары, өз алдынча балансы, Кыргыз Республикасынын казыналык системасындагы алыш-бериш эсептери бар. Борбордун мамлекеттик жана расмий тилдердеги өз аталышы менен гербдүү мөөрү, штамптары, белгиленген үлгүдөгү бланктары жана башка визуалдык жекелештирүү каражаттары бар.

5. Борбордун юридикалык дареги: Кыргыз Республикасы, Бишкек шаары, Раззаков көчөсү, 59.

2. Борбордун максаттары жана милдеттери

6. Борбордун максаты арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү териштирүүлөрдө тараптар катары чыккан Кыргыз Республикасынын Министрлер Кабинети, башка мамлекеттик органдар үчүн талаштын кыйла жагымдуу чечилишине жетишүү болуп эсептелет.

Борбордун милдеттери болуп төмөнкүлөр эсептелет:

- Кыргыз Республикасынын Министрлер Кабинетинин кызыкчылыктарын, ошондой эле Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында коргоо, анын мыйзам жана Кыргыз Республикасы катышкан башка эл аралык келишимдер менен корголуучу бузулган, талашка түшкөн укуктарын коргоо;

- Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргоо;

- сот органдарынын материалдык-техникалык жактан камсыз болуусун жакшыртууга көмөк көрсөтүү.

3. Борбордун ыйгарым укуктары

7. Борбор төмөнкүдөй ыйгарым укуктарга ээ:

- Кыргыз Республикасынын Министрлер Кабинетинин, ошондой эле Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү соттордо коргойт;

- Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргойт;

- арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында кызыкчылыктарды, мыйзам жана Кыргыз Республикасы катышкан башка эл аралык келишимдер менен корголуучу бузулган, талашка түшкөн укуктарды коргоо боюнча мамлекеттик органдардын ишин координациялайт;

- Кыргыз Республикасынын Министрлер Кабинетинин укуктарын жана кызыкчылыктарын, ошондой эле Кыргыз Республикасынын кызыкчылыктарын коргоо максатында арбитраждык сотторго, эл аралык сотторго, эл аралык арбитраждык сотторго, чет өлкөлүк сотторго, бейтарап сотторго жана башка адистештирилген сотторго, Кыргыз Республикасынын Жогорку сотуна, Кыргыз Республикасынын Конституциялык сотуна жана жергиликтүү соттук териштирүүлөргө катышат;

- Кыргыз Республикасынын мамлекеттик органдарынын укуктарын жана кызыкчылыктарын коргоо максатында арбитраждык сотторго, эл аралык сотторго, эл аралык арбитраждык сотторго, чет өлкөлүк сотторго, бейтарап сотторго жана башка адистештирилген сотторго катышат;

- арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында Кыргыз Республикасынын Министрлер Кабинетинин атынан Кыргыз Республикасынын мыйзамдарында, Кыргыз Республикасы катышкан, мыйзамда белгиленген тартипте күчүнө кирген эл аралык келишимдерде каралган бардык процесстик аракеттерди жасайт;

- Кыргыз Республикасынын Министрлер Кабинетинин, Кыргыз Республикасынын Президентинин Администрациясынын Жетекчисинин орун басарларынын Борбордун компетенциясына кирген маселелер боюнча арбитраждык соттор, эл аралык соттор, эл аралык арбитраждык соттор, чет өлкөлүк соттор, бейтарап соттор жана башка адистештирилген соттор, Кыргыз Республикасынын Жогорку соту, Кыргыз Республикасынын Конституциялык соту жана жергиликтүү сот органдары менен өз ара аракеттенүүсүн камсыз кылат;

- Кыргыз Республикасынын Министрлер Кабинетинин кызыкчылыктарын, ошондой эле Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында коргоо боюнча Кыргыз Республикасынын Министрлер Кабинетинин өкүлдөрүнүн ишин координациялайт;

- Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргоо боюнча Кыргыз Республикасынын мамлекеттик органдарынын өкүлдөрүнүн ишин координациялайт;

