КР Өкмөтүнүн «Жер казынасы жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын Мыйзамынын долбоору жөнүндө» токтому

КР Министрлер Кабинетинин 2023-жылдын 13-январындагы № 13 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2021-жылдын 4-майы № 187 "Жер казынасы жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө Кыргыз Республикасынын Конституциясынын 79-беренесине ылайык Кыргыз Республикасынын Өкмөтү токтом кылат:

1. "Жер казынасы жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жактырылсын.

2. Аталган мыйзамдын долбоору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын энергетика жана өнөр жай министринин орун басары - Кыргыз Республикасынын Энергетика жана өнөр жай министрлигине караштуу Геология жана жер казынасын пайдалануу мамлекеттик агенттигинин директору аталган мыйзамдын долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

Кыргыз Республикасынын Премьер-министри

У.Марипов

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Жер казынасы жөнүндө" Кыргыз Республикасынын Мыйзамына өзгөртүүлөрдү киргизүү тууралуу 1-берене. "Жер казынасы жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2018-ж., № 5, 282-ст.) төмөнкүдөй өзгөртүүлөр киргизилсин:

1) 4-беренесинин 41-пункту төмөнкүдөй редакцияда баяндалсын:

"41) пайдалуу кендерди иштетүү - жер казынасынан пайдалуу кендерди алуу жана техногендик заттарды кайра иштетүү боюнча пайдалуу кен чыккан жерлердеги иштер (анын ичинде жер астындагы сууларды алуу);";

2) 35-беренесинде:

- 1-бөлүгүнүн 2-пункту "пайдалуу кендерди" деген сөздөрдөн кийин "(техногендик заттарды иштетүүдөн тышкары)" деген сөздөр менен толукталсын;

- 2-бөлүгү төмөнкүдөй редакцияда баяндалсын:

"Жер казынасын пайдалануучу алынган пайдалуу кенге карата менчик укугуна Кыргыз Республикасынын мыйзамдарында белгиленген тартипте аларды казып алган учурдан тартып ээ болот. Бул укук жер казынасын пайдалануу укугу токтогондон кийин да сакталат. Пайдалуу кен чыккан жерлерди иштетүү аяктагандан кийин техногендик заттар мамлекеттин менчигине өтөт, аларды иштетүүгө Кыргыз Республикасынын Өкмөтүнүн чечими боюнча жол берилет.". 2-берене. Ушул Мыйзам расмий жарыяланган күндөн тартып жети күн өткөндөн кийин күчүнө кирет.

Кыргыз Республикасынын Президенти