- Кыргыз Республикасынын Министрлер Кабинетинин Төрагасы, Кыргыз Республикасынын Министрлер Кабинети жана Кыргыз Республикасынын мамлекеттик органдары тарап катары чыккан иштер боюнча соттук жана укук колдонуу тажрыйбасын жалпылаштырат жана талдайт;

- Кыргыз Республикасынын Президентинин Администрациясына мыйзамдардын, Кыргыз Республикасынын Министрлер Кабинетинин токтомдорунун жана тескемелеринин, Кыргыз Республикасынын Министрлер Кабинетинин Төрагасынын тескемелеринин жана Борбордун компетенциясына кирген маселелер боюнча башка документтердин долбоорлорун иштеп чыгуунун максатка ылайыктуулугу жөнүндө сунуштарды киргизет;

- министрликтерге, мамлекеттик комитеттерге, административдик ведомстволорго, башка мамлекеттик органдарга Борбордун компетенциясына кирген маселелер боюнча Кыргыз Республикасынын Министрлер Кабинетинин Төрагасынын, Кыргыз Республикасынын Министрлер Кабинетинин Төрагасынын орун басарларынын, Кыргыз Республикасынын Президентинин Администрациясынын Жетекчисинин орун басарларынын тапшырмаларынын долбоорлорун даярдайт;

- министрликтер, мамлекеттик комитеттер, административдик ведомстволор, башка мамлекеттик органдар тарабынан Борбордун тапшырмаларынын аткарылышын контролдоону камсыз кылат;

- Борбордун компетенциясына кирген маселелер боюнча Кыргыз Республикасынын Министрлер Кабинети, Кыргыз Республикасынын Министрлер Кабинетинин Төрагасы, Кыргыз Республикасынын Министрлер Кабинетинин Төрагасынын орун басарлары, Кыргыз Республикасынын Президентинин Администрациясынын Жетекчисинин орун басарлары тарабынан маселелер каралганда зарыл болгон аналитикалык, маалыматтык жана башка материалдарды даярдайт;

- Борбордун компетенциясына кирген маселелер боюнча министрликтердин, мамлекеттик комитеттердин, административдик ведомстволордун жана башка мамлекеттик органдардын ишин координациялайт;

- Кыргыз Республикасынын Министрлер Кабинетинин Төрагасына, Кыргыз Республикасынын Министрлер Кабинетинин Төрагасынын орун басарларына, Кыргыз Республикасынын Президентинин Администрациясынын Жетекчисинин орун басарларына даректелген министрликтерден, мамлекеттик комитеттерден, административдик ведомстволордон жана тейлеген маселелери боюнча башка мамлекеттик органдардан келген каттарды жана кайрылууларды кароону камсыздайт;

- Кыргыз Республикасынын Министрлер Кабинетине жана Кыргыз Республикасынын Министрлер Кабинетинин Төрагасына коюлган доо арыздар, ошондой эле Кыргыз Республикасынын Министрлер Кабинетинин арбитраждык соттордогу, эл аралык соттордогу, эл аралык арбитраждык соттордогу, чет өлкөлүк соттордогу, бейтарап соттордогу жана башка адистештирилген соттордогу, Кыргыз Республикасынын Жогорку сотундагы, Кыргыз Республикасынын Конституциялык сотундагы өкүлдөрү жөнүндө маалыматтар базасын түзөт жана системалаштырат;

- Кыргыз Республикасынын мамлекеттик органдарына коюлган доо арыздар, ошондой эле Кыргыз Республикасынын мамлекеттик органдарынын арбитраждык соттордогу, эл аралык соттордогу, эл аралык арбитраждык соттордогу, чет өлкөлүк соттордогу, бейтарап соттордогу жана башка адистештирилген соттордогу өкүлдөрү жөнүндө маалыматтар базасын түзөт жана системалаштырат;

- Кыргыз Республикасынын Министрлер Кабинетине жана башка мамлекеттик органдарга алардын укуктарын жана кызыкчылыктарын коргоодо консультациялык жана башка жардам көрсөтөт;

- арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында Кыргыз Республикасынын Министрлер Кабинетине, башка мамлекеттик органдарга коюлган доо арыздарга мониторинг жана талдоо жүргүзөт;

- эл аралык арбитраждык соттордун жана органдардын арбитрлеринин маалыматтар базасын жүргүзөт, алардын чыгарган чечимдерин талдайт;

- Кыргыз Республикасынын мыйзамдарына каршы келбеген башка функцияларды жана иштин түрлөрүн жүргүзөт;

- мамлекеттик органдардан өзүнүн милдеттерин жана функцияларын аткаруу үчүн зарыл болгон бардык материалдарды, документтерди жана маалыматтарды, анын ичинде Кыргыз Республикасынын Министрлер Кабинетинин кызыкчылыктарын коргоо үчүн талапкерлерди сурап алат;

- Кыргыз Республикасынын Министрлер Кабинетинин, ошондой эле Кыргыз Республикасынын башка мамлекеттик органдарынын кызыкчылыктарын коргоо боюнча арбитраждык соттор, эл аралык соттор, эл аралык арбитраждык соттор, чет өлкөлүк соттор, бейтарап соттор жана башка адистештирилген соттор, Кыргыз Республикасынын Жогорку соту, Кыргыз Республикасынын Конституциялык соту менен кат алышуу жүргүзөт;

- белгиленген тартипте юридикалык жана жеке жактар менен эсептешүүлөрдү, анын ичинде накталай эмес эсептешүүлөрдү жүргүзөт;

- арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда доогер жана жоопкер болушу мүмкүн;

- Борбордун милдеттерине жана функцияларына ылайык уюштуруу-укуктук түрүнө карабастан юридикалык жактар менен, ошондой эле жеке жактар менен белгиленген тартипте келишимдерди түзөт;

- Борбордун кызматкерлерин командировкага, анын ичинде чет өлкөлөргө, ошондой эле эл аралык конференцияларга, семинарларга катышуу үчүн жиберет;

- зарыл болгон учурда эмгек келишимдеринин, башка жарандык-укуктук келишимдердин негизинде иштерди аткаруу үчүн Борборго эксперттерди жана адистерди, анын ичинде чет өлкөлүктөрдү ишке тартат;

- ушул Жободо белгиленген милдеттерге ылайык Кыргыз Республикасынын аймагында жана анын чегинен тышкары өз ишин жүргүзүү үчүн зарыл болгон филиалдарды жана өкүлчүлүктөрдү белгиленген тартипте түзөт;

- Борбордун компетенциясына кирген маселелер боюнча кеңешмелерди жана семинарларды белгиленген тартипте уюштурат;

- бардык иштегендер үчүн эмгектин коопсуз шарттарын камсыз кылат, алардын ден соолугуна жана эмгекке жөндөмдүүлүгүнө келтирилген зыян үчүн мыйзамда белгиленген тартипте жоопкерчилик тартат;

- Борбордун отчетторун өз убагында салык органдарына берет жана Кыргыз Республикасынын мыйзамдарында аныкталган тартипте жана өлчөмдөрдө салыктарды төлөйт.

Уруксат талап кылынган иштин түрлөрү боюнча Борбор өз ишин тиешелүү органдар тарабынан берилген лицензиялардын (уруксаттардын) негизинде жүргүзөт.

4. Борборду башкаруу

8. Борбордун ишин башкарууну Кыргыз Республикасынын Президентинин Администрациясынын Жетекчисинин орун басарынын сунуштамасы боюнча Кыргыз Республикасынын Министрлер Кабинетинин Төрагасы тарабынан кызматка дайындалуучу жана кызматтан бошотулуучу директор жүзөгө ашырат.

Директордун бир орун басары болот, аны Борбордун директорунун сунуштамасы боюнча Кыргыз Республикасынын Министрлер Кабинетинин Төрагасы кызматка дайындайт жана кызматтан бошотот. Борбордун директору жок болгон учурда директордун орун басары Борбордун директорунун милдетин аткарат.

9. Борбордун директору:

- Борбордун ишин жетектейт жана Борборго жүктөлгөн милдеттердин, функциялардын аткарылышы жана анын ишинин натыйжалары үчүн жоопкерчилик тартат;

- Кыргыз Республикасынын Министрлер Кабинетинин чечимдеринин аткарылышын камсыз кылат;

- Борбордун атынан ишеним катсыз аракеттенет, бардык мамлекеттик органдарда, юридикалык жана жеке адамдар менен өз ара аракеттенүүдө анын кызыкчылыктарын коргойт, келишимдерди түзөт, ишеним каттарды берет, банктарда алыш-бериш эсептерин ачат, банктык жана финансылык документтерге кол коёт;

- Кыргыз Республикасынын Министрлер Кабинетинин, Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында коргоодо ишеним катсыз иштейт, ошондой эле келишимдин негизинде адистерди ишке тартат жана аларга арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында Кыргыз Республикасынын Министрлер Кабинетинин кызыкчылыктарын коргоого укук берүүчү ишеним каттарды берүүгө укуктуу;

- Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргоодо ишеним катсыз аракеттенет, ошондой эле келишимдик негизде адистерди ишке тартат жана аларга арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо Кыргыз Республикасынын мамлекеттик органдарынын кызыкчылыктарын коргоо укугуна ишеним каттарды берүүгө укуктуу;

- Кыргыз Республикасынын Министрлер Кабинетинин, ошондой эле Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында коргоого адистерди тартат жана аларга ишеним каттарды берет;

- Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргоого адистерди тартат жана аларга ишеним каттарды берет;

- сот процесстерине катышат жана Кыргыз Республикасынын мыйзамдарында берилген бардык процесстик укуктарды, анын ичинде доо талаптарынан толук же жарым-жартылай баш тартуу, доо арызын таануу, доо арызынын предметин же негизин өзгөртүү, тынчтык келишимин түзүү, сот актыларына даттануу, ошондой эле билдирүүлөрдү жасоо, талаптарды азайтуу же көбөйтүү, каршы доо талаптарын коюу жана башка процесстик аракеттерди жасоо укуктарынан пайдаланат;

- өз компетенциясынын чегинде буйруктарды чыгарат, Борбордун бардык кызматкерлери үчүн милдеттүү болгон көрсөтмөлөрдү берет жана алардын аткарылышын контролдоону уюштурат;

- Борборго жүктөлгөн милдеттердин аткарылышы жана анын ишинин натыйжалары үчүн жоопкерчилик тартат;

- директордун орун басарынын жана Борбордун башка кызматкерлеринин ыйгарым укуктарын белгилейт;

- Борбордун кызматкерлеринин функциялык милдеттерин аныктайт жана штаттык ырааттамасын бекитет;

- Борбордун кызматкерлерин кызматка дайындайт жана кызматтан бошотот;

- Борбордун кызматкерлерине карата тартиптик жаза чараларын жана сыйлоо чараларын колдонот;

- мыйзамдарга ылайык Борбордун кызматкерлерин социалдык жана милдеттүү камсыздандыруунун башка түрлөрү менен камсыз кылат;

- Борбордун милдеттерин жана функцияларын аткаруу үчүн зарыл болгон башка аракеттерди жасайт.

5. Борбордун мүлкү

10. Борбордун мүлкү мамлекеттин менчиги болуп эсептелет.

Борбор мүлктү өз ишинин максаттарына, менчик ээсинин тапшырмаларына жана мүлктүн багытына ылайык пайдаланууга укуктуу.

11. Борбордун каржылоо булактары болуп төмөнкүлөр саналат:

- республикалык бюджет;

- гранттар, банктардын жана башка кредиторлордун кредиттери;

- юридикалык жана жеке жактардын ыктыярдуу төгүмдөрү;

- Кыргыз Республикасынын мыйзамдары тыюу салбаган башка кирешелер.

12. Мекеменин алган кирешелери, ошондой эле менчик каражаттарына сатып алынган мүлк ага менчик укугунда таандык болот.

6. Борбордун отчеттуулугу

13. Борбор өз ишин бекитилген иш пландарынын негизинде жүзөгө ашырат жана алар боюнча Кыргыз Республикасынын Министрлер Кабинетинин Төрагасынын алдында отчет берет.

14. Борбор Кыргыз Республикасынын мыйзамдарында белгиленген тартипте өз ишинин жыйынтыктарынын чарбалык, бухгалтердик жана статистикалык эсебин жүргүзөт.

7. Борборду кайра уюштуруу жана жоюу

15. Борборду кайра уюштуруу жана жоюу уюштуруучунун чечими боюнча, ошондой эле Кыргыз Республикасынын мыйзамдарында белгиленген учурларда жана тартипте сот тарабынан ишке ашырылат.

16. Борборду кайра уюштурууда жана жоюуда бошотулган кызматкерлерге компенсация төлөнөт, ошондой эле Кыргыз Республикасынын мыйзамдарында каралган башка жеңилдиктер жана кепилдиктер берилет.

17. Борбордун иш процессинде пайда болгон документтер "Кыргыз Республикасынын улуттук архив фонду жөнүндө" Кыргыз Республикасынын Мыйзамына ылайык пайдаланылат жана сакталат.".

2-тиркеме

"Кыргыз Республикасынын Министрлер Кабинетинин Соттук өкүлчүлүк борборунун мамлекеттик органдар менен өз ара аракеттенүүсүнүн РЕГЛАМЕНТИ

1. Ушул Регламент Кыргыз Республикасынын Министрлер Кабинетинин кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында, ошондой эле Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргоо маселелери боюнча Кыргыз Республикасынын Министрлер Кабинетинин Соттук өкүлчүлүк борборунун (мындан ары - Борбор) мамлекеттик органдар менен өз ара аракеттенүү тартибин аныктайт.

2. Борбор Кыргыз Республикасынын Министрлер Кабинетинин бузулган же талашка түшкөн укуктарын, мыйзам жана Кыргыз Республикасы катышкан башка эл аралык келишимдер менен корголуучу кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында, ошондой эле Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо коргоону ишке ашырат.

3. Тарап катары чыккан Кыргыз Республикасынын Министрлер Кабинети, Кыргыз Республикасынын Министрлер Кабинетинин Төрагасы арбитраждык сотторго, эл аралык сотторго, эл аралык арбитраждык сотторго, чет өлкөлүк сотторго, бейтарап сотторго жана башка адистештирилген сотторго, Кыргыз Республикасынын Жогорку сотуна, Кыргыз Республикасынын Конституциялык сотуна жана жергиликтүү сот органдарына юридикалык же жеке жактар тарабынан мамлекеттик органдарга карата доо арызы берилгенден кийин 2 күндүн ичинде алар маселенин маңызы боюнча тиешелүү маалыматты жана өз позициясын Борборго билдирүүгө тийиш.

4. Кыргыз Республикасынын Министрлер Кабинетинин кызыкчылыктарын коргоо боюнча андан аркы аракеттерди жүргүзүү үчүн доо арызды Борборго жиберүү жөнүндө чечим карамагындагы чөйрөсүнө каралып жаткан маселе тиешелүү болгон мамлекеттик органга бардык зарыл болгон материалдарды, маалыматтарды жана документтерди Борборго берүү тапшырмасы менен Кыргыз Республикасынын Министрлер Кабинетинин Төрагасы, Кыргыз Республикасынын Министрлер Кабинетинин Төрагасынын орун басарлары тарабынан кабыл алынат.

Кыргыз Республикасынын мамлекеттик органынын кызыкчылыктарын коргоо боюнча андан аркы аракеттерди жүргүзүү үчүн доо арызды Борборго жиберүү жана бардык зарыл болгон материалдарды, документтерди жана маалыматтарды Борборго берүү жөнүндө чечим Кыргыз Республикасынын Министрлер Кабинетинин Төрагасы, Кыргыз Республикасынын Министрлер Кабинетинин Төрагасынын орун басарлары менен макулдашуу боюнча Кыргыз Республикасынын аталган мамлекеттик органынын жетекчиси тарабынан кабыл алынат.

5. Кыргыз Республикасынын Министрлер Кабинетинин атынан доо арызды берүүнүн максатка ылайыктуулугу, доо арыздын талаптарынан толук же жарым-жартылай баш тартуу, доо арыздын предметин жана негизин өзгөртүү, тынчтык макулдашуусун түзүү, сот актыларына даттануу, иш боюнча өндүрүштү токтото туруу жөнүндө чечим Кыргыз Республикасынын Министрлер Кабинетинин Төрагасы, Кыргыз Республикасынын Министрлер Кабинетинин Төрагасынын орун басарлары менен макулдашылууга тийиш. Доо арызды берүүнүн максатка ылайыктуулугу жөнүндө маселе бир эле убакта төмөнкүлөр менен макулдашылат:

- ыйгарым укуктуу мамлекеттик орган;

- Борбор;

- ыйгарым укуктуу юридикалык компания.

6. Борбор тарабынан арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында кызыкчылыктары корголгон мамлекеттик уюмдар ушул Регламенттин 4-пунктунда көрсөтүлгөн тапшырманы алгандан кийин 2 күндүн ичинде арбитраждык соттун, эл аралык соттун, эл аралык арбитраждык соттун, чет өлкөлүк соттун, бейтарап соттун жана башка адистештирилген соттордун, Кыргыз Республикасынын Жогорку сотунун, Кыргыз Республикасынын Конституциялык сотунун жана жергиликтүү соттук териштирүүнүн предметине тиешелүү болгон бардык материалдарды Борборго жиберишет.

Мамлекеттик органдар арбитраждык соттун, эл аралык соттун, эл аралык арбитраждык соттун, чет өлкөлүк соттун, бейтарап соттун жана башка адистештирилген соттордун, Кыргыз Республикасынын Жогорку сотунун, Кыргыз Республикасынын Конституциялык сотунун жана жергиликтүү соттук териштирүүнүн предмети боюнча далилдерди топтоого жана изилдөөгө түздөн-түз катышат.

7. Кыргыз Республикасынын бардык соттук инстанцияларындагы сот жыйындарында Кыргыз Республикасынын Министрлер Кабинетинин, ошондой эле арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо Кыргыз Республикасынын мамлекеттик органдарынын кызыкчылыктарын коргоого ишеним катты берүү укугу Борбордун директору, ал жок болгон учурда анын орун басары тарабынан өкүлдү Кыргыз Республикасынын Граждандык процесстик кодексинде, Кыргыз Республикасынын Жазык-процесстик кодексинде белгиленген ыйгарым укуктарын аныктоо менен жүргүзүлөт.

8. Сотто Кыргыз Республикасынын Министрлер Кабинетинин, ошондой эле арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо Кыргыз Республикасынын мамлекеттик органдарынын кызыкчылыктарын коргоо үчүн ишеним кат Борбордун, министрликтердин, мамлекеттик комитеттердин жана аткаруу бийлигинин башка органдарынын жана алардын ведомстволук органдарынын штатында турган (борбордук аппаратта, аймактык жана башка органдарында) же ишке тартылган адамдарга берилиши мүмкүн.

9. Кыргыз Республикасынын Министрлер Кабинетинин жана Кыргыз Республикасынын мамлекеттик органынын соттогу өкүлү болгон мамлекеттик органдын кызматкери сотто каралган иштин жыйынтыктары жөнүндө соттун чечимдерин даттануу үчүн Кыргыз Республикасынын мыйзамдарында белгиленген мөөнөттөрдө Борборду маалымдоого милдеттүү.

10. Борбор, Кыргыз Республикасынын Президентинин Администрациясы жана мамлекеттик органдар арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо, Кыргыз Республикасынын Жогорку сотунда, Кыргыз Республикасынын Конституциялык сотунда жана жергиликтүү сот органдарында каралып жаткан доо талаптары боюнча өз ара аракеттенүү, өз ара байланышуу жана маалыматтарды өз ара алмашуу үчүн шарттарды түзөт.

11. Борбор өз ара кызыкчылык жараткан маселелер боюнча Кыргыз Республикасынын Президентинин Администрациясы, мамлекеттик органдар менен биргеликте жумушчу топторду түзүп, семинарларды өткөрө алат.